fbpx
Բաժիններ

Խաշմանյանը ռեկորդային ցուցանիշ գրանցեց՝ գերազանցելով Բիչախչյանի արդյունքը

Եվրոպա լիգայի պատասխան խաղերը՝ 10 փաստով

Եվրոպա լիգայի մրցաշարում Հայաստանը ներկայացրած 3 ակումբներից երկուսը՝ «Ալաշկերտն» ու «Փյունիկը», պատասխան հանդիպումներում հաղթանակներ տոնելով, որակավորման 2-րդ փուլի ուղեգիր նվաճեցին, իսկ «Բանանցը» հերթական անգամ անփառունակ մրցելույթով դուրս մնաց հետագա պայքարից: Հաջորդ փուլում «Ալաշկերտը» կմրցի ռումինական «Ստյաուայի» հետ, իսկ «Փյունիկի» մրցակիցը կլինի չեխական «Յաբլոնեցը»:

Հանդիպումների ամենաուշագրավ իրադարձությունները ներկայացնում ենք 10 փաստի տեսքով:

1․ Եվրոպա լիգայի որակավորման առաջին փուլի պատասխան հանդիպումներն ավելի հաջող էին Հայաստանի ներկայացուցիչների համար, որոնք տոնեցին 2 հաղթանակ, կրեցին մեկ պարտություն: Հայկական թիմերը խփեցին 5 գնդակ, սեփական դարպասը բաց թողեցին 6 գոլ: Ընդհանուր առմամբ եվրագավաթների ընթացիկ խաղարկությունում անցկացրած 8 հանդիպումներից 4-ում հայկական թիմերը հաղթել են, մեկն ավարտել են ոչ-ոքի, 3-ում պարտվել են: Մեր ֆուտբոլիստները 14 գոլ են խփել, սեփական դարպասը բաց են թողել 17 գնդակ:

Ֆուտբոլիստ, որը հայկական ակումբների «դահիճն» է դարձել եվրագավաթներում

2․ «Ալաշկերտը», 5-րդ անգամ մասնակցելով եվրագավաթների մրցաշարերին, 4-րդ անգամ հաղթահարեց առաջին փուլի արգելքը: Նախկինում ալաշկերտցիները 2015/16թթ. Եվրոպա լիգայի մրցաշարում հաղթահարել էին շոտլանդական «Սենթ Ջոնսթոնի» արգելքը (1-0, 1-2), իսկ հաջորդ երկու մրցաշրջաններում Չեմպիոնների լիգայի մրցաշարում հաղթող էին դուրս եկել Անդորրայի «Սանտա Կոլոմայի» հետ մրցավեճում (2016/17թթ.՝ 0-0, 3-0, 2017/18թթ.՝ 1-0, 1-1):

Միայն նախորդ մրցաշրջանում «Ալաշկերտին» չհաջողվեց հաղթահարել Չեմպիոնների լիգայի որակավորման առաջին փուլի արգելքը՝ երկու հանդիպումներում էլ միևնույն 0-3 հաշվով պարտվելով շոտլանդական «Սելթիկին»: Բայց տեղափոխվելով Եվրոպա լիգա՝ ալաշկերտցիները Չեռնոգորիայի «Սուտյեսկայի» հետ մրցավեճում (1-0, 0-0) հաջորդ փուլի ուղեգիր նվաճեցին:

3․ «Ալաշկերտը» եվրագավաթներում խոշոր հաշվով 2-րդ հաղթանակը տոնեց, որն առաջինն էր մրցակցի հարկի տակ: Այդ կարգի առաջին հաղթանակն «Ալաշկերտը» տոնել էր 2016/17թթ. Չեմպիոնների լիգայի որակավորման առաջին փուլում Անդորրայի «Սանտա Կոլոմայի» նկատմամբ՝ 3-0:

«Ալաշկերտը» երկու խաղերի արդյունքում «Մակեդոնիային» հաղթեց 6-1 հաշվով (տեսանյութ)

«Մակեդոնիան» այն թիմն էր, որի նկատմամբ «Ալաշկերտը» եվրագավաթներում 2 խաղերի ընդհանուր արդյունքով (6-1) ամենամեծ առավելությանը հասավ: Մինչ այդ ամենամեծ առավելությունը գրանցվել էր «Սանտա Կոլոմայի» հետ հանդիպումներում (3-0):

4․ «Փյունիկը», 20-րդ անգամ մասնակցելով եվրագավաթների խաղարկությանը, 8-րդ անգամ հաջողությամբ հաղթահարեց առաջին փուլի արգելքը: «Շկուպին» մակեդոնական 4-րդ թիմն էր, որի հետ մրցավեճում էլ «Փյունիկը» հաջորդ փուլի ուղեգիր նվաճեց: Մինչ այդ, փյունիկցիները մակեդոնացիների հետ դիմակայությունում պայքարից դուրս էին մղել «Պոբեդային» (2004/05թթ. ՉԼ՝ 3-1, 1-1), «Տետեքսին» (2013/14թթ. ԵԼ՝ 1-1, 1-0) և «Վարդարին» (2018/19թթ. ԵԼ՝ 1-0, 2-0):

«Ալաշկերտն» էլ առաջին անգամ մրցելով Հյուսիսային Մակեդոնիայի ներկայացուցչի հետ՝ երկու հանդիպումներում էլ հաղթեց «Մակեդոնիային»: Եվ միայն «Միկային» 2010/11թթ. Եվրոպա լիգայի որակավորման 2-րդ փուլում չի հաջողվել հաղթահարել մակեդոնական «Ռաբոտնիչկիի» արգելքը (0-1, 0-0):

«Փյունիկը» հաղթեց «Շկուպիին» և կմրցի չեխական թիմի դեմ (տեսանյութ)

Մակեդոնական 6 թիմերի հետ անցկացրած 12 հանդիպումներում հայկական 3 ակումբները տոնել են 7 հաղթանակ, 4 խաղ ավարտել են ոչ-ոքի, կրել են 1 պարտություն, խփել են 20 գոլ, սեփական դարպասը բաց են թողել 9 գնդակ:

Հետևե՛ք VNews.am-ին նաև Youtube-ում և Instagram-ում:

1 2

«Փյունիկն» ընկերական խաղում պարտվեց Մոսկվայի «Դինամոյին»

Օզբիլիս. «Հավաքականում միշտ լավ եմ զգում, իսկ ակումբային մակարդակով վերջին անգամ ֆուտբոլից հաճույք եմ ստացել «Սպարտակում»

«Փյունիկը» ընկերական հանդիպում կանցկացնի ռուսական Պրեմիեր լիգան ներկայացնող ակումբի հետ

Բարձրագույն խմբի 10-րդ տուրի խորհրդանշական հավաքականը և լավագույն ֆուտբոլիստը

«Արարատն» արդեն ունի այնքան միավոր, ինչքան վաստակել էր նախորդ ամբողջ առաջնությունում

Հայկական ակումբների 8 լեգեոներներ հրավիրվել են իրենց երկրների ազգային հավաքականներ

Դաժան պայքար, խաղաղ ելք․ VNews-ի ֆոտոշարքն «Ուրարտու» – «Շիրակ» հանդիպումից

Իլշատ Ֆայզուլին․ «Սա ամենացավալի միավորն է, որ վաստակել ենք այստեղ»

Վարդան Բիչախչյան․ «Մենք ավելի մոտ էինք հաղթանակին»

Դավիդ Կամպանյա․ «Ցույց տվեցինք՝ ավելի լավ թիմ ենք, քան «Փյունիկը»

Ալեքսանդր Տարխանով․ «Խայտառակ մրցավարություն էր»

Արմեն Ադամյան․ «Արարատ-Արմենիան» մեզ գերազանցեց միայն գոլային պահերի ավելի լավ իրացմամբ»

Վարդան Մինասյան․ «Գոռ Մալաքյանը հիմա երևի լավագույն մարզավիճակում է այն պահից, ինչ աշխատում եմ նրա հետ»

Գոլառատ ոչ-ոքի «Ուրարտու» – «Շիրակ» խաղում (տեսանյութ)

«Ուրարտու» – «Շիրակ». Մեկնարկային կազմեր, ուղիղ հեռարձակում (տեսանյութ)

11-մետրանոցներով լի խաղ Վանաձորում, «Արարատ-Արմենիան» էլ ընդհատեց «Ալաշկերտի» հաղթարշավը (տեսանյութ)