Զիդան․ «Հուսով ենք՝ Բեյլը շուտով կհեռանա «Ռեալից»

Մադրիդի «Ռեալի» գլխավոր մարզիչ Զինեդին Զիդանը հաստատել է, որ թիմի հարձակողական ոճի կիսապաշտպան Գարեթ Բեյլը հեռանալու է «բլանկոսների» ճամբարից:

«Հուսով ենք՝ Բեյլը շուտով կհեռանա: Դա բոլորի համար էլ լավ կլինի: Աշխատում ենք նրա՝ նոր ակումբ տեղափոխվելու ուղղությամբ։ Ես անձնական ոչինչ չունեմ Գարեթի դեմ, սակայն գալիս է ժամանակ, երբ ինչ-որ բան պետք է փոխել: Ես պետք է որոշում կայացնեմ:

Տրանսֆերը մարզչի որոշումն է, նաև ֆուտբոլիստի, որը գիտի իրավիճակը: Հնարավոր է՝ իրավիճակը փոխվի 24 կամ 48 ժամ անց, բայց այն կփոխվի, և դա լավ է բոլոր կողմերի համար»,- Զիդանի խոսքերը մեջբերում է Goal-ը:

Ուելսցի ֆուտբոլիստն ավելի վաղ չէր մասնակցել Չեմպիոնների միջազգային գավաթի շրջանակում «Բավարիայի» հետ կայացած ընկերական խաղին, որում «Արքայական ակումբը» պարտություն էր կրել 1-3 հաշվով:

Բեյլը «Ռեալ» է տեղափոխվել 2013 թվականին 100 մլն եվրոյի դիմաց՝ այդ պահին դառնալով մոլորակի ամենաթանկարժեք ֆուտբոլիստը:

Զիդանն ասել է՝ Սիմեոնե-մարզի՞չն է ավելի ուժեղ, թե՞ Սիմեոնե-ֆուտբոլիստը

Միացի՛ր հայկական ամենասպորտային Instagram-ին: