Դմիտրի Աբակումովը կստանար «Ոսկե ձեռնոց» մրցանակը, եթե Հայաստանում այն խաղարկվեր - VNews
Բաժիններ

Դմիտրի Աբակումովը կստանար «Ոսկե ձեռնոց» մրցանակը, եթե Հայաստանում այն խաղարկվեր

Ֆուտբոլի Հայաստանի Բարձրագույն խմբի 27-րդ առաջնության մասնակից 9 թիմերի դարպասի պաշտպանությունը վստահվել էր 24 դարպասապահի, որոնցից միայն 10-ն էին հայ: Ընդ որում հայ դարպասապահներից միայն 4-ն էին իրենց թիմերի հիմնական դարպասապահները:

Դարպասապահներից Արսեն Սիուկաևը հանդես եկավ 2 թիմի կազմում: Առաջնության առաջին կեսում նա «Արարատ-Արմենիայում» էր, որտեղ ընդամենը 2 անգամ էր նրան վստահվել դարպասի պաշտպանությունը: Իսկ ահա գարնանը նա արդեն «Լոռիի» հիմնական դարպասապահն էր:

Առաջնության մասնակից թիմերից միայն «Գանձասար-Կապանում» այլազգի դարպասապահ ընդգրկված չէր: Ողջ մրցաշրջանի ծանրաբեռնվածությունն իրենց ուսերին տարան առաջնության ամենատարեց մասնակից Գևորգ Կասպարովն ու նրա ոչ պակաս փորձառու գործընկեր Գրիգոր Մելիքսեթյանը՝ փոխնիփոխ պաշտպանելով թիմի դարպասը:

Ինչպես «Արարատ-Արմենիան» դարձավ Հայաստանի չեմպիոն (տեսանյութ)

Իսկ ահա «Արարատ-Արմենիայում» և «Փյունիկում» դարպասի պաշտպանությունը վստահվել էր միայն լեգեոնական դարպասապահների: Մյուս 6 թիմերում լեգեոնականների հետ համատեղ հանդես եկան նաև հայ դարպասապահներ, որոնցից միայն Արամ Հայրապետյանը («Բանանց») և Արման Մելիքսեթյանն («Արցախ») էին հիմնական դարպասապահի կարգավիճակում:

Դարպասապահների քանակով յուրօրինակ ռեկորդակիրներն «Արցախն» ու «Լոռին» էին, որոնք առաջնության ընթացքում դարպասի պաշտպանությունը վստահել էին 4-ական դարպասապահի: «Արարատ-Արմենիան», «Բանանցն» ու «Արարատն» ասպարեզ դուրս բերեցին 3-ական դարպասապահի, մյուս 4 թիմերում հանդես եկան 2-ական դարպասապահներ:

Ընդ որում «Շիրակում» մրցաշրջանի ողջ ծանրաբեռնվածությունն իր ուսերին տարավ Վսևոլոդ Երմակովը, որը միայն «Արցախի» հետ ավարտական տուրի խաղում դարպասում տեղը զիջեց գործընկերոջը՝ իր հասակակից Սոկրատ Հովհաննիսյանին: Վերջինս նորամուտը նշեց ՀՀ առաջնությունում:

Վարդան Մինասյանը 3-րդ մարզիչն է, որ 2 տարբեր թիմերի ղեկին դարձել է Հայաստանի չեմպիոն

VNews.am-ը ներկայացնում է 27-րդ առաջնությունում հանդես եկած դարպասապահների ցուցանիշները:

Դարպասապահներ                               Ակումբ                            Խաղ    Գոլ         Միջին       Անառիկ
1. Ստեփան Ղազարյան                  «Բանանց»                             2           1             0,5                 1
2. Դմիտրի Աբակումով         «Արարատ-Արմենիա»                   28         21           0,75              16
3. Օգնեն Չանչարևիչ                      «Ալաշկերտ»                          27         21           0,77              12
4. Վսևոլոդ Երմակով                        «Շիրակ»                               31         27           0,87              16
5. Գևորգ Կասպարով             «Գանձասար-Կապան»               17         16            0,94               8
6. Անդրիա Դրագոևիչ                      «Փյունիկ»                             28         27           0,96              10
7. Գրիգոր Մելիքսեթյան        «Գանձասար-Կապան»              16         16              1                  6
8. Հենրի Ավագյան                        «Ալաշկերտ»                            6           6               1                   2
9. Անատոլի Այվազով                    «Բանանց»                              5           5               1                   2
10. Ստեֆան Չուպիչ              «Արարատ-Արմենիա»                   3           3               1                   –
11. Ալեքսանդր Կոնով                       «Լոռի»                                14         15           1,07                4
12. Արամ Հայրապետյան           «Բանանց»                               25         29           1,16                7
13. Արսեն Սիուկաև    «Արարատ-Արմենիա», «Լոռի»              16          19           1,18               5
14. Արման Մելիքսեթյան              «Արցախ»                              19          23           1,21                7
15. Եվգենի Կոբոզև                        «Փյունիկ»                              4            5             1,25                1
16. Ալեքսեյ Սոլոսին                       «Արցախ»                               3            4             1,33                1
17. Միխայիլ Պետրուշչենկով      «Արարատ»                          20          34            1,7                  4
18. Պողոս Այվազյան                    «Արարատ»                            6            11           1,83                2
19. Դանիլո Ռյաբենկո                      «Լոռի»                                 3             6              2                   –
20. Գոռ Էլյազյան                              «Լոռի»                                 2             4              2                   –
21. Էրիկ Մելիքսեթյան                  «Արցախ»                              2            4               2                    –
22. Վյաչեսլավ Մարիկոդա          «Արարատ»                            7            15           2,14                1
23. Սամուր Ագամագոմեդով        «Արցախ»                              8            18           2,25                1
24. Սոկրատ Հովհաննիսյան         «Շիրակ»                              1             3               3                   –

Ինչպես երևում է բերված ցուցանիշներից, 27-րդ առաջնության ամենահուսալի դարպասապահն «Արարատ-Արմենիայի» դարպասի պահապան Դմիտրի Աբակումովն է: Նա առաջնության հանդիպումների 30 և ավելի տոկոսին մասնակցած դարպասապահներից անխոցելիության լավագույն գործակիցն ունի՝ միջինը մեկ խաղում բաց թողնելով ընդամենը 0,75 գոլ, 16 անգամ դարպասը պահելով անառիկ: Եվ եթե հայկական ֆուտբոլում էլ խաղարկվեր «Ոսկե ձեռնոց» մրցանակը, որի անհրաժեշտությունը վաղուց է զգացվում, ապա այն կհանձնվեր Աբակումովին: Կարծում ենք, որ ՀՖՖ-ի կողմից նման մրցանակի սահմանումը խիստ անհրաժեշտություն է, ինչը լրացուցիչ խթան կհանդիսանա առաջնության մասնակից դարպասապահների համար:

Պատմության մեջ երկրորդ անգամ է նորաստեղծ թիմը հռչակվում Հայաստանի չեմպիոն

«Չոր» խաղերի քանակով Աբակումովի ցուցանիշը երկրորդն է ՀՀ առաջնություններում հանդես եկած լեգեոնական դարպասապահների մեջ և զիջում է միայն «Գանձասարի» վրացի նախկին դարպասապահ Լևան Բուբուտեիշվիլուն, որը 2011թ. 28 հանդիպումներից 17-ում էր դարպասն անառիկ պահել:

Շիրակցի Վսևոլոդ Երմակովն էլ առաջնությունում դարպասը 16 անգամ անառիկ պահեց: Նա Աբակումովի հետ ընդգրկվեց ՀՀ առաջնություններում դարպասն անառիկ պահած խաղերի քանակով դարպասապահների լավագույն տասնյակում: Այդ ցանկը գլխավորում է «Շիրակի» նախկին դարպասապահ Արթուր Հովհաննիսյանը, որը 1992թ. առաջնության 30 հանդիպումներից 21-ում դարպասն անառիկ էր պահել:

Դրվատանքի է արժանի նաև «Ալաշկերտի» դարպասապահ Օգնեն Չանչարևիչը, որին առաջնության ընթացքում հաջողվեց դարպասը 594 րոպե շարունակ անառիկ պահել: Հայաստանում հանդես եկած այլազգի դարպասապահների մեջ դա ռեկորդային ցուցանիշ է: Նա գերազանցեց «Միկայի» նախկին դարպասապահ Սաուլյուս Կլևինսկասի ռեկորդը, որը 2010թ. առաջնությունում 532 րոպե շարունակ գոլ բաց չէր թողել: Ի դեպ, Դմիտրի Աբակումովին էլ հաջողվել էր 533 րոպե շարունակ դարպասն ամուր փակի տակ պահել:

Առաջին տիտղոսը. «Արարատ-Արմենիայի» չեմպիոնական տոնախմբությունը (ֆոտոշարք)

Առաջնության ամենահուսալի դարպասապահի տիտղոսների քանակով յուրօրինակ ռեկորդակիրներն են «Փյունիկի» ներկայիս դարպասապահ Գոռ Մանուկյանն ու «Միկայի» դարպասի նախկին պահապան Ֆելիքս Հակոբյանը, որոնք 3-ական անգամ լավագույնն են ճանաչվել: 2-ական անգամ առաջնության ամենահուսալի դարպասապահ են դարձել Արթուր Հովհաննիսյանը, Հարություն Աբրահամյանը, Արմեն Ավագյանը, Ապուլա Բետեն և Ստեփան Ղազարյանը:

ՀՀ առաջնություններում ընդհանուր առմամբ դափնեկիր են դարձել 10 թիմերի 21 դարպասապահներ: Թիմերից առաջատարը «Փյունիկն» է, որի դարպասապահները 9 անգամ լավագույնի կոչմանն են արժանացել: 5 անգամ նման պատվի են արժանացել «Արարատի», 4-ական` «Միկայի»  և «Շիրակի» դարպասապահները: 2-ական անգամ դափնեկիր են դարձել «Գանձասարի» և «Բանանցի», մեկական` «Երևանի», «Ցեմենտի», «Ալաշկերտի» և «Արարատ-Արմենիայի» դարպասապահները:

VNews.am-ը ներկայացնում է անխոցելիության գործակցով ՀՀ առաջնությունների ամենահուսալի դարպասապահների ցուցանիշները:

Թվական            Դարպասապահներ                         Ակումբ                             Միջին           Գոլ        Խաղ
1992                 Արթուր Հովհաննիսյան                   «Շիրակ»                            0,43              13          30
1993               Հարություն Աբրահամյան               «Արարատ»                         0,31               7           22
1994                   Արմեն Պետրոսյան                        «Արարատ»                         0,69              9           13
1995              Հարություն Աբրահամյան                «Արարատ»                          0,44              4            9
1995/96             Արմեն Ավագյան                            «Փյունիկ»                            0,50               9           18
1996/97             Արմեն Ավագյան                           «Փյունիկ»                             0,29              5            17
1997                    Պասկալ Ռուսո                             «Երևան»                               0,43              7            16
1998              Արթուր Հովհաննիսյան                    «Շիրակ»                              0,68              11          16
1999                   Աշոտ Դադամյան                        «Ցեմենտ»                               0,50             8            16
2000                 Ռայմոնդ Զադուրյան                    «Շիրակ»                                0,71              10           14
2001                   Ֆելիքս Հակոբյան                          «Միկա»                               0,53              7            13
2002                  Նենադ Ռադաջա                          «Արարատ»                            0,44             4              9
2003                  Ապուլա Բետե                                 «Փյունիկ»                             0,42               9            21
2004              Գառնիկ Հովհաննիսյան                   «Միկա»                               0,71             10           14
2005                  Ապուլա Բետե                               «Փյունիկ»                               0,33              4            12
2006               Ֆելիքս Հակոբյան                            «Միկա»                                0,55             10           18
2007               Ֆելիքս Հակոբյան                            «Միկա»                                0,60             9             15
2008             Գրիգոր Մելիքսեթյան                     «Փյունիկ»                              0,57             16           28
2009            Էդվարդ Հովհաննիսյան                   «Փյունիկ»                             0,30              3             10
2010               Ստեփան Ղազարյան                     «Բանանց»                             0,69             18           26
2011              Լևան Բուբուտեիշվիլի                   «Գանձասար»                         0,57             16           28
2012/13         Գևորգ Պրազյան                           «Գանձասար»                         0,75            12            16
2012/13         Գոռ Մանուկյան                              «Փյունիկ»                              0,75               12           16
2013/14       Ստեփան Ղազարյան                      «Արարատ»                           0,82              23           28
2013/14          Արթուր Թորոյան                          «Բանանց»                            0,82              23           28
2014/15        Արմեն Խաչատրյան                       «Ալաշկերտ»                          0,81              9             11
2015/16          Գոռ Մանուկյան                             «Փյունիկ»                              0,71              10           14
2016/17          Գոռ Մանուկյան                             «Փյունիկ»                              0,46              6             13
2017/18        Անատոլի Այվազով                           «Շիրակ»                              0,96             28            29
2018/19       Դմիտրի Աբակումով               «Արարատ-Արմենիա»                 0,75             21            28

Աշոտ Հայրապետյան

Միացի՛ր հայկական ամենասպորտային Instagram-ին:


«Ուրարտուի» գլխավոր մարզիչ Ալեքսանդր Գրիգորյանը կորոնավիրուսի ստուգման թեստ է հանձնել

«Շիրակը» համակարգիչներով է ապահովել տեղի դպրոցներին

Երևանի ազգային հավաքական. Ինչու Հայաստանի մարզերում ֆուտբոլիստներ չեն ծնվում

Տիտո Ռամալյո. «Կապառոսը կարող է օգուտ տալ Հայաստանի հավաքականին»

«Լոռիի» հիմնադիրը առաջարկում է քննարկման դնել ՀՖՖ արտասահմանցի աշխատակիցների վճարման հարցը

Հայկական ակումբները ստացել են ՈւԵՖԱ-ի «համերաշխության վճարները»

Թվեք Ֆուտբոլի Հայաստանի առաջնության մասնակից բոլոր թիմերը՝ 1992 թվականից սկսած. VNews-ի Quiz-ը

«Նոան» տարբերվող ֆուտբոլ է խաղում, ափսոս, առանց հայ ֆուտբոլիստների․ Թիմի տակտիկական գաղտնիքները

«Շիրակի» բժիշկը օգնում է պայքարել կորոնավիրուսի դեմ

Օգանան ընդամենը 9 ամսական էր, երբ Կասպարովը նորամուտը նշեց ՀՀ գավաթի մրցաշարում

Ալեքսանդր Գրիգորյան․ «Նոան» ամբողջապես արժանի հաղթանակ տոնեց» (տեսանյութ)

Վադիմ Բորեց․ «Հանգստություն չպետք է լինի․ երկրորդ խաղն ավելի ծանր է լինելու» (տեսանյութ)

Արմեն Պետրոսյան․ «Լավ կպատրաստվենք երկրորդ խաղին․ պայքարելու ենք մինչև վերջ» (տեսանյութ)

Վարդան Մինասյան․ «Այսօր ստեղծած գոլային պահերի քանակը կբավականացներ մի քանի հանդիպման համար» (տեսանյութ)

Նվազագույն հաշիվ գրանցվեց նաև VBet Հայաստանի գավաթի կիսաեզրափակիչ մյուս խաղում (տեսանյութ)

VBet Հայաստանի գավաթ. «Ուրարտու» – «Նոա». Ուղիղ հեռարձակում, մեկնարկային կազմեր