fbpx
Բաժիններ

Սևադա Արզումանյան․ «Տղաներն անվստահ էին գործում խաղային պարզունակ իրավիճակներում»

«Արցախի» գլխավոր մարզիչ Սևադա Արզումանյանը Բարձրագույն խմբի առաջնության 35-րդ տուրում «Արարատ-Արմենիայից» կրած պարտությունից հետո (0-2) պատասխանել է լրագրողների հարցերին․

-Շնորհավորում եմ «Արարատ-Արմենիային» հաղթանակի կապակցությամբ։ Մեր տղաների գործողություններում առաջին խաղակեսում ավելորդ լարվածություն էր առաջացել, անվստահություն։ Ընդմիջմանը որքան հնարավոր է ոգևորեցինք, որպեսզի մի քիչ ավելի վստահ և ազատ գործեն։

Երկրորդ խաղակեսում որոշակիորեն կարողացան վերահսկել գնդակը։ Բայց դա եկավ նաև նրանից, որ «Արարատ-Արմենիան», 2 խաղակեսերի սկզբում 1-ական գոլ խփելով, մեզ սկսեց որոշակի ազատ տարածություններ թողնել։ Նաև դա օգնեց, որ մենք ավելի շատ վերահսկենք գնդակը։ Բայց սուր պահեր, չհաշված 1-2 դրվագները, չհաջողվեց ստեղծել։

Տղաների գործողություններում հոգնածություն, նաև անվստահություն նկատվեց։ Կփորձենք հանգստանալու հնարավորություն տալ, պատրաստվել վերջին խաղին ու փորձել լավ նոտայով ավարտել առաջնությունը։

Ինչի՞ հետ եք կապում Ձեր թիմի այդպիսի տրամադրվածությունը։ Մրցակցի ուժեղ լինելը վա՞խ էր առաջացրել «Արցախի» շարքերում։

-Մրցակիցը, իհարկե, ուժեղ է, և պատահական չէ, որ պայքարում է չեմպիոնության համար։ Առաջնությունում էլի կան լավ թիմեր, որոնք «Արարատ-Արմենիային» համարժեք մրցակցություն են ստեղծում։ Վախենալու մասին խոսք չկա։ Նրանց համար մրցավեճն ավելի մեծ կարևորություն ուներ։ Բացի այդ, խաղում ես այնքան, ինչքան թույլ է տալիս մրցակիցը։

Պարզապես այդ անվստահությունը շատ հասարակ խաղային իրավիճակներում էր նկատվում՝ նույնիսկ առանց մրցակցի միջամտության, օրինակ՝ ավելորդ շտապողականության կամ նույնիսկ գնդակն ընդունելու հետ կապված խնդիր։ Իսկ երբ «Արարատ-Արմենիան» ճնշում էր և պետք է փորձեինք խոչընդոտը հաղթահարել, այդ ժամանակ, իհարկե, մրցակցի գործոնը զգալ էր տալիս։ Անվստահության խնդիրը նկատելի էր պարզունակ իրավիճակներում։

Թիմի խաղի այսպիսի տատանումներն ինչի՞ հետ եք կապում։ Նախորդ տուրում «Արցախը» հիանալի խաղաց «Ալաշկերտի» հետ, մոտ էր հաղթանակին, իսկ այսօր այդքան էլ լավ տպավորություն չթողեց։ Դա հոգեբանակա՞ն խնդիր է, թե՞ ֆիզիկական։

-Այդ ամենը կապված է նաև ֆիզիկական որակների հետ։ Ինչ վերաբերում է հոգեբանությանը, ապա այս փուլում, կարծում եմ, այդ գործոնը չպետք է ազդի, քանի որ, ինչպես բոլորը գիտեն, թիմում կառուցողական աշխատանքներ են ընթանում։ Այսինքն, արդյունքի հետ կապված ճնշում չկա, և յուրաքանչյուր ֆուտբոլիստ պարզապես պետք է իր լավագույն որակները դրսևորի, մենք էլ մտածենք նաև այդ որակները կատարելագործելու մասին։ Առաջնության վերջնամասում ֆունկցիոնալ վիճակի ազդեցությամբ տատանումներ, լավ և վատ խաղեր ունենում են բոլոր թիմերը, ոչ միայն մենք։

Կարևոր է ձեռքի տակ համարժեք փոփոխություններ կատարելու հնարավորություն ունենալը։ Եվս 1 հանգամանք առանձնացնեմ․ քանի որ հերթական դեղին քարտից հետո մյուս խաղը բաց թողնելու վտանգ կա, ֆուտբոլիստը դրա հետևանքով պակաս անձնազոհությամբ է մտնում մենապայքարների մեջ։ Մրցավեճի ընթացքում կատարելով ծավալուն աշխատանք՝ սկսում են պարտվել մենապայքարները։ Դա զգույշ խաղալու, ոչ պարտադիր իրավիճակներում դեղին քարտով չպատժվելու ցանկության հետևանքն է։ Եվ ֆուտբոլիստները միգուցե ունեն այդպիսի հոգեբանություն։ Այդպես, իհարկե, չպետք է լինի։

1 տուր մնաց առաջնության ավարտին։ Արդեն կողմնորոշվե՞լ եք՝ որ ֆուտբոլիստներն են մնալու թիմում և ի՞նչ հստակություն կա հաջորդ մրցաշրջանի անելիքների հետ կապված։

-Բավականաչափ կողմնորոշվել ենք, բայց հետագա ծրագրերի ու աշխատանքների հետ կապված ավելի գլոբալ կզրուցենք ակումբի ղեկավարների հետ, որպեսզի իրենք էլ հասկանան՝ ինչի համար ինչ ենք անելու, մենք էլ հասկանանք՝ ինչ են ուզում և ինչ կարելի է անել։ Կան խոսակցություններ, բանակցություններ, բայց ծրագրերի մեջ առայժմ հստակություն չկա։ Ինչ վերաբերում է կազմին, ապա բավականին մեծ տոկոս է կազմում կողմնորոշվածության աստիճանը։

Վարդան Մինասյան․ «Թիմը հոգեբանորեն պատրաստ է վերջին քայլը կատարելու դեպի չեմպիոնություն»

Հետևե՛ք VNews.am-ին նաև Youtube-ում և Instagram-ում:


«Երևանը» մաքառեց, բայց չեմպիոնը սպասելի հաղթանակ տոնեց․ VNews-ի ֆոտոշարքը «Երևան» – «Արարատ-Արմենիա» խաղից

Գեորգի Ղազարյան․ «Հիմա մի քիչ դժվար է ասել՝ «Երևանն» ինչի է հավակնելու այս առաջնությունում․ աշխատելու ենք հաղթել ամեն խաղում» (տեսանյութ)

Վարդան Մինասյան․ «Մեզ պետք չէր ավելորդ էմոցիա ծախսել․ այդ էմոցիաները պետք է պահեինք ամսի 29-ի խաղի համար» (տեսանյութ)

«Արարատ-Արմենիան» հաղթեց և բարձր տրամադրությամբ կմեկնի Լյուքսեմբուրգ (տեսանյութ)

«Երևան» – «Արարատ-Արմենիա»․ Մեկնարկային կազմեր, ուղիղ հեռարձակում (տեսանյութ)

Վադիմ Բորեց․ «Բարձրագույն խմբում բոլորն էլ հավասարազոր թիմեր են»

«Հայկական որոշ թիմեր իսպանական ֆուտբոլի բարձր մակարդակում կկարողանային լավ հանդես գալ»․ Դավիդ Կամպանյա

Գրիգոր Աղեկյանի գոլը հաղթանակ է պարգևում «Լոռիին» «Նոայի» դեմ խաղում (տեսանյութ)

«Լոռի» – «Նոա»․ Մեկնարկային կազմեր, ուղիղ հեռարձակում (տեսանյութ)

Խաշմանյանը կփորձի վերջ դնել իր նախկին թիմի հաղթական մեկնարկին․ Ամենաուշագրավ փաստերը՝ ԲԽ-ի 4-րդ տուրին ընդառաջ

«Արարատ-Արմենիան» բարելավեց իր ռեկորդային ցուցանիշները

Լուիս Օգանա. «Առանց երկրպագուների չէինք հասնի այս արդյունքին» (տեսանյութ)

Պատմության կերտման ճանապարհին. VNews-ի ֆոտոշարքն «Արարատ-Արմենիա» – «Դյուդելանժ» խաղից

Վարչապետ Նիկոլ Փաշինյանն անդրադարձել է «Արարատ-Արմենիայի» հաղթանակին

Գեորգի Պաշով. «Շնորհակալություն երկրպագուներին, նրանք այսօր փառահեղ էին» (տեսանյութ)

Գոռ Մալաքյան. «Էմոցիաներն աննկարագրելի են» (տեսանյութ)