fbpx
Բաժիններ

Համբարձումյանը պատմել է Անգլիայի չեմպիոնի կազմ չկայացած տեղափոխության մասին

«Էնոսիս Պարալիմնիի» և Հայաստանի ազգային հավաքականի պաշտպան Հովհաննես Համբարձումյանը VNEWS-ին տված հարցազրույցում հայտարարել է, որ 2016 թվականի ամռանը հնարավորություն է ունեցել տեղափոխվելու անգլիական «Լեսթեր»:

Հայ ֆուտբոլիստն այդ ժամանակ հանդես էր գալիս մակեդոնական «Վարդարում» և դարձել էր երկրի կրկնակի չեմպիոն, իսկ «Լեսթերը» սենսացիոն չեմպիոնության էր հասել Անգլիայի Պրեմիեր լիգայում:

«Մոտ էի «Լեսթեր» տեղափոխությանը, բայց խնդիրը ժամանակի սղությունն էր: Առաջարկը կատարվեց տրանսֆերային պատուհանի փակումից քիչ ժամանակ առաջ, ուստի խնդիրներ առաջացան: Աշխատանքային վիզա անհնար էր ստանալ 2 օրվա ընթացքում: Բացի այդ, հավաքականում շատ չէի խաղացել, պետք էր, որ մասնակցած լինեի ընտրանու՝ տվյալ տարում անցկացրած հանդիպումների առնվազն 75%-ին, որպեսզի թույլտվություն ստանայի:

Անձամբ եմ տեսել «Լեսթերի» առաջարկը, որն ինձ ուղարկվել էր օգոստոսի 30-ի երեկոյան, իսկ տրանսֆերային պատուհանը պետք է փակվեր օգոստոսի 31-ին: Նրանք չգիտեին, որ հայկական անձնագիր ունենալու դեպքում նման խնդիրների ես բախվում: «Լեսթերին» էլ շտապ աջ պաշտպան էր հարկավոր:

Ես այդ ակումբի ներկայացուցիչներից ոչ ոքի հետ չեմ խոսել, բոլոր հարցերով իմ մենեջերն է զբաղվել Անգլիայում աշխատող իր գործընկերոջ միջոցով, որի հետ միևնույն ընկերությունում էր աշխատում: Ես միայն առաջարկն եմ տեսել ու այլ բաներից տեղյակ չեմ եղել: Անգլիական ակումբում, ծանոթանալով իրավիճակին, ասել են, որ անհնար է փաստաթղթային հարցերն այդքան կարճ ժամկետում լուծել: 2016 թվականի ձմռանն առաջարկներ եղան նաև Անգլիայի Չեմպիոնշիփի ու բելգիական թիմերից, բայց այդ ժամանակ արդեն նոր պայմանագիր էի ստորագրել «Վարդարի» հետ, և վերջինս մեծ գումարներ էր պահանջում իմ տեղափոխության դիմաց:

«Վարդարը» Մակեդոնիայում թոփ-թիմ էր, որը միշտ պայքարում էր Չեմպիոնների լիգայի կամ Եվրոպա լիգայի ուղեգրի համար: Բայց եվրոպական առաջատար երկրների ակումբները չեն ցանկանում 1 կամ 1,5 մլն եվրո վճարել Մակեդոնիայի առաջնության խաղացողի համար, որովհետև նրանք չեն հավատում, որ այնտեղի նույնիսկ թոփ-ֆուտբոլիստը կարող է գալ ու արդարացնել իր համար վճարված գումարները: Եթե պահանջեն 400 հազար կամ 500 հազար եվրո, տրանսֆերը գուցե հնարավոր դառնա:

Ինչ վերաբերում է ինձ, ապա, որքանով տեղյակ եմ, իմ տեղափոխության դիմաց «Վարդարը» պահանջել է 1 մլն կամ դրանից ավելի»,- ասել է Համբարձումյանը:

28-ամյա ֆուտբոլիստի ամբողջական հարցազրույցը կներկայացնենք շուտով:

Համբարձումյանը հրավիրվել է Հայաստանի ազգային հավաքական, որը ԵՎՐՈ2020-ի ընտրական փուլում նախ հյուրընկալելու է Լիխտենշտեյնի ընտրանուն (հունիսի 8), ապա մրցակցի հարկի տակ խաղալու է հույների հետ (հունիսի 11)։ Ընտրանին այդ խաղերին սկսելու է նախապատրաստվել վաղվանից՝ հունիսի 4-ից:

Վահան Բիչախչյան. «Հունիսի 12-ից «Ժիլինայի» հետ կսկսեմ նախապատրաստվել նոր մրցաշրջանին»

Հետևե՛ք VNews.am-ին նաև Youtube-ում և Instagram-ում:


«Բարսելոնան» ցանկանում է գնել Չեմպիոնների լիգայի գլխավոր հայտնությանը

«Բարսելոնան» ու «Ռեալը» մտադիր են իրենց կողմ գրավել «Լիվերպուլի» 2 հաղթաթղթին

«Ռեալը» հաջորդ մրցաշրջանում ռեկորդային տրանսֆերային բյուջե կունենա

«Ռեալը» 3 անգամ փորձել է գնել Լևանդովսկուն

«Բարսելոնան» մտադիր է «բոմբել». Նեյմարի փոխարեն՝ Մբապե

4 թոփ ակումբ աչք է դրել այդ ֆուտբոլիստի վրա

Զիդանը ցանկանում է «Ռեալում» տեսնել իր հայրենակցին

Որքան են վաստակել ֆուտբոլային գործակալները ամառային տրանսֆերային պատուհանի ընթացքում

Մեսի. «Բարսելոնան» իմ տունն է, ես չեմ ուզում հեռանալ»

Պերես. «Մեզ մի ֆրանսիացի ֆուտբոլիստ է դուր գալիս, որին կփորձենք գնել»

Բեքհեմը ցանկանում է Մեսիին հրավիրել իր թիմ

Նեյմարի հայր. «Բարսելոնայի հետ բանակցությունները դեռ չեն ավարտվել»

Մխիթարյանը, Համբարձումյանը և Ռոնալդուն՝ ԵՎՐՈ2020-ի 6-րդ տուրի խորհրդանշական հավաքականում

«Պոգբան թեման քննարկել է Մեսիի, Իբրահիմովիչի ու Գրիզմանի հետ»․ Մատիաս Պոգբա

«Լոռին» համալրվեց ևս 2 լեգեոներով

ՊՍԺ-ն Նեյմարին տրանսֆերի կհանի ձմռանը