fbpx
Բաժիններ

Ֆուտբոլիստ, որը հայկական ակումբների «դահիճն» է դարձել եվրագավաթներում

ԱԻԿ - «Արարատ-Արմենիա» հանդիպումը՝ 10 փաստով

«Արարատ-Արմենիային» էլ չհաջողվեց հաղթահարել շվեդական ԱԻԿ-ի արգելապատնեշը՝ լքելով Չեմպիոնների լիգայի մրցաշարը: Սակայն մրցակարգի համաձայն, Հայաստանի չեմպիոնը պայքարը կշարունակի Եվրոպա լիգայում, որտեղ որակավորման 2-րդ փուլում կմրցի Ջիբրալթարի «Լինկոլնի» հետ:

Հանդիպման ամենաուշագրավ իրադարձությունները ներկայացնում ենք 10 փաստի տեսքով:

1․ Թեև «Արարատ-Արմենիային» չհաջողվեց հաղթահարել առաջին փուլի արգելքը, սակայն դարձավ Չեմպիոնների լիգային մասնակցած հայկական 9 թիմերից միակը, որ հեղինակավոր այդ մրցաշարում նորամուտը հաղթանակով նշեց: Եվրագավաթների մասնակից հայկական 17 թիմերից առայժմ միայն «Ալաշկերտին» է հաջողվել եվրոպական ասպարեզում նորամուտը նշել հաջորդ փուլի ուղեգրի նվաճմամբ: Հիշեցնենք, որ «Ալաշկերտը» 2015/16թթ. Եվրոպա լիգայի մրցաշարում նորամուտը նշել էր շոտլանդական «Սենթ Ջոնսթոնի» արգելքի հաղթահարմամբ (1-0, 1-2):

2․ «Արարատ-Արմենիան» հայկական 2-րդ ակումբն էր, որ եվրագավաթներում նորամուտը նշեց Չեմպիոնների լիգայի մրցաշարում: Առաջինը Երևանի «Սպարտակն» էր, որը 2001/02թթ. հեղինակավոր այդ մրցաշարում Վարուժան Սուքիասյանի գլխավորությամբ նորամուտը նշել էր մոլդովական «Շերիֆի» հետ մրցավեճում՝ զիջելով երկու հանդիպումներում էլ (0-1, 0-2):

3․ «Արարատ-Արմենիան» Չեմպիոնների լիգային մասնակցած հայկական 8-րդ թիմն էր, որին ևս չհաջողվեց այդ մրցաշարում նորամուտը նշել հաջորդ փուլի ուղեգրի նվաճմամբ: Առայժմ միայն «Ալաշկերտին» է հաջողվել առաջին իսկ փորձից Չեմպիոնների լիգայի հաջորդ փուլ մտնել: Չեմպիոնների լիգայի մրցաշարում նորամուտը նշելով 2015/16թթ. մրցաշրջանում՝ ալաշկերտցիները հաղթահարել էին Անդորրայի «Սանտա Կոլոմայի» արգելքը (0-0, 3-0):

4․ «Արարատ-Արմենիային» էլ չհաջողվեց հաղթահարել շվեդական ԱԻԿ-ի արգելապատնեշը: Հիշեցնենք, որ մինչ այդ 2015/16թթ. Եվրոպա լիգայի մրցաշարում Գյումրիի «Շիրակին» չէր հաջողվել գտնել ԱԻԿ-ի դարպասի բանալին՝ 2 հանդիպումներում էլ պարտվելով միևնույն 0-2 հաշվով:

5․ Եվրագավաթների մրցաշարերում հայ-շվեդական 4-րդ դիմակայությունն էլ ավարտվեց մրցակցի օգտին: Բացի ԱԻԿ-ից, շվեդական ևս երկու թիմեր հայկական ակումբների հետ մրցավեճում հաջորդ փուլի ուղեգիր են նվաճել: 1998/99թթ. ՈՒԵՖԱ-ի գավաթի մրցաշարում «Մալմյոն» 2 հանդիպումներում էլ հաղթել էր «Շիրակին»՝ 5-0, 2-0: 2009/10թթ. Եվրոպա լիգայի մրցաշարում էլ «Հելսինգբորգն» էր առավելության հասել «Միկայի» նկատմամբ (3-1, 1-1):

6․ Ընդհանուր առմամբ հայկական և շվեդական թիմերի միջև անցկացված 8 հանդիպումներից միայն մեկն է ավարտվել մեր օգտին, մեկում գրանցվել է ոչ-ոքի, 6-ում հաղթել են մրցակիցները: Մեր ֆուտբոլիստները խփել են ընդամենը 5 գոլ, սեփական դարպասը բաց են թողել 19 գնդակ:

7․ ԱԻԿ-ից կրած պարտությունը Չեմպիոնների լիգայի մրցաշարում հայկական թիմերի համար 35-րդն էր անցկացրած 62 հանդիպումներում: Մեր ակումբներն ընդամենը 13 հաղթանակ են տոնել, 14 խաղում գրանցվել է ոչ-ոքի: Մեր ֆուտբոլիստները խփել են 50 գոլ, սեփական դարպասը բաց են թողել 98 գնդակ:

8․ Անտոն Կոբյալկոն բացեց գոլերի հաշիվը եվրագավաթներում՝ «Արարատ-Արմենիայի» կազմում խփելով պաշտոնական մրցումներում 22-րդ գնդակը: Այդ գոլը Չեմպիոնների լիգայի մրցաշարում հայկական թիմերի խփած հոբելյանական՝ 50-րդ գնդակն էր:

9․ «Արարատ-Արմենիային» էլ չհաջողվեց դարպասն անառիկ պահել ԱԻԿ-ի հարձակվող Հենոկ Գոյտոմի հարվածներից, որը դուբլի հեղինակ դարձավ՝ իր մեծ ներդրումն ունենալով թիմի ընդհանուր հաջողությունում: 4 տարի առաջ՝ հուլիսի 16-ին Ստոկհոլմում «Շիրակի» հետ կայացած Եվրոպա լիգայի որակավորման 2-րդ փուլի խաղում ևս Գոյտոմը դուբլի հեղինակ էր դարձել՝ գոլերից մեկը խփելով 11մ հարվածով: Իսկ մեկ շաբաթ անց Գյումրիում կայացած պատասխան խաղում շվեդ հարձակվողը բացել էր հաշիվը:

10․ Վարդան Մինասյանը գլխավոր մարզչի պաշտոնում եվրագավաթներում 14-րդ հանդիպումն անցկացրեց: Նրա սաները 10-րդ պարտությունը կրեցին: Մինասյանի գլխավորած թիմերն ընդամենը 2 հաղթանակ են տոնել, նույնքան խաղ էլ ավարտել են ոչ-ոքի: Նրա օրոք ֆուտբոլիստները 10 գոլ են խփել, սեփական դարպասը բաց են թողել 29 գնդակ:

Վարդան Մինասյանին առայժմ միայն մեկ անգամ է հաջողվել իր սաների հետ եվրագավաթների հաջորդ փուլի ուղեգիր նվաճել: Դա տեղի է ունեցել 2004/05թթ. Չեմպիոնների լիգայի մրցաշարում, որում նրա գլխավորությամբ «Փյունիկն» առավելության էր հասել մակեդոնական «Պոբեդայի» նկատմամբ՝ 3-1, 1-1: Ընդ որում Մինասյանը «Պոբեդայի» հետ խաղից ընդամենը մեկ ամիս առաջ էր ստանձնել «Փյունիկի» գլխավոր մարզչի պաշտոնը՝ փոխարինելով ռումինացի Միխայ Ստոյկիցային, որի օգնականն էր:

Հետևե՛ք VNews.am-ին նաև Youtube-ում և Instagram-ում:


Մինասյանը ճիշտ էր․ «Արարատ-Արմենիան» տակտիկապես հաղթեց «Սաբուրթալոյին»

Podcast #4. Հայկական ակումբների ելույթները Եվրոպա լիգայի որակավորման երրորդ փուլում

«Արարատը» կրկնեց վերջին 12 տարիների իր լավագույն արդյունքը, իսկ «Ուրարտուն» հակառեկորդ գրանցեց

«Արարատ-Արմենիայի»՝ Եվրոպա լիգայի 4-րդ փուլի հանդիպումները կցուցադրվեն հայկական հեռուստատեսությամբ

«Արարատ – Արմենիա» – «Դյուդելանժ» խաղի տոմսերի վաճառքը սկսված է

Վադիմ Բորեց․ «Ձգտելու ենք ժամանակի հետ առաջընթաց ունենալ․ հավատում ենք այս տղաներին» (տեսանյութ)

Վարդան Մինասյանը՝ «Նոայի» նկատմամբ հաղթանակի ու «Դյուդելանժի» հետ առաջիկա խաղի մասին (տեսանյութ)

Չեմպիոնի ծանր հաղթանակը եվրոպական ելույթից առաջ․ VNews-ի ֆոտոշարքը «Նոա» – «Արարատ-Արմենիա» հանդիպումից

«Արարատ-Արմենիան» 2-րդ անընդմեջ հաղթանակը տոնեց առաջնությունում (տեսանյութ)

«Նոա» – «Արարատ-Արմենիա»․ Մեկնարկային կազմեր, ուղիղ հեռարձակում (տեսանյութ)

«Արարատ-Արմենիայի» մրցակիցն այս տարի առաջին անգամ պարտվել է պաշտոնական խաղերում

Կմրցեն «Փյունիկը» և խոստումնալից մեկնարկ ունեցած «Արարատը»․ Ամենաուշագրավ փաստերը՝ ԲԽ-ի 3-րդ տուրին ընդառաջ

Պատմական նվաճումից զատ․ «Արարատ-Արմենիան» 3 ռեկորդի հեղինակ է դարձել

Անտոն Կոբյալկո. «Խաղում էինք ոչ միայն «Արարատ-Արմենիայի», այլ ամբողջ Հայաստանի համար» (տեսանյութ)

Պետրոս Ավետիսյան. «Արեցինք այն, ինչը դեռ ոչ ոք չէր արել, բայց մեր նպատակը միայն սա չէ»

«Արարատ-Արմենիան» հաղթեց «Սաբուրթալոյին» և նվաճեց Եվրոպա լիգայի փլեյ-օֆֆ փուլի ուղեգիր (տեսանյութ)