Գրան Պրի. Արոնյանը մեկնարկեց ոչ-ոքիով - VNews
Բաժիններ

Գրան Պրի. Արոնյանը մեկնարկեց ոչ-ոքիով

Ռիգայում այսօր մեկնարկեց շախմատի Գրան Պրի մրցաշարի 2-րդ փուլը: Նոկաուտ համակարգով անցկացվող մրցաշարի 1/8 եզրափակչում վիճակահանությամբ Լևոն Արոնյանին բաժին է ընկել չինացի գրոսմայստեր Յույ Յանյին: Հաջորդ փուլի ուղեգիրը նրանք կվիճարկեն երկու պարտիայից բաղկացած մրցախաղում, իսկ հավասար արդյունքի դեպքում կանցկացնեն լրացուցիչ մրցախաղ:

Մրցախաղի առաջին պարտիան, որում Արոնյանը խաղում էր սպիտակներով, 29-րդ քայլին ավարտվեց ոչ-ոքի: Վաղը մրցակիցները կանցկացնեն 2-րդ պարտիան, որում Արոնյանը կխաղա սևերով:

Գրան Պրին բաղկացած է 4 փուլից: Շախմատիստներից  յուրաքանչյուրը հանդես կգա 4 փուլերից 3-ում: 3 փուլերում վաստակած միավորներով լավագույն արդյունքի հասած երկու շախմատիստներն իրավունք կստանան մասնակցելու հաջորդ տարի անցկացվելիք աշխարհի չեմպիոնի կոչման հավակնորդների մրցաշարին:

Գրան Պրիի յուրաքանչյուր փուլի մրցանակային ընդհանուր հիմնադրամը 130 հազար եվրո է: Հաղթողը կստանա 24 հազար եվրո, 2-րդ տեղը զբաղեցրած մասնակիցը՝ 14 հազար: Կիսաեզրափակչում պարտված շախմատիստներից յուրաքանչյուրը կպարգևատրվի 10 հազար եվրոյով, քառորդ եզրափակչի անհաջողակները կստանան 8-հազարական եվրո, իսկ առաջին փուլում անհաջողության մատնվածները՝ 5-հազարական եվրո:

Մրցաշարի հաղթողին կտրվի 8 միավոր, 2-րդ տեղը զբաղեցրած մասնակիցը կստանա 5 միավոր: Կիսաեզրափակչում պարտված շախմատիստներից յուրաքանչյուրը կվաստակի 3 միավոր, մեկ միավոր էլ կստանան քառորդ եզրափակչի անհաջողակները:

Հիշեցնենք, որ մայիսին Մոսկվայում անցկացված շախմատի Գրան Պրի մրցաշարի առաջին փուլում Լևոն Արոնյանը չափազանց անհաջող էր հանդես եկել՝ չկարողանալով հաղթահարել Յան Նեպոմնյաշչնու արգելքը: Լևոնը մրցակցին զիջել էր 0,5-1,5 հաշվով:

Շանթ Սարգսյանը լրացուցիչ գործակիցներով զբաղեցրեց 2-րդ տեղը

Միացի՛ր հայկական ամենասպորտային Instagram-ին:


Արոնյան. «Վերադառնում եմ կյանք ու վերսկսում աշխատանքը»

Լևոն Արոնյանը պարտվեց Մագնուս Կառլսենին

Լևոն Արոնյանը կիսաեզրափակիչ մրցախաղում զիջում է Մագնուս Կառլսենին

Արոնյանը հաղթահարեց Գրիշչուկի արգելքը. առջևում Կառլսենի հետ կիսաեզրափակիչ մրցախաղն է

Լևոն Արոնյանն առջևում է Ալեքսանդր Գրիշչուկի հետ մրցախաղում

Լևոն Արոնյանը կմասնակցի ևս մեկ առցանց մրցաշարի

Արոնյանը պարտվեց Նակամուրային և լքեց մրցաշարը

Լևոն Արոնյանը պարտվեց Հիկարու Նակամուրային առաջին մրցախաղում

Լևոն Արոնյանը եզրափակեց լավագույն ութնյակը

Արոնյանը հավակնում է փլեյ-օֆֆի ուղեգրին

Արոնյանը մեկնարկում 50 տոկոսանոց արդյունք գրանցեց

Լևոն Արոնյանը կմրցի ևս մեկ առցանց մրցաշարում

Ազգերի գավաթ. Պատվավոր մրցանակը բաժին հասավ Չինաստանի հավաքականին

Ազգերի գավաթ. Արոնյանի պարտությունը ճակատագրական եղավ Եվրոպայի հավաքականի համար

Ազգերի գավաթ. Եվրոպայի հավաքականը կրկին պարտվեց չինացիներին

Ազգերի գավաթ. Լևոն Արոնյանը 3-րդ անընդմեջ հաղթանակը տոնեց