Հայ ֆուտբոլիստների կանխատեսումները Չեմպիոնների լիգայի եզրափակիչի վերաբերյալ - VNews
Բաժիններ

Հայ ֆուտբոլիստների կանխատեսումները Չեմպիոնների լիգայի եզրափակիչի վերաբերյալ

Խաղի մանրամասները

Եվրոպա, ՈւԵՖԱ Չեմպիոնների Լիգա, Փլեյ-օֆֆ

01 Հունիս 2019 - 23:00

0

Տոտենհեմ Հոտսպուր

2

ՖԱ Լիվերպուլ

0 - 1 Մուհամեդ Սալահ - 2`

0 - 2 Դիվոք Օրիգի - 87`

Ֆուտբոլային աշխարհն անհամբերությամբ է սպասում Չեմպիոնների լիգայի գավաթի խաղարկության եզրափակիչին: Ինչպես և Եվրոպա լիգայի վճռորոշ խաղում, այստեղ նույնպես հաղթողին որոշելու են անգլիական 2 թիմեր, տվյալ դեպքում՝ «Լիվերպուլն» ու «Տոտենհեմը»:

VNews.am-ը ձեր ուշադրությանն է ներկայացնում հայկական ակումբների ֆուտբոլիստների սպասելիքներն ու կանխատեսումներն անգլիական դիմակայության վերաբերյալ: Յուրաքանչյուր թիմից ընտրվել է 1-ական խաղացող:

Ֆուտբոլիստներին ներկայացնում ենք ըստ նրանց ակումբների՝ Բարձրագույն խմբի ավարտված առաջնության մրցաշարային աղյուսակում զբաղեցրած դիրքերի:

Պետրոս Ավետիսյան («Արարատ-Արմենիա»)

«Թիմերից որևէ մեկին չեմ երկրպագում, բայց կարծում եմ՝ այս խաղում կհաղթի «Լիվերպուլը»: Յուրգեն Կլոպը դժվար թե երրորդ անգամ պարտվի Չեմպիոնների լիգայի եզրափակիչում: Կարծում եմ՝ «Լիվերպուլը» կհաղթի 3-1 հաշվով»:

Էրիկ Վարդանյան («Փյունիկ»)

«Ենթադրում եմ, որ «Լիվերպուլն» առավելության կհասնի 2-1 հաշվով: Երկրպագում եմ այդ թիմին, դրա համար էլ ցանկանում եմ նրա հաղթանակը, առավել ևս, որ անցած մրցաշրջանում նույնպես հասավ եզրափակիչ ու պարտվեց»:

Արամ Բարեղամյան («Բանանց»)

«Կանխատեսում եմ «Լիվերպուլի» հաղթանակը: Կարծում եմ՝ կհաղթի 2 գոլի առավելությամբ, հավանական է՝ 2-0 հաշվով: «Լիվերպուլն» այս տարի շատ լավ ֆուտբոլ խաղաց ու արժանի է տիտղոս նվաճելուն: Չստացվեց Անգլիայի Պրեմիեր լիգայում, հուսով եմ՝ կստացվի Չեմպիոնների լիգայում: Միայն այն փաստը, որ Կլոպի թիմը կիսաեզրափակիչում հաղթահարեց «Բարսելոնայի» արգելքը, արդեն շատ բանի մասին է խոսում: 2 թիմերն էլ դժվար ճանապարհ են անցել ու արժանի են հաղթանակի, բայց «Լիվերպուլն» ավելի արժանի է»:

Էդգար Մանուչարյան («Ալաշկերտ»)

«Կուզեմ, որ հաղթի «Լիվերպուլը»: Կանխատեսում եմ 2-0 հաշիվը: Հուսով եմ՝ լավ ու դիտարժան խաղ կլինի»:

Արամ Քոչարյան («Լոռի»)

«Կդժվարանամ հաշիվ նշել, բայց կարծում եմ՝ գավաթը կնվաճի «Լիվերպուլը»: Վերջինս այս տարի շատ լավ մարզավիճակում է, իրեն վստահ է զգում և նրա հիմնական խաղացողներից ոչ ոք չի բացակայելու: Իսկ «Տոտենհեմն» ունի շատ խնդիրներ և արդեն 2 անգամ հաջորդ փուլ է անցել բախտի գործոնի շնորհիվ: Կարծում եմ՝ եզրափակիչում հաջողությունը «Լիվերպուլի» կողմը կլինի»:

Գեղամ Հարությունյան («Գանձասար-Կապան»)

«Սպասում եմ, որ հավասար խաղ է լինելու: Կցանկանամ՝ հաղթանակ տոնի «Լիվերպուլը»: Բայց եզրափակիչները միշտ էլ անկանխատեսելի են: Ոչ ոք չի կարող վստահորեն ասել՝ ով կհաղթի: Լավ հանդիպում ենք սպասում, թող հաղթի ուժեղագույնը»:

Աղվան Դավոյան («Շիրակ»)

«Երկրպագելու եմ «Լիվերպուլին», կարծում եմ՝ կհաղթի 3-1 հաշվով: Մեզ շատ հետաքրքիր երեկո է սպասվում»:

Արգիշտի Պետրոսյան («Արցախ»)

«2 թիմերից ոչ մեկին չեմ երկրպագում, սակայն կանխատեսում եմ «Լիվերպուլի» հաղթանակը 2-1 հաշվով: Թե՛ «Լիվերպուլը», թե՛ «Տոտենհեմը» մեծ դժվարությամբ, բայց միաժամանակ արժանիորեն են հասել եզրափակիչ: Շատ հետաքրքիր ու դիտարժան մրցավեճ է լինելու»:

Պողոս Այվազյան («Արարատ»)

«Կարծում եմ՝ այս հանդիպումը թե՛ խաղի որակով, թե՛ արագություններով կտարբերվի Եվրոպա լիգայի եզրափակիչից: 2 թիմերն էլ գերկամային հատկանիշներով աչքի ընկան կիսաեզրափակիչներում, բայց ես եզրափակիչում առավելություն կտամ Յուրգեն Կլոպի «Լիվերպուլին»: Այդ մարզչի համար հասունացել է Չեմպիոնների լիգայում հաղթելու պահը և երրորդ փորձը, կարծում եմ, կպսակվի հաջողությամբ: Իսկ Պոչետինոն դեռ հնարավորություն կունենա հանդես գալու եզրափակիչում՝ եթե ոչ «Տոտենհեմի», ապա այլ գրանդ ակումբների ղեկին: Կանխատեսում եմ «Լիվերպուլի» հաղթանակը 3-1 հաշվով»:

Միացի՛ր հայկական ամենասպորտային Instagram-ին:


«Լոռի» – «Արարատ» հանդիպումը չի կայանա. ֆուտբոլիստներից մեկի՝ COVID-19 թեստը դրական է

Եզրափակիչի մասնակից թիմերից միայն 2 ֆուտբոլիստ է երբևէ դարձել VBet Հայաստանի գավաթակիր․ «Նոա» – «Արարատ-Արմենիա» խաղին ընդառաջ

«Փյունիկը» երկարաձգել է պայմանագիրը 3 ֆուտբոլիստի հետ

«Լիվերպուլը» խնդիրներ չունեցավ «Բրայթոնի» դեմ խաղում (տեսանյութ)

«Լոռիի» դարպասապահը վարակվել է կորոնավիրուսով, ևս երեք ֆուտբոլիստներ բարձր ջերմություն ունեն

VBET-ը ներկայացնում է Հայաստանի առաջնության հունիս ամսվա 5 լավագույն գոլերը (տեսանյութ)

9 նկատառում. «Շիրակը» հայտարարություն է տարածել

Պարետատնից մերժել են. VBET Հայաստանի գավաթի եզրափակիչը կանցկացվի առանց հանդիսականների

Դայերը որակազրկվել է 4 խաղով՝ տրիբունայում երկրպագուի հետ վիճելու համար

«Արարատի» 700-րդ խաղը․ Միայն 2 թիմ է ավելի շատ հանդիպում անցկացրել Բարձրագույն խմբում

Մելիքյանի առաջին հաղթանակն «Ալաշկերտում», որը պարգևեց եվրագավաթի ուղեգիր․ VNews-ի ֆոտոշարքը «Լոռիի» դեմ խաղից

«Ալաշկերտ» – «Լոռի» խաղում հայտնի դարձավ Եվրոպա լիգայի վերջին ուղեգրի տիրակալի անունը (տեսանյութ)

Խաղ՝ Եվրոպա լիգայի ուղեգրի համար․ «Ալաշկերտ» – «Լոռի»․ Մեկնարկային կազմեր, ուղիղ հեռարձակում (տեսանյութ)

«Նոա»-«Շիրակ» հանդիպման վիճելի դրվագները՝ ՀՖՖ մրցավարական բաժնի մեկնաբանությամբ

Կառլեն Մկրտչյանը նույնպես հեռացավ «Փյունիկից»

Գուշակեք մրցաշրջանը՝ ըստ մրցաշարային աղյուսակի. VNews-ի Quiz-ը