Մանուչարյանը 15 տարի անց կրկին գոլ խփեց եվրագավաթներում, «Բանանցի» հերթական ֆիասկոն - VNews
Բաժիններ

Մանուչարյանը 15 տարի անց կրկին գոլ խփեց եվրագավաթներում, «Բանանցի» հերթական ֆիասկոն

Եվրոպա լիգայի առաջին հանդիպումները՝ 10 փաստով

Հայկական 3 ակումբները սկսեցին իրենց ելույթները Եվրոպա լիգայի մրցաշարում: Միայն «Ալաշկերտին» հաջողվեց հաղթանակ տոնել և հաջորդ փուլ մտնելու լուրջ հայտ ներկայացնել: Սեփական հարկի տակ գրանցած գերարդյունավետ ոչ-ոքիից հետո միայն պատասխան խաղում հաղթանակը «Փյունիկին» հաջորդ փուլի ուղեգիր կպարգևի: Իսկ ահա «Բանանցը», խոշոր հաշվով պարտվելով, գործնականում դուրս մնաց հետագա պայքարից:

Հանդիպումների ամենաուշագրավ իրադարձությունները ներկայացնում ենք 10 փաստի տեսքով:

1․ Եվրոպա լիգայում Հայաստանի ներկայացուցիչները տոնեցին մեկ հաղթանակ, մեկ խաղ ավարտեցին ոչ-ոքի, կրեցին մեկ պարտություն: Հայկական թիմերը խփեցին 6 գնդակ, սեփական դարպասը բաց թողեցին 7 գոլ: Ընդհանուր առմամբ Եվրոպա լիգային մասնակցած հայկական 11 ակումբներն անցկացրած 141 հանդիպումներից միայն 24-ում են հաղթել, 23-ում գրանցվել է ոչ-ոքի, 94-ում պարտվել են: Մեր ֆուտբոլիստները 90 գոլ են խփել, սեփական դարպասը բաց են թողել 271 գնդակ:

Աբրահամ Խաշմանյանի մամուլի ասուլիսն «Ալաշկերտ» – «Մակեդոնիա» հանդիպումից հետո (տեսանյութ)

2․ Եվրագավաթների հերթական խաղարկությունը հոբելյանական՝ 20-րդն է «Փյունիկի» համար: Հայաստանի բազմակի չեմպիոնը 5-րդ անգամ եվրագավաթների մրցաշարում ոչ-ոքիով մեկնարկեց՝ խաղի ընթացքում մրցակցին զիջելով 1-3 հաշվով: Եվրագավաթների մրցաշարերում փյունիկցիներն առաջին անգամ խաղն ավարտեցին 3-3 հաշվով:

Հետաքրքիր է, որ եվրոպական մրցասպարեզում «Փյունիկը» վերջին անգամ ոչ-ոքի արդյունքով էր մեկնարկել 2013/14թթ. Եվրոպա լիգայի մրցաշարում մակեդոնական մեկ այլ ակումբի՝ «Տետեքսի» հետ հյուրընկալվելիս կայացած խաղում (1-1): Ընդ որում «Փյունիկը» հաղթանակը ձեռքից բաց էր թողել վերջին րոպեին:

«Փյունիկին» 6 անգամ է հաջողվել մեկնարկային խաղում հաղթել, 9 անգամ էլ եվրագավաթների մրցաշարը սկսել է պարտությամբ: Մեկնարկային հանդիպումներում փյունիկցիները խփել են 21 գնդակ, սեփական դարպասը բաց են թողել 31 գոլ:

Ալեքսանդր Տարխանովի մամուլի ասուլիսը «Փյունիկ» – «Շկուպի» հանդիպումից հետո (տեսանյութ)

3․ «Շկուպին» մակեդոնական 4-րդ թիմն էր, որի հետ «Փյունիկը» մրցեց եվրագավաթներում: «Փյունիկը», որ իրավամբ համարվում է մակեդոնական թիմերի ահ ու սարսափն ու 3 անգամ հաջողությամբ հաղթահարել էր նրանց արգելքը, 3-րդ ոչ-ոքին գրանցեց Մակեդոնիայի ներկայացուցչի հետ:

Առաջին անգամ «Փյունիկը» մակեդոնացիների հետ դիմակայությունում հաջողության էր հասել 2004/05թթ. Չեմպիոնների լիգայի մրցաշարում՝ երկու հանդիպումների ընդհանուր արդյունքով գերազանցելով «Պոբեդային» (3-1, 1-1): Հետագայում փյունիկցիները պայքարից դուրս են մղել «Տետեքսին» (2013/14թթ. ԵԼ՝ 1-1, 1-0) և «Վարդարին» (2018/19թթ. ԵԼ՝ 1-0, 2-0):

Իսկ ահա «Միկային» 2010/11թթ. Եվրոպա լիգայի որակավորման 2-րդ փուլում չի հաջողվել հաղթահարել մակեդոնական «Ռաբոտնիչկիի» արգելքը (0-1, 0-0):

Բագրատ Նավոյան․ «Խոստանում եմ, որ անպայման հաղթանակով ենք հետ գալու պատասխան խաղից» (տեսանյութ)

4․ «Ալաշկերտը», 5-րդ անգամ մասնակցելով եվրագավաթների մրցաշարերին, 3-րդ անգամ մեկնարկեց հաղթանակով: Նախկինում ալաշկերտցիները մեկնարկային խաղում հաղթել էին 2015/16թթ. Եվրոպա լիգայի («Սենթ Ջոնսթոն»՝ 1-0) և 2017/18թթ. Չեմպիոնների լիգայի («Սանտա Կոլոմա»՝ 1-0) խաղարկություններում: «Ալաշկերտն» առաջին անգամ մրցեց մակեդոնական թիմի հետ:

Միացի՛ր հայկական ամենասպորտային Instagram-ին:

1 2

Հայտնի են VBET Հայաստանի Պրեմիեր Լիգայի հետաձգված և այլ խաղերի օրերը

Տրանսֆերային ձմեռ-2021․ Հայկական ակումբների ձեռքբերումները և կորուստները (թարմացվում է)

«Փյունիկն» ընկերական հանդիպում կանցկացնի «Զենիթի» հետ

Հայաստանի հավաքականի ֆուտբոլիստը հեռացավ ղազախական ակումբից

Արման Հովհաննիսյանը կխաղա հայկական ակումբում

Նորեկն ամենաարդյունավետն էր 11մ հարվածով չպատժված թիմում․ «Ուրարտուի» ելույթների ամփոփումը՝ 10 փաստով

Հայտնի են «Փյունիկի» մրցակիցները ընկերական խաղերում

Յուրա Մովսիսյանը հայտարարեց կարիերան ավարտելու մասին

Ինչո՞ւ Յուրա Մովսիսյանը չի տեղափոխվել «Տոտենհեմ»․ 20-30 միլիոն եվրոյի պատմություն

Դավիդ Յուրչենկոն տեղափոխվեց հայկական ակումբ

Հայտնի է՝ որտեղ կկայանա «Փյունիկի» արտասահմանյան հավաքը

«Արարատ-Արմենիան» Եվրոպայի ամենաքիչ գոլ բաց թողած թիմն է․«Ատլետիկոն» ու «Արարատը»՝ լավագույնների թվում

«Փյունիկն» ու VBET-ն Ամանորի կապակցությամբ նվերներ էին պատրաստել ակումբի երկրպագուների համար (տեսանյութ)

«Փյունիկից» հետո թիմ չգտած ֆուտբոլիստը փորձաշրջան կանցնի ռուսական ակումբում

«Ուրարտուից» 4-րդ լեգիոները հեռացավ

Ինչպես է Մխիթարյանը խաղում թոփ-թիմերի դեմ. հատուկ հաշվարկ