fbpx
Բաժիններ

Բիչախչյանը հագեցնում է մոտ 10 ամսվա «քաղցը», Բալեկյանը՝ մրցում արգենտինական գրանդի հետ (տեսանյութ)

Հայ ֆուտբոլիստների ելույթներն արտերկրում վերջին օրերին

Արտերկրում հանդես եկող հայազգի ֆուտբոլիստներն իրենց ակումբներում վերջին օրերի ընթացքում մասնակցել են պաշտոնական հանդիպումների: VNews.am-ն անդրադառնում է գրանցված արդյունքներին և մեր հայրենակիցների ստացած խաղաժամանակին:

Ռուսաստանի Պրեմիեր լիգա, 3-րդ տուր․ «Դինամո Մոսկվա» 2-0 «Ուրալ»Վարազդատ Հարոյանն առաջնության 3-րդ անընդմեջ խաղում եղել է «Ուրալի» մեկնարկային կազմում: Նա այս մրցավեճում փոխարինվել է 84-րդ րոպեին: Հայ ֆուտբոլիստը 56-րդ րոպեին զգուշացվել է դեղին քարտով: Սա «Ուրալի» առաջին պարտությունն էր ընթացիկ առաջնությունում: Եկատերինբուրգը ներկայացնող թիմը 3 հանդիպումներից հետո իր ակտիվում գրանցել է 6 միավոր:

Ռուսաստանի Պրեմիեր լիգա, 3-րդ տուր․ «Կրասնոդար» 3-0 «Սոչի»Ալեքսանդր Կարապետյանը մնացել է պահեստայինների նստարանին: 31-ամյա հարձակվողը նախորդ 2 հանդիպումներում մտել էր փոխարինման: «Սոչին» անցկացրած 3 խաղում կրել է նույնքան պարտություն:

Բուլղարիայի Բարձրագույն խումբ, 3-րդ տուր․ «Արդա» 3-1 «Բերոե»․ Ռումյան Հովսեփյանը 33-րդ րոպեին հավասարեցրել է հանդիպման հաշիվը՝ իր առաջին գոլը խփելով նոր թիմում: Նա մասնակցություն է ունեցել նաև երկրորդ գոլային գրոհին: Հայ ֆուտբոլիստն ամբողջական խաղ է անցկացրել՝ 3-րդ անընդմեջ մրցավեճում լինելով թիմի մեկնարկային կազմում: «Արդան» 3 տուրից հետո վաստակել է 5 միավոր:

Շվեդիայի Բարձրագույն խումբ, 17-րդ տուր․ «Գյոթեբորգ» 0-0 «Նորչոպինգ»․ Անդրե Չալըշըրը մասնակցել է ամբողջ հանդիպմանը: 29-ամյա պաշտպանը մեկնարկային կազմում է եղել «Գյոթեբորգի»՝ ընթացիկ առաջնությունում անցկացրած բոլոր 17 մրցավեճերում: Թիմն առաջնության վերջին 5 խաղում անպարտելի է՝ տոնելով 2 հաղթանակ, գրանցելով 3 ոչ-ոքի ու այդ ընթացքում բաց թողնելով ընդամենը 2 գոլ: «Գյոթեբորգը» 16 թիմի պայքարում 5-6-րդ տեղերն է բաժանում «Հեկենի» հետ:

Դանիայի Սուպերլիգա, 3-րդ տուր․ «Հոբրո» 2-2 «Ռանդերս»․ Էդգար Բաբայանը 3-րդ անընդմեջ ամբողջական խաղն է անցկացրել: Նա, ի դեպ, իր կարիերան սկսել է հենց «Ռանդերսում» և այնտեղից տեղափոխվել «Հոբրո»: Վերջինս մեկնարկային 3 տուրում գրանցել է նույնքան ոչ-ոքի:

Սլովակիայի 2-րդ դիվիզիոն, 2-րդ տուր․ «Ժիլինա-2» 2-4 «Դուբնիցա»․ Վահան Բիչախչյանը վնասվածքի պատճառով մոտ 10 ամիս խաղադաշտից բացակայելուց հետո 2-րդ անընդմեջ հանդիպմանը դարձել է գոլի հեղինակ: Նա մրցակցի դարպասն այս անգամ գրավել է 8-րդ րոպեին: Բիչախչյանը մասնակցել է ամբողջ խաղին: «Ժիլինա-2»-ը 2 տուրից հետո իր ակտիվում է գրանցել 3 միավոր:

Ղազախստանի Պրեմիեր լիգա, 20-րդ տուր․ «Տոբոլ» 0-2 «Կայսար»Տիգրան Բարսեղյանը մասնակցել է ամբողջ հանդիպմանը: 25-ամյա ֆուտբոլիստը վերջին 2 խաղում չի կարողացել գրավել մրցակիցների դարպասը: Նա ընթացիկ առաջնությունում խաղադաշտ է դուրս եկել 19 անգամ (բոլոր դեպքերում՝ մեկնարկային կազմում) ու դարձել 7 գոլի հեղինակ: «Կայսարն» այս տուրից առաջ առաջատար հանդիսացող «Տոբոլին» պարտության մատնելու շնորհիվ ընդհատել է առաջնությունում առանց հաղթանակների 3 խաղերի շարքը: «Կայսարը» 12 թիմի պայքարում եզրափակում է լավագույն հնգյակը:

Ղազախստանի Պրեմիեր լիգա, 20-րդ տուր․ «Ժետիսու» 2-0 «Շախտյոր Կարագանդա»․ Կամո Հովհաննիսյանը մասնակցել է ամբողջ խաղին: Նա ընթացիկ առաջնության 20 հանդիպումներից մասնակցել է 19-ին (18 դեպքում՝ մեկնարկային կազմում) և դարձել 4 գոլի հեղինակ: «Ժետիսուն» մրցաշարի վերջին 8 հանդիպումներում ընդամենը 2 հաղթանակ է տոնել և զբաղեցնում է 6-րդ հորիզոնականը՝ հետապնդելով «Կայսարին»:

Սերբիայի Սուպերլիգա, 2-րդ տուր․ «Պրոլետեր Նովի Սադ» 2-2 «Վոժդովաց»․ Արթուր Եդիգարյանն ամբողջական հանդիպում է անցկացրել: 32-ամյա կիսապաշտպանն 1-ին տուրի մրցավեճում փոխարինման էր մտել 53-րդ րոպեին: «Պրոլետեր Նովի Սադն» այս առաջնությունում առայժմ հաղթանակ չունի և վաստակել է 1 միավոր:

Սլովակիայի Սուպերլիգա, 2-րդ տուր․ «Սլովան Բրատիսլավա» 3-0 «Զեմպլին Միխալովցե»Արմեն Հովհաննիսյանը խաղը սկսել է պահեստայինների նստարանին և փոխարինման մտել 11-րդ րոպեին: 19-ամյա հարձակվողը Սուպերլիգայում իր նորամուտը նշել էր նախորդ տարվա մայիսին, իսկ մինչ այդ մասնակցել էր նաև գավաթային հանդիպումների: «Զեմպլին Միխալովցեի» Մ-19 թիմում է ընդգրկված կիսապաշտպան Էրիկ Ազիզյանը: Ինչ վերաբերում է գլխավոր թիմին, ապա այն ընթացիկ առաջնության մեկնարկային 2 մրցավեճում կրել է նույնքան պարտություն՝ գնդակների 0-6 ընդհանուր հարաբերակցությամբ:

Արգենտինայի Սուպերլիգա, 1-ին տուր․ «Բոկա Խունիորս» 0-0 «Ատլետիկո Հուրական»Նորբերտո Բրիասկո Բալեկյանը եղել է մեկնարկային կազմում և փոխարինվել 69-րդ րոպեին: 23-ամյա հարձակվողը նախորդ առաջնությունում մասնակցել էր 13 հանդիպման (3-ը՝ մեկնարկային կազմում, 10-ը՝ մտնելով փոխարինման):

Բելառուսի գավաթի խաղարկություն, 1/16 եզրափակիչ․ «Վոլնա» 1-3 «Դնյապրո»Արսեն Բեգլարյանը մասնակցել է ամբողջ խաղին: Ինչ վերաբերում է առաջնությանը, ապա այնտեղ Բեգլարյանը չի հանդիսանում «Դնյապրոյի» հիմնական դարպասապահը: 26-ամյա ֆուտբոլիստն ընթացիկ առաջնությունում մասնակցել է ընդամենը 5 մրցավեճի՝ վերջին անգամ խաղադաշտ դուրս գալով հունիսի 23-ին: «Դնյապրոն» դուրս է եկել գավաթի խաղարկության 1/8 եզրափակիչ:

Ռուսաստանի Ազգային լիգա (հզորությամբ 2-րդ առաջնություն), 5-րդ տուր․ «Ենիսեյ» 0-1 «Կրասնոդար-2»․ Արթուր Սարկիսովն ընդգրկված է եղել հիմնական կազմում ու փոխարինվել 55-րդ րոպեին: 32-ամյա հարձակվողն այս առաջնությունում խաղադաշտ է դուրս եկել 4 անգամ (3 դեպքում՝ մեկնարկային կազմում) և դեռ չի բացել գոլերի հաշիվը: «Ենիսեյն» անցկացրած 5 հանդիպումներում տոնել է 1 հաղթանակ ու կրել 4 պարտություն:

Ֆրանսիայի Լիգա-2 (հզորությամբ 2-րդ առաջնություն), 1-ին տուր․ «Այաչո» 2-2 «Հավր»․ Գաել Անդոնյանը մնացել է պահեստայինների նստարանին: 24-ամյա պաշտպանը վերջին անգամ պաշտոնական հանդիպման է մասնակցել 2018 թվականի նոյեմբերի 26-ին, երբ անգլիական «Սանդեռլենդի» Մ-23 թիմի կազմում խաղադաշտ է դուրս եկել «Միդլսբրոյի» նույն տարիքային թիմի հետ մրցավեճում: «Այաչոն» նախորդ առաջնությունում հանգրվանել է 17-րդ հորիզոնականում ու դժվարությամբ պահպանել տեղը Լիգա-2-ում:

Ռուսաստանի Պրեմիեր լիգա, 3-րդ տուր․ «Տամբով» 2-0 «Սպարտակ Մոսկվա»․ Իշխան Գելոյանը շարունակում է բացակայել վնասվածքի պատճառով: Ալեքսանդր Գրիգորյանի գլխավորած թիմն անցկացրած 3 խաղում տոնել է 1 հաղթանակ ու կրել 2 պարտություն:

Լեհաստանի 1-ին դիվիզիոն (հզորությամբ 2-րդ առաջնություն), 1-ին տուր․ «Վիգրի Սուվալկի» 1-1 «Խոյնիչանկա»Աղվան Պապիկյանը հայտավորված է եղել պահեստայինների թվում և փոխարինման մտել 68-րդ րոպեին: «Խոյնիչանկան» 1-ին դիվիզիոնի նախորդ առաջնությունում 18 թիմի պայքարում եզրափակել է լավագույն տասնյակը:

Ռուսաստանի Ազգային լիգա (հզորությամբ 2-րդ առաջնություն), 5-րդ տուր․ «Ռոտոր Վոլգոգրադ» 1-1 «Խիմկի»Արշակ Կորյանը 9-րդ րոպեին գրավել է մրցակցի դարպասը՝ բացելով խաղի հաշիվը: Նա մասնակցել է ամբողջ մրցավեճին: 24-ամյա ֆուտբոլիստը խաղադաշտ է դուրս եկել առաջնության 4 հանդիպումներում (2-ը՝ մեկնարկային կազմում) և աչքի ընկել խփած 2 գոլով: Անդրեյ Տալալաևի գլխավորած թիմը 5 տուրից հետո վաստակել է 13 միավոր ու 1-3-րդ տեղերն է կիսում «Տոմի» և «Չերտանովոյի» հետ:

Բելառուսի գավաթի խաղարկություն, 1/16 եզրափակիչ․ «Արսենալ» 0-6 «Էներգետիկ-ԲԳՈւ»Հայկ Մուսախանյանը եղել է մեկնարկային կազմում ու խաղադաշտում իր տեղը զիջել 58-րդ րոպեին: 21-ամյա կիսապաշտպանը Բելառուսի Պրեմիեր լիգայի ընթացիկ առաջնությունում խաղադաշտ է մտել 11 անգամ (2-ը՝ հիմնական կազմում) ու խփել 2 գոլ: «Էներգետիկ-ԲԳՈւ»-ն դուրս է եկել գավաթի խաղարկության 1/8 եզրափակիչ:


Հետևե՛ք VNews.am-ին նաև Youtube-ում և Instagram-ում:


Վարազդատ Հարոյանի գոլը հաղթանակ է պարգևել «Ուրալին» (տեսանյութ)

Հայաստանի հավաքականի հավանական մեկնարկային կազմը Ֆինալդիայի դեմ խաղում՝ ըստ VNews-ի

Վահան Բիչախչյան․ «Գլուխ կախելու պատճառ չունենք․ արժանապատիվ խաղ ենք ցուցադրել» (տեսանյութ)

Արմեն Հովհաննիսյան․ «Պետք է հաղթեինք, որ Իտալիայի դեմ ավելի վստահ խաղայինք» (տեսանյութ)

Վահան Բիչախչյան․ «Շատ երկար էի սպասել այս խաղին․ հուսով եմ՝ արդարացրինք սպասելիքները» (տեսանյութ)

Ռումյան Հովսեփյան. «Պետք է ամեն ինչ անենք, որ Մխիթարյանը չափսոսա իր բացակայության համար» (տեսանյութ)

Վարազդատ Հարոյան. «Եթե հաղթենք Լիխտենշտեյնին, Ֆինլանդիայի հետ շատ լավ խաղ է սպասվում» (տեսանյութ)

Վարազդատ Հարոյանը մեկ բառով շնորհավորել է Սարգիս Ադամյանին

Վահան Բիչախչյանը դուբլի հեղինակ է դարձել «Սլովան Բրատիսլավայի» երկրորդ թիմի դեմ խաղում

«Գյուլբուդաղյանցի դինաստիա․ Հենրիխ Առյուծ III»․ Հայաստանի ընտրանու ֆուտբոլիստների գնահատականը Բոսնիայի հետ խաղում

Վարազդատ Հարոյան․ «Ուրախ ենք, որ հաղթեցինք, բայց դեռ երկար ճանապարհ ունենք անցնելու»

«Կամոյին բարձր հատկանիշներ»․ Հայաստանի ընտրանու ֆուտբոլիստների գնահատականները՝ Իտալիայի հետ խաղից հետո

Վարազդատ Հարոյան. «Արժանի էինք 1 միավորի» (տեսանյութ)

Հայաստանի հավաքականը շարունակում է նախապատրաստվել Իտալիայի դեմ խաղին (լուսանկարներ)

Հավաքականի 2 պաշտպաններ՝ գոլային փոխանցումների հեղինակ (տեսանյութ)

Հայ ֆուտբոլիստների վառ խաղը «կուրացնում» է ղազախ երկրպագուներին (տեսանյութ)