fbpx
Բաժիններ

Ռոբերտ Արզումանյան․ «Հավաքականի համար վերջին հաղթանակները շատ կարևոր էին հատկապես հոգեբանական առումով»

Հայաստանի ազգային հավաքականի կազմում 74 հանդիպում անցկացրած Ռոբերտ Արզումանյանը «Փյունիկի» մարզչական շտաբում է ապրիլից՝ թիմի գլխավոր մարզչի պաշտոնում Ալեքսանդր Տարխանովի նշանակվելուց հետո:

Նախկին պաշտպանը Բարձրագույն խմբի առաջնության հանդիպումներում երևանյան ակումբի մարզչական անձնակազմում հայտավորված էր որպես թարգմանիչ, սակայն խաղերի ժամանակ պարզ նկատելի էր, որ կատարում է շատ ավելի լայնարձակ գործառույթներ:

Արզումանյանը ևս ժամանել էր Ֆուտբոլի ակադեմիա և պատրաստվում էր մասնակցել իսպանացի հանրահայտ մասնագետ Վիսենտե դել Բոսկեի մարզչական սեմինարին։ Քանի դեռ չէր մեկնարկել հանդիպումը, Արզումանյանը պատասխանել է լրագրողների հարցերին:

Ի՞նչ հարց եք պատրաստվում ուղղել Վիսենտե դել Բոսկեին:

-Ճիշտն ասած, ինչ-որ հարց չեմ նախապատրաստել: Շատ հետաքրքիր կլինի այդպիսի մասնագետին լսելը: Հայ շատ մարզիչներ են ներկա այստեղ, և դժվար թե հարց ու պատասխան լինի Դել Բոսկեի հետ: Տեսնենք՝ ինչ թեմաներ կարծարծվեն:

Ինչպե՞ս եք Ձեզ զգում «Փյունիկում», որտեղ այս պահին նոր կարգավիճակում եք:

-Սա իմ սիրելի գործն է: Կարիերայիս վերջին տարիներին արդեն մտածում էի մարզչական ուղղությամբ շարունակելու մասին: Ինձ շատ լավ եմ զգում այս կարգավիճակում: Դեռ սովորելու ընթացքի մեջ եմ:

Հիմա արդեն կարելի՞ է ասել, որ Դուք «Փյունիկի» գլխավոր մարզչի օգնականն եք: Հայտացուցակներում նշված էիք որպես թարգմանիչ:

-Այո: Մասնակցում եմ մարզումային գործընթացին և գլխավոր մարզչի օգնականն եմ:

Նախապատրաստվում եք եվրագավաթներին: Ի՞նչ վիճակում է թիմը և ինչպիսի՞ ակնկալիքներ պետք է ունենալ «Փյունիկից»։

-Թիմը նոր է վերադարձել արձակուրդից, և այս պահին դժվար է գնահատել, թե ֆուտբոլիստներն ինչ վիճակում են գտնվում: Մի քանի խաղացողներ փորձաշրջան են անցնում: Մարզումները նորմալ են ընթանում: Պետք է լավ նախապատրաստվենք, որպեսզի դրական արդյունքի հասնենք:

Դեռ կա՞ հիասթափություն Բարձրագույն խմբի նախորդ առաջնությունում չեմպիոն չհռչակվելու հետ կապված:

-Կար հիասթափություն: Պետք է մոռանանք այն, ինչ եղել է, քանի որ ֆուտբոլում միշտ հարկավոր է առաջ նայել: Պետք է ճիշտ պատրաստվել ապագա ելույթներին: Ինչ եղել է, արդեն մնացել է անցյալում:

Հետաքրքիր է Ձեր կարծիքը նաև հավաքականի վերջին ելույթների վերաբերյալ: Ի՞նչ դիտարկումներ ունեք:

-Հավաքականը շատ լավ հանդիպումներ անցկացրեց: Լիխտենշտեյնի հետ դժվարին 2 մրցավեճերի էինք ականատես եղել Ազգերի լիգայում: Եթե այդ խաղերը համեմատեմ այս վերջին հանդիպման հետ, ապա այս անգամ առաջընթաց կար: Շատ լավն էր հատկապես առաջին խաղակեսը: Նույնը կարող եմ ասել նաև հույների հետ հանդիպման մասին: Սա, առաջին հերթին, շատ կարևոր է հոգեբանական առումով, քանի որ երկարատև անհաջողություններից հետո 2 անընդմեջ հաղթանակ տոնեցինք: Դա վստահություն կտա ֆուտբոլիստներին, որպեսզի մյուս խաղերին էլ ավելի լավ պատրաստվեն:

Ի՞նչ նորություններ եք նկատում հավաքականի ցուցադրած խաղում՝ դրան հետևելով արդեն մարզչական աչքով:

-Նոր բաներ տեսնում եմ: Չի կարելի միանշանակ պնդել, թե ամեն ինչ լավ էր: Բնականաբար, կային սխալներ, որոնց վրա պետք է աշխատել, նաև դրական գործոններ, որոնք պետք է բարելավել ու կատարելագործել: Այո՛, խաղերն արդեն այլ տեսանկյունից եմ նայում: Մյուս կողմից, ես շատ լավ եմ ճանաչում ֆուտբոլիստներին, քանի որ նրանց հետ խաղացել եմ, և այդ փաստն օգնում է ավելի լավ հասկանալ իրավիճակը:

«Փյունիկի» կիսապաշտպան Էրիկ Վարդանյանը Լիխտենշտեյնի հետ մրցավեճում խաղաժամանակ չստացավ: Ըստ Ձեզ՝ հասունացե՞լ էր պահը, որ նրան շանս ընձեռվեր հավաքականում, և Վարդանյանը գոնե փոխարինման մտներ վերոնշյալ հանդիպմանը։

-Իհարկե, հասունացել էր պահը, և նա կարող էր օգնել հավաքականին, սակայն մարզիչներն ավելի լավ գիտեն: Նրանք են տեսնում ֆուտբոլիստներին մարզումների ժամանակ ու որոշումներ կայացնում: Հենց նրանք են պատասխանատու այդ ամենի համար: Ես ունեմ իմ կարծիքը, բայց, ինչպես ես, բոլոր հայերն էլ ունեն իրենց տեսակետները: Այդուհանդերձ, իհարկե, հասունացել էր պահը:

Վարդան Մինասյան. «Ազգային հավաքականի ֆուտբոլիստների աչքերում կրկին «կրակ» կար» (տեսանյութ)

Հետևե՛ք VNews.am-ին նաև Youtube-ում և Instagram-ում:


«Ալաշկերտը» տպավորեց, «Փյունիկը»՝ հիասթափեցրեց․ VNews-ի ֆոտոշարքը գավաթակրի ու փոխչեմպիոնի խաղից

Տարխանով. «Մեր թիմը այսօր չխաղաց» (տեսանյութ)

Արմեն Ադամյան. «Ինչպես ասում են՝ ինչ մտածել էինք, այն էլ ստացվեց» (տեսանյութ)

«Ալաշկերտը» ջախջախեց «Փյունիկին», չեմպիոնը առաջին միավորները կորցրեց (տեսանյութ)

«Փյունիկ» – «Ալաշկերտ». Մեկնարկային կազմեր, ուղիղ եթեր

Կարող է կայանալ Արաս Օզբիլիսի նորամուտը․ Ամենաուշագրավ փաստերը՝ ԲԽ-ի 6-րդ տուրին ընդառաջ

Որ երբեք չմոռացվի… Հայաստանի հավաքականի խելացնոր խաղերը Իտալիայի և Բոսնիայի դեմ (ֆոտոպատմություն)

«Փյունիկի» խաղերի տոմսերն այլևս անվճար չեն

Ֆինլանդիա – Հայաստանի խաղի տոմսերի վաճառքը սկսված է

ՈւԵՖԱ-ն ցույց է տվել Հենրիխ Մխիթարյանի գոլը Բոսնիայի դարպասը բոլոր անկյուններից (տեսանյութ)

ԵՎՐՈ 2020-ի նախընտրական փուլը հատեց հասարակածը. ի՞նչ պատկեր ստացվեց խմբերում

Մխիթարյանը, Համբարձումյանը և Ռոնալդուն՝ ԵՎՐՈ2020-ի 6-րդ տուրի խորհրդանշական հավաքականում

«Արարատ-Արմենիայի» պաշտպանը նորամուտն է նշել Բուլղարիայի հավաքականում

Ինչ էր կատարվում Հայաստանի հավաքականի հանդերձարանում բոսնիացիների նկատմամբ հաղթանակից հետո (տեսանյութ)

Հայաստանի ազգային հավաքականը PES 2020-ում (նկար)

Ինչու չկայացավ Էրիկ Վարդանյանի տեղափոխությունը «Լոկոմոտիվ»