fbpx
Բաժիններ

Պատմության մեջ երկրորդ անգամ է նորաստեղծ թիմը հռչակվում Հայաստանի չեմպիոն

Բարձրագույն խմբի 36-րդ տուրը՝ 10 փաստով

Առաջնության ավարտական տուրը տվեց ֆուտբոլասերներին հուզող բոլոր հարցերի պատասխանները: Տուրի ամենաուշագրավ իրադարձությունները ներկայացնում ենք 10 փաստի տեսքով:

1. Առաջնության ավարտական տուրն անցավ անհաշտ պայքարում, որում դաշտի տերերն ու հյուրերը երկուական հաղթանակ տոնեցին: Առաջնությունում անցկացված 144 հանդիպումներում դաշտի տերերը 55 հաղթանակ են տոնել, հյուրերին հաջողությունն ուղեկցել է 49 անգամ, 40 խաղ ավարտվել է ոչ-ոքի:

Տուրն աչքի ընկավ գոլային հրավառությամբ. 4 խաղում 19 անգամ դարպասի գրավում արձանագրվեց: Դա ավարտված առաջնության ամենաբարձր արդյունավետությունն է: Մինչ այդ ամենաարդյունավետը 29-րդ տուրն էր, որում 16 գոլ էր խփվել: 27-րդ առաջնությունում անցկացված 144 հանդիպումներում 334 գոլ գրանցվեց: Միջին արդյունավետությունը կազմում է 2,31 գոլ մեկ խաղում:

Վարդան Մինասյան. «Արժանիորեն հաղթեցինք՝ թե՛ այս խաղը, թե՛ առաջնությունը» (տեսանյութ)

2. Բարձրագույն խմբի նորեկ «Արարատ-Արմենիան» առաջին իսկ փորձից նվաճեց Հայաստանի չեմպիոնի տիտղոսը՝ արծաթե մեդալները թողնելով «Փյունիկին», որը 3-րդ անգամ (նախկինում՝ 1994, 2011թթ.) դարձավ 2-րդ մրցանակակիր: ՀՀ առաջնությունների պատմության մեջ երկրորդ դեպքն է, որ նորաստեղծ թիմը Հայաստանի չեմպիոն է հռչակվում: Դա հաջողվել էր միայն «Փյունիկին», որը, 1992թ. կազմավորվելով և հանդես գալով ՀՄԸՄ անվանումով, «Շիրակի» հետ միասին արժանացել էր ոսկե մեդալների:

«Արարատ-Արմենիան» դարձավ Հայաստանի չեմպիոնի տիտղոսը նվաճած 9-րդ թիմը: Ռեկորդակիրը «Փյունիկն» է, որը ՀՀ 14-ակի չեմպիոն է: 4 անգամ չեմպիոն է հռչակվել «Շիրակը», 3 անգամ՝ «Ալաշկերտը»: 2 անգամ հաջողությունն ուղեկցել է «Ցեմենտին», մեկական անգամ էլ ուժեղագույնն են ճանաչվել «Արարատը», «Երևանը», «Ուլիսը» և «Բանանցը»:

«Արարատ-Արմենիան» բոլորից հաջող հանդես եկավ առաջնության գարնանային հատվածում՝ 15 հանդիպումներում վաստակելով 35 միավոր: Այդ ցուցանիշով Վարդան Մինասյանի սաները 2 միավորով գերազանցեցին «Փյունիկին»:

Պետրոս Ավետիսյանը՝ առաջին անգամ Հայաստանի չեմպիոն դառնալու մասին (տեսանյութ)

3. «Բանանցն» իր պատմության մեջ 6-րդ անգամ արժանացավ բրոնզե մեդալների (նախկինում՝ 1992, 1993, 2002, 2004, 2005թթ.)՝ 12-րդ անգամ դառնալով ՀՀ առաջնությունների մրցանակակիր: Վերջին 5 հանդիպումներում «Բանանցին» չհաջողվեց հաղթանակ տոնել՝ վաստակելով ընդամենը 3 միավոր:

Իլշատ Ֆայզուլինը դարձավ օտարերկրացի 5-րդ մարզիչը, որին հաջողվեց «Բանանցին» մրցանակակիր դարձնել: Մինչ այդ թիմի հետ հաջողության էին հասել ռուսաստանցի Նիկոլայ Կիսելյովը (2006թ.՝ արծաթ), բուլղարացի Նիկոլայ Կոստովը (2007թ.՝ արծաթ), մակեդոնացի Ստևիցա Կուզմանոսկին (2010թ.՝ արծաթ) և սլովակ Ժոլտ Հոռնյակը (2013/14թթ.՝ չեմպիոն):

4. «Գանձասար-Կապանը» միակ թիմն է, որն ավարտված առաջնության մեկ խաղում 7 գոլ խփեց՝ 7-1 հաշվով ջախջախելով «Արարատին»: Գանձասարցիները կրկնեցին առաջնությունում գրանցված ամենախոշոր հաշվի ռեկորդը, որը մինչ այդ պատկանում էր «Ալաշկերտին»: Վերջինս 7-րդ տուրում 6 անպատասխան գնդակ էր խփել «Արցախի» դարպասը: Ավարտված առաջնությունում 2-րդ անգամ մեկ խաղում առավելագույն քանակի գոլեր (8) խփվեցին: Մինչ այդ նման արդյունք էր գրանցվել 29-րդ տուրի «Արարատ» – «Արարատ-Արմենիա» խաղում՝ 2-6:

Գոռ Մալաքյանը Հայաստանի չեմպիոն դառնալուց հետո կիսվել է տպավորություններով (տեսանյութ)

«Գանձասար-Կապանն» ավարտված առաջնությունում 2-րդ անգամ խոշոր հաշվով հաղթեց «Արարատին» (առաջինը՝ 4-0), որը ՀՀ առաջնություններում կապանցիների համար 5-րդն էր արարատցիների հետ հանդիպումներում: Դա նաև «Արարատի» նկատմամբ գանձասարցիների տոնած ամենախոշոր հաշվով հաղթանակն էր: Մինչ այդ ամենախոշորները գրանցվել էին 2011 (5-0) և 2017/18թթ. (6-1) առաջնություններում:

5. «Արարատն» ավարտված առաջնությունում խոշոր հաշվով 5-րդ պարտությունը կրեց, ինչը վատագույն արդյունքն է: Արարատցիները ՀՀ առաջնություններում առաջին անգամ մեկ խաղում 7 գոլ բաց թողեցին՝ կրկնելով ամենախոշոր հաշվով կրած պարտության իրենց ցուցանիշը: Նախկինում «Արարատը» 4 անգամ պարտվել էր 0-6 հաշվով: Առաջին երկու պարտությունները գրանցվել էին 2007թ. Դուշան Միհիչի օրոք «Փյունիկից» և «Բանանցից», ընդ որում 2 անընդմեջ խաղում: Հետագայում ևս երկու անգամ (2009թ.՝ Արկադի Անդրեասյանի, 2012/13թթ.՝ Ալբերտ Սաֆարյանի օրոք) արարատցիները 6 անպատասխան գնդակ էին ընդունել փյունիկցիներից:

«Գանձասար-Կապանի» հետ անցկացրած առաջնության վերջին 6 հանդիպումներում էլ «Արարատը» պարտվել է՝ սեփական դարպասը բաց թողնելով 23 գնդակ, խփելով ընդամենը 3 գոլ: Վերջին հաղթանակը գանձասարցիների նկատմամբ «Արարատը» տոնել է անցյալ տարվա մարտի 1-ին Դավիթ Մինասյանի խփած միակ գոլի շնորհիվ, որը կապանցիների կազմում գրավեց իր նախկին թիմի դարպասը:

Առաջին տիտղոսը. «Արարատ-Արմենիայի» չեմպիոնական տոնախմբությունը (ֆոտոշարք)

6. «Շիրակին» վերջապես հաջողվեց ընդհատել 449 րոպե տևած գոլային երաշտը, երբ 72-րդ րոպեին Կարեն Մուրադյանը գրավեց «Արցախի» դարպասը: Հետաքրքիր է, որ նախորդ գոլը շիրակցիները կրկին խփել էին 72-րդ րոպեին մայիսի 2-ին «Արարատի» հետ կայացած խաղում: Աչքի էր ընկել Արամ Մուրադյանը:

7. Գեղամ Հարությունյանը ֆուտբոլային կարիերայում 2-րդ անգամ պոկերի հեղինակ դարձավ ու կրկին՝ «Արարատի» հետ մրցավեճում: Առաջին պոկերը նա ձևակերպել էր անցյալ տարվա մայիսի 1-ին՝ բոլոր 4 գոլերն էլ խփելով ընդմիջումից հետո: Այդ խաղում կապանցիները հաղթել էին 6-1 հաշվով: Գեղամը շատ արդյունավետ է խաղում «Արարատի» դեմ՝ ՀՀ առաջնություններում գանձասարցիների կազմում 17 անգամ գրավելով մրցակցի դարպասը:

29-ամյա Գեղամ Հարությունյանը 8 գնդակով դարձավ կապանցիների լավագույն ռմբարկուն ու գերազանցեց Միհրան Մանասյանի տարիքային ռեկորդը: Վերջինս այդ տարիքում անցյալ տարի թիմի կազմում 6 գոլ էր խփել: Գեղամը Բարձրագույն խմբում խփած գոլերի թիվը հասցրեց 45-ի, որից 43-ը նրա օգտին գրանցվել է «Գանձասար-Կապանում»:

«Արարատ-Արմենիան» հանդերձարանում տոնում է չեմպիոնությունը (տեսանյութ)

8. Միհրան Մանասյանին վերջապես հաջողվեց առաջնության գարնանային հատվածում առաջին գոլը խփել: Աշնանային հատվածում նա 6 գնդակով «Գանձասար-Կապանում» ամենաարդյունավետն էր: Մանասյանը յուրօրինակ ռեկորդի հեղինակ դարձավ՝ ՀՀ առաջնություններում 21-րդ անգամ գրավելով «Արարատի» դարպասը: Այդ գոլերից 17-ը նա խփել է «Ալաշկերտում», 3-ը՝ «Գանձասար-Կապանում», մեկը՝ «Փյունիկում»: Մանասյանը գերազանցեց Նշան Էրզրումյանի ռեկորդային ցուցանիշը, որը «Կիլիկիայում» և «Արարատում» խաղալիս 10-ական անգամ գրավել էր «Շիրակի» դարպասը:

Բարձրագույն խմբում Միհրան Մանասյանը 76-րդ գոլը խփեց, ինչը լավագույն արդյունքն է առաջնության մասնակիցների մեջ: Մանասյանն ընդգրկվեց ՀՀ առաջնությունների 20 ամենաարդյունավետ ֆուտբոլիստների ցանկում՝ շրջանցելով 75 գոլի հեղինակ դարձած Մարկոս Պիզելիին:

9. Լևոն Հայրապետյանն առաջին գոլը խփեց «Ալաշկերտում»: Իսկ շիրակցի Յուսուֆի Ֆատյոնն ու գանձասարցի Աշոտ Ադամյանը բացեցին գոլերի հաշիվը Բարձրագույն խմբում:

Սևադա Արզումանյանը հեռացել է «Արցախի» գլխավոր մարզչի պաշտոնից

10. Պետրոս Ավետիսյանը Բարձրագույն խմբում հոբելյանական՝ 100-րդ խաղն անցկացրեց: «Արարատ-Արմենիայի» ներկայիս կազմի ֆուտբոլիստներից Ավետիսյանից ավելի շատ հանդիպումների է մասնակցել միայն Գոռ Մալաքյանը՝ 102:

Աշոտ Հայրապետյան

Հետևե՛ք VNews.am-ին նաև Youtube-ում և Instagram-ում:


Պաշտոնական. Երևանի «Արարատն» արտասահմանցի գլխավոր մարզիչ ունի

«Փյունիկն» ընկերական խաղում պարտվեց Մոսկվայի «Դինամոյին»

Օզբիլիս. «Հավաքականում միշտ լավ եմ զգում, իսկ ակումբային մակարդակով վերջին անգամ ֆուտբոլից հաճույք եմ ստացել «Սպարտակում»

«Գանձասար-Կապանը» ոչ-ոքի է խաղացել Հայաստանի պատանեկան հավաքականի հետ (տեսանյութ)

Գոռ Մալաքյանը նույնպես հրավիրվել է Հայաստանի հավաքական

«Փյունիկը» ընկերական հանդիպում կանցկացնի ռուսական Պրեմիեր լիգան ներկայացնող ակումբի հետ

Բարձրագույն խմբի 10-րդ տուրի խորհրդանշական հավաքականը և լավագույն ֆուտբոլիստը

«Արարատն» արդեն ունի այնքան միավոր, ինչքան վաստակել էր նախորդ ամբողջ առաջնությունում

Վադիմ Բորեց․ «Մենք էլ հույս ունենք, որ հնարավոր կլինի կայունության հասնել»

Աշոտ Բարսեղյան․ «Մենք այս ֆուտբոլիստներով չենք կարող շատ բարձր արդյունքներ գրանցել»

Հայկական ակումբների 8 լեգեոներներ հրավիրվել են իրենց երկրների ազգային հավաքականներ

«Նոան» 10 հոգով հաղթեց «Գանձասար-Կապանին» (տեսանյութ)

«Նոա» – «Գանձասար-Կապան». Մեկնարկային կազմեր, ուղիղ հեռարձակում (տեսանյութ)

Դաժան պայքար, խաղաղ ելք․ VNews-ի ֆոտոշարքն «Ուրարտու» – «Շիրակ» հանդիպումից

Իլշատ Ֆայզուլին․ «Սա ամենացավալի միավորն է, որ վաստակել ենք այստեղ»

Վարդան Բիչախչյան․ «Մենք ավելի մոտ էինք հաղթանակին»