fbpx
Բաժիններ

Նոր մեկնարկի շեմին․ Ամենաուշագրավ թվերն ու փաստերը հայկական ակումբների եվրագավաթային անցյալից

Այսօր կայանալիք Չեմպիոնների լիգայի որակավորման 1-ին փուլի «Արարատ-Արմենիա» ԱԻԿ հանդիպումով հայկական ակումբները կսկսեն իրենց ելույթները ֆուտբոլի եվրագավաթների 2019/20թթ. հերթական խաղարկությունում:

 «Արարատ-Արմենիան» նորամուտը կնշի եվրագավաթներում

Հայաստանի նորընծա չեմպիոնը նորամուտն է նշելու եվրագավաթներում: «Արարատ-Արմենիան» կդառնա եվրագավաթներին մասնակցած հայկական 17-րդ ակումբը և 9-րդ թիմը, որը Հայաստանը կներկայացնի Չեմպիոնների լիգայի մրցաշարում:

«Արարատ-Արմենիայի» ելույթների ամփոփումը Բարձրագույն խումբ 2018/19-ում՝ 10 փաստով

Հետաքրքիր է, որ մինչ օրս եվրագավաթներին մասնակցած հայկական ակումբներից միայն «Ալաշկերտին» է հաջողվել նորամուտը նշել հաջորդ փուլի ուղեգրի նվաճմամբ: Դա տեղի է ունեցել 2015/16թթ. Եվրոպա լիգայի մրցաշարում: «Ալաշկերտը» նաև միակ հայկական թիմն է, որը Չեմպիոնների լիգայի մրցաշարում էլ նորամուտը նշել է հաջորդ փուլի ուղեգրի նվաճմամբ:

Մեկնարկի դուրս եկող հայկական 4 ակումբներից «Արարատ-Արմենիային» է բաժին հասել ամենադժվարին մրցակիցը: Ի դեպ, հենց ԱԻԿ-ն էլ մեր մրցակիցներից միակն է, որ նախկինում եվրագավաթներում մրցել է հայկական ակումբների հետ:

2015/16թթ. Եվրոպա լիգայի մրցաշարի որակավորման 2-րդ փուլում ԱԻԿ-ը մրցել է «Շիրակի» հետ և երկու հանդիպումներում էլ հաղթել է միևնույն 2-0 հաշվով:

Շվեդիայի առաջնությունն ընթացքի մեջ է: ԱԻԿ-ն առաջնությունում իր վերջին հանդիպումն անցկացրել է հուլիսի 6-ին՝ հյուրընկալվելիս Չինեդու Օբասիի խփած միակ գոլի շնորհիվ հաղթելով «Կալմարին»: 15 հանդիպումներում վաստակած 28 միավորով ԱԻԿ-ն ընթանում է 3-րդ հորիզոնականում՝ 6 միավորով հետ մնալով առաջատար «Մալմյոյից», որի հետ նախորդ տուրում սեփական հարկի տակ անցկացրած հանդիպումն ավարտվել էր գոլազուրկ ոչ-ոքի:

 «Փյունիկը»՝ մակեդոնական թիմերի ահ ու սարսափ

Եվրոպա լիգայի մրցաշարում մեր թիմերի մրցակիցներն առաջին անգամ են մրցելու հայկական ակումբների հետ: Հուլիսի 11-ին կայանալիք հանդիպումներում առաջինը մրցասպարեզ դուրս կգա «Փյունիկը», որը Գյումրիում կհյուրընկալի Հյուսիսային Մակեդոնիայի «Շկուպիին»: Խաղը կսկսվի ժամը 17:30-ին: «Շկուպին» երկրի նախորդ առաջնությունում 10 թիմերի մրցավեճում 48 միավորով զբաղեցրել է 4-րդ հորիզոնականը:

Հարկ է նշել, որ «Փյունիկը» եվրագավաթներում մակեդոնական թիմերի հետ մրցակցության զգալի փորձ ունի և իրավամբ համարվում է նրանց ահ ու սարսափը: Մինչ օրս փյունիկցիները մրցել են մակեդոնական 3 թիմերի («Պոբեդա», «Տետեքս», «Վարդար») հետ և հաղթահարել են նրանց արգելքը:

«Փյունիկի» ելույթների ամփոփումը Բարձրագույն խումբ 2018/19-ում՝ 10 փաստով

Հայաստանի ամենատիտղոսակիր թիմը՝ «Փյունիկը», 19 անգամ հանդես գալով եվրագավաթներում, հայկական թիմերից առավել հաճախ՝ 7 անգամ հաջողությամբ հաղթահարել է առաջին փուլի արգելքը: Իսկ անցյալ տարի փյունիկցիներին վերջապես հաջողվեց նաև 2-րդ փուլի արգելքը հաղթահարել:

Իսկ ահա «Ալաշկերտն» առաջին անգամ է մրցավեճի բռնվելու Մակեդոնիայի ներկայացուցչի հետ՝ Ավանի ֆուտբոլի ակադեմիայում հյուրընկալելով «Մակեդոնիային»: Այդ հանդիպումը սկսվելու է ժամը 19-ին: «Մակեդոնիան» երկրի նախորդ առաջնությունում զբաղեցրել է 6-րդ հորիզոնականը և հանդես է եկել գավաթի եզրափակչում:

«Ալաշկերտը» 5-րդ տարին անընդմեջ հանդես կգա եվրագավաթներում: Առաջին 3 խաղարկություններում ալաշկերտցիները մշտապես հաջորդ փուլի ուղեգիր են նվաճել:

«Ալաշկերտի» ելույթների ամփոփումը Բարձրագույն խումբ 2018/19-ում՝ 10 փաստով

«Բանանցը» 13-րդ անգամ է մեկնարկի դուրս գալու եվրագավաթների խաղարկություններում: Առայժմ միայն մեկ անգամ՝ 2005/06թթ. ՈՒԵՖԱ-ի գավաթի մրցաշարում է «Բանանցի» ֆուտբոլիստներին հաջողվել հաղթահարել առաջին փուլի արգելքը՝ երկու խաղերի ընդհանուր արդյունքով առավելության հասնելով Թբիլիսիի «Լոկոմոտիվի» նկատմամբ (2-3, 2-0):

Եվրոպա լիգայի մրցաշարում հայկական թիմերից հենց «Բանանցին» է ավելի ուժեղ մրցակից բաժին հասել: Իլշատ Ֆայզուլինի սաները մրցելու են սերբական «Չուկարիչկիի» հետ, որն առաջնությունում զբաղեցրել է 4-րդ հորիզոնականը: Անկասկած, սերբական ֆուտբոլի խաղամակարդակն ավելի բարձր է մակեդոնականից:

«Բանանցի» ելույթների ամփոփումը Բարձրագույն խումբ 2018/19-ում՝ 10 փաստով

Աննախադեպ արդյունք եվրագավաթներում

Եվրոպական գավաթների մրցաշարերի մասնակցության 25-ամյա պատմության մեջ հայկական ակումբների համար ամենահաջողը նախորդ մրցաշրջանն էր, որը նշանավորվեց նոր նվաճմամբ: Առաջին անգամ հայկական թիմերին հաջողվեց հասնել մինչև Եվրոպա լիգայի որակավորման 3-րդ փուլ: Ընդ որում նման հաջողության հասան միանգամից երկու ակումբներ՝ «Ալաշկերտն» ու «Փյունիկը»:

«Ալաշկերտն» այդ հաջողությանը հասավ Չեմպիոնների լիգայի որակավորման առաջին փուլում շոտլանդական «Սելթիկին» պարտվելուց հետո (0-3, 0-3) Եվրոպա լիգայի որակավորման 2-րդ փուլում Չեռնոգորիայի «Սուտյեսկայի» արգելքը հաղթահարելու շնորհիվ (1-0, 0-0): Ընդ որում այդ ամենին թիմը հասավ խփած ընդամենը մեկ գոլի շնորհիվ:

Ավելի ծանրակշիռ էր «Փյունիկի» հաջողությունը, որն Անդրեյ Տալալաևի գլխավորությամբ Եվրոպա լիգայի մրցաշարում հաջորդաբար հաղթահարեց մակեդոնական «Վարդարի» (1-0, 2-0) և ղազախական «Տոբոլի» (1-2, 1-0) արգելքներն ու հայկական թիմերից առաջինը որակավորման 3-րդ փուլի ուղեգիր նվաճեց: Այդ փուլում էլ «Փյունիկն» արժանապատիվ ելույթ ունեցավ և մոտ էր իսրայելական «Մաքաբիի» արգելապատնեշը հաղթահարելուն (0-0, 1-2)՝ ի տարբերություն «Ալաշկերտի», որը ռումինական «Կլուժի» հետ երկու հանդիպումներում էլ պարտվեց (0-2, 0-5)՝ սեփական դարպասը 7 անպատասխան գնդակ ընդունելով:

Իսկ մինչև նախորդ մրցաշրջանը, հայկական ակումբների համար ամենահաջողը 2015/16թթ. խաղարկությունն էր: Առաջին անգամ միանգամից 3 թիմեր՝ «Փյունիկը», «Շիրակն» ու «Ալաշկերտը», հաջողությամբ հաղթահարել էին առաջին փուլի արգելքը և հաջորդ փուլի ուղեգիր էին նվաճել: Ընդ որում առաջին փուլի մեկնարկային հանդիպումներում մեր 4 ակումբներից և ոչ մեկը չէր պարտվել՝ տոնելով 3 հաղթանակ, մեկ խաղ ավարտելով ոչ-ոքի, ինչը ևս աննախադեպ արդյունք էր:

Dinamo Tbilisi defeated Alashkert in the first leg match in UCL Q2

2-րդ փուլի հանդիպումներում էլ նախորդ մրցաշրջանների համեմատ առաջընթաց էր գրանցվել: Եթե մինչ այդ 2-րդ փուլում անցկացված 26 հանդիպումներում մեր թիմերից միակ հաղթանակը տոնել էր «Միկան», ապա 2015թ. այդ փուլում իրենց առաջին հաղթանակները տարան «Փյունիկն» ու «Ալաշկերտը»:

Թվեր և փաստեր

Եվրագավաթներում մեր ակումբների ելույթների ընդհանուր վիճակագրությունը բավական տխուր է: Անցկացրած 232 հանդիպումներում Հայաստանի ներկայացուցիչները տոնել են ընդամենը 42 հաղթանակ, 40 խաղ ավարտել են ոչ-ոքի, 150-ում պարտվել են: Մեր ֆուտբոլիստները խփել են 161 գոլ, սեփական դարպասը բաց են թողել 438 գնդակ:

Եվրագավաթներում խփած 161 գոլերի հեղինակներ են դարձել մեր թիմերի 108 ֆուտբոլիստներ, ինչպես նաև ԲԱՏԷ-ի խաղացող Ռիոսը՝ գնդակն ուղարկելով սեփական դարպասը:

Բոլորից արդյունավետ է գործել շիրակցի Արարատ Հարությունյանը՝ խփելով 5 գոլ: 4-ական գնդակ են խփել Արամ Հակոբյանն ու Արսեն Ավետիսյանը: 3-ական գոլի հեղինակ են դարձել Արմեն Սանամյանը, Արմեն Շահգելդյանը, Ռաֆայել Նազարյանը, Արման Քարամյանը, Արշակ Ամիրյանը, Ֆոֆանա Բեկոն, Վիուլեն Այվազյանը, Ժան-Ժակ Բուգուհին, Նորայր Գյոզալյանը և Ուրոշ Նենադովիչը:

VNews.am-ը ներկայացնում է հայկական թիմերի ցուցանիշները եվրագավաթների մրցաշարերում:

Թիմեր Խ Հ Ո Պ Գ Մ %
1. «Փյունիկ» 54 15 10 29 50-93 55 33,9
2. «Շիրակ» 38 6 9 23 27-65 27 23,6
3. «Ալաշկերտ» 18 5 5 8 13-27 20 37
4. «Միկա» 26 3 8 15 14-39 17 21,7
5. «Բանանց» 26 4 3 19 18-56 15 19, 2
6. «Արարատ» 22 4 2 16 15-42 14 21,2
7. «Կոտայք» 4 2 0 2 4-8 6 50
8. «Գանձասար-Կապան» 12 2 0 10 8-27 6 16,6
9. «Զվարթնոց» 2 1 0 1 3-6 3 50
10. «Ուլիս» 8 0 2 6 1-11 2 8,3
11. «Էրեբունի-ՀՄՄ» 2 0 1 1 1-7 1 16,6
12. «Կիլիկիա» 2 0 0 2 1-8 0 0
13. «Լեռնագործ» 2 0 0 2 1-9 0 0
14. «Սպարտակ» 4 0 0 4 0-8 0 0
15. «Ցեմենտ» 6 0 0 6 3-15 0 0
16. «Երևան» 6 0 0 6 2-17 0 0

Աշոտ Հայրապետյան

Հետևե՛ք VNews.am-ին նաև Youtube-ում և Instagram-ում:


Իլշատ Ֆայզուլին․ «Բացառությամբ «Նոայի» հետ խաղի՝ մենք մյուս հանդիպումներում խաղացել ենք այս մակարդակի վրա» (տեսանյութ)

Վարդան Մինասյան․ «Երկրորդ կեսում ստեղծած պահերի քանակը բավարար կլիներ 4-5 խաղի համար» (տեսանյութ)

«Ալաշկերտը» տպավորեց, «Փյունիկը»՝ հիասթափեցրեց․ VNews-ի ֆոտոշարքը գավաթակրի ու փոխչեմպիոնի խաղից

Տարխանով. «Մեր թիմը այսօր չխաղաց» (տեսանյութ)

Արմեն Ադամյան. «Ինչպես ասում են՝ ինչ մտածել էինք, այն էլ ստացվեց» (տեսանյութ)

«Ալաշկերտը» ջախջախեց «Փյունիկին», չեմպիոնը առաջին միավորները կորցրեց (տեսանյութ)

«Ուրարտու» – «Արարատ-Արմենիա». Մեկնարկային կազմեր, ուղիղ եթեր

«Փյունիկ» – «Ալաշկերտ». Մեկնարկային կազմեր, ուղիղ եթեր

Կարող է կայանալ Արաս Օզբիլիսի նորամուտը․ Ամենաուշագրավ փաստերը՝ ԲԽ-ի 6-րդ տուրին ընդառաջ

«Փյունիկի» խաղերի տոմսերն այլևս անվճար չեն

«Արարատ-Արմենիայի» պաշտպանը նորամուտն է նշել Բուլղարիայի հավաքականում

Ինչու չկայացավ Էրիկ Վարդանյանի տեղափոխությունը «Լոկոմոտիվ»

Տալալաևը պատմել է «Փյունիկից» հեռանալու իրական պատճառների և այլ հետաքրքիր մանրամասների մասին

Արամ Ոսկանյանը վերադարձել է «Ալաշկերտ», բայց ոչ որպես գլխավոր մարզիչ

Գոռ Մալաքյան․ «Հավաքականի մարզիչը ոչ պրոֆեսիոնալ պատասխան տվեց իմ մասին հարցին»

«Ռեալը» կարողացել է հայտավորել իր բրազիլացի նորեկին Չեմպիոնների լիգայի հայտացուցակում