Հայկական ակումբները մի քանի ռեկորդներ սահմանեցին և 3 հոբելյան նշեցին եվրագավաթներում - VNews
Բաժիններ

Հայկական ակումբները մի քանի ռեկորդներ սահմանեցին և 3 հոբելյան նշեցին եվրագավաթներում

Եվրոպա լիգայի որակավորման 2-րդ փուլի պատասխան խաղերը՝ 10 փաստով

Եվրոպա լիգայի մրցաշարում Հայաստանը ներկայացնող 3 ակումբներից երկուսը՝ «Արարատ-Արմենիան» ու «Փյունիկը» հաջողությամբ հաղթահարեցին հերթական արգելքը և որակավորման 3-րդ փուլի ուղեգիր նվաճեցին: Այդ փուլում «Արարատ-Արմենիայի» մրցակիցը Վրաստանի չեմպիոն «Սաբուրթալոն» է: Անկախ Հայաստանի պատմության մեջ առաջին անգամ եվրագավաթներում հայկական թիմը՝ «Փյունիկը» կմրցի անգլիական ակումբի՝ «Վուլվերհեմփթոնի» հետ: Խորհրդային տարիներին Երևանի «Արարատն» է 1975/76թթ. Գավաթակիրների գավաթի 1/8 եզրափակչում հանդիպել անգլիական ակումբի՝ «Վեստ Հեմի» հետ: Երևանում գրանցվել է ոչ-ոքի (1-1), իսկ հյուրընկալվելիս արարատցիները պարտվել են 1-3 հաշվով:

Եվրոպա լիգայի որակավորման 2-րդ փուլի պատասխան հանդիպումների ամենաուշագրավ իրադարձությունները ներկայացնում ենք 10 փաստի տեսքով:

1․ Եվրոպա լիգայի որակավորման 2-րդ փուլի պատասխան հանդիպումներում հայկական ակումբներն ավելի հաջող հանդես եկան՝ տոնելով 2 հաղթանակ, մեկ խաղ ավարտելով ոչ-ոքի, խփելով 5 գնդակ, բաց թողնելով 3 գոլ: Հիշեցնենք, որ առաջին հանդիպումներում Հայաստանի ներկայացուցիչները տոնել էին 2 հաղթանակ, կրել մեկ պարտություն, խփել էին 4 գնդակ, սեփական դարպասը բաց էին թողել նույնքան գոլ:

Ընդհանուր առմամբ եվրագավաթների ընթացիկ խաղարկությունում անցկացրած 14 հանդիպումներից 8-ում հայկական թիմերը հաղթել են, 2-ն ավարտել են ոչ-ոքի, 4-ում պարտվել են: Մեր ֆուտբոլիստները 23 գոլ են խփել, սեփական դարպասը բաց են թողել 24 գնդակ:

Տարած հաղթանակների և խփած գոլերի քանակով եվրագավաթների ընթացիկ խաղարկությունը ռեկորդային է հայկական ակումբների համար: Մինչ այդ առավելագույն քանակի հաղթանակներ (6) մեր թիմերը տոնել էին 2015/16թթ․ մրցաշրջանում անցկացրած 14 հանդիպումներում: Իսկ առավել արդյունավետը 2002/03թթ. եվրագավաթների խաղարկությունն էր, որում անցկացրած 10 հանդիպումներում մեր ֆուտբոլիստները 14 գոլ էին խփել:

2․ «Արարատ-Արմենիան» ինքնատիպ նվաճման հասավ՝ եվրագավաթներում նորամուտը նշելով Եվրոպա լիգայի որակավորման 3-րդ փուլ մտնելով: Հայաստանի չեմպիոնը Եվրոպա լիգայի որակավորման 3-րդ փուլի ուղեգիր նվաճած հայկական 3-րդ ակումբն է «Փյունիկից» և «Ալաշկերտից» հետո, որոնք առաջին անգամ նման հաջողության էին հասել եվրագավաթների նախորդ խաղարկությունում: «Արարատ-Արմենիան» ևս մեկ ռեկորդ սահմանեց՝ Եվրոպա լիգայի որակավորման 2-րդ փուլի երկու հանդիպումներն էլ ավարտելով հաղթանակով:

«Արարատ-Արմենիան» դարձավ հայկական 2-րդ ակումբը, որը Եվրոպա լիգայի մրցաշարում նորամուտը նշեց հաջորդ փուլի ուղեգրի նվաճմամբ: Մինչ այդ միայն «Ալաշկերտին» էր հաջողվել առաջին իսկ փորձից հաջորդ փուլ մտնել՝ 2015/16թթ. Եվրոպա լիգայի մրցաշարում հաղթահարելով շոտլանդական «Սենթ Ջոնսթոնի» արգելապատնեշը (1-0, 1-2): Ընդ որում, ի տարբերություն «Արարատ-Արմենիայի», շոտլանդացիների հետ մրցավեճում «Ալաշկերտը» նորամուտն էր նշել եվրագավաթներում:

3․ «Արարատ-Արմենիան» և «Ալաշկերտը» եվրագավաթների ընթացիկ խաղարկությունում 3-րդ հաղթանակները տոնեցին և կրկնեցին «Փյունիկին» պատկանող ռեկորդը: Վերջինս նման ցուցանիշ էր գրանցել 2015/16թթ. Չեմպիոնների լիգայի («Ֆոլգորե» Սան Մարինո՝ 2-1, 2-1, «Մոլդե» Նորվեգիա՝ 1-0) և 2018/19թթ. Եվրոպա լիգայի («Վարդար» Հս. Մակեդոնիա՝ 1-0, 2-0, «Տոբոլ» Ղազախստան՝ 1-0) մրցաշարերում:

4․ «Լինկոլն Ռեդ Իմպսը» Ջիբրալթարի 2-րդ ներկայացուցիչն էր, որ եվրագավաթներում մրցեց հայկական թիմի հետ: Հայ-ջիբրալթարական առաջին դիմակայությունն անհաջող էր հայկական թիմի համար: 2016/17թթ. Եվրոպա լիգայի խաղարկության որակավորման առաջին փուլում «Փյունիկը» չէր հաղթահարել «Եվրոպայի» արգելքը: Առաջին խաղում հյուրընկալվելիս Սարգիս Հովսեփյանի սաները պարտվել էին 0-2 հաշվով, իսկ Երևանում միայն 2-1 հաշվով էին հաղթել ու դուրս էին մնացել հետագա պայքարից:

5․ «Փյունիկը» 2-րդ մրցաշրջանն անընդմեջ Եվրոպա լիգայի որակավորման 3-րդ փուլի ուղեգիր նվաճեց, ինչը յուրօրինակ ռեկորդ է հայկական ֆուտբոլում: Եթե նախորդ մրցաշրջանում փյունիկցիներն այդ հաջողությունը գրանցելիս տոնել էին 3 հաղթանակ, կրել մեկ պարտություն խփած և բաց թողած գնդակների 5-2 հարաբերակցությամբ, ապա ընթացիկ խաղարկությունում «Փյունիկը» տոնել է 2 հաղթանակ, նույնքան խաղ ավարտել է ոչ-ոքի, խփել է 7 գոլ, բաց թողել 5-ը:

Ալեքսանդր Տարխանովի օրոք «Փյունիկն» առայժմ անպարտելի է: Նրա գլխավորությամբ անցկացրած պաշտոնական 12 հանդիպումներում «Փյունիկը» 8 հաղթանակ է տոնել, 4 խաղ ավարտել է ոչ-ոքի:

Եվրագավաթներում իր 20-րդ մրցաշրջանն անցկացնող «Փյունիկին» 10-րդ անգամ հաջողվեց հաղթահարել մրցակցի արգելքն ու հաջորդ փուլի ուղեգիր նվաճել, ինչը ռեկորդային ցուցանիշ է հայկական ֆուտբոլում:

Միացի՛ր հայկական ամենասպորտային Instagram-ին:

1 2

Խաղ, որն ի հայտ կբերի Հայաստանի չեմպիոնին․ Ամենաուշագրավ փաստերը՝ ԲԽ-ի 28-րդ տուրին ընդառաջ

Մարտավարական ինչ քայլերի շնորհիվ «Նոան» «վերակենդանացավ» և «խլեց» գավաթն «Արարատ-Արմենիայից»

«Նոայի» ֆանտաստիկ քամբեքը, ամենագոլառատ եզրափակիչն ու ամենաերկարատև 11մ հարվածաշարը

Իգոր Պիկուշչակն արտասահմանցի 5-րդ մասնագետն է, որ իր թիմի հետ դարձել է VBet Հայաստանի գավաթակիր

Լուիս Օգանան՝ գավաթի եզրափակիչների ամենաարագ գոլերի հեղինակների տասնյակում

Վադիմ Բորեց․ «Ոչ մի գրող չէր կարողանա նման սցենար գրել․ երկրպագուներն այս եզրափակիչը երկար կհիշեն» (տեսանյութ)

Արթուր Սահակյան․ «Նոան» այս տիտղոսից հետո ավելի մոտիվացված կլինի հասնելու ավելի բարձր նվաճումների» (տեսանյութ)

Յուրի Գարեգինյան․ «Այսօր էլ ցույց տվեցինք մեր բնավորությունն ու թիմային խաղը» (տեսանյութ)

Եզրափակիչ, որը երբեք չի մոռացվի․ VNews-ի ֆոտոշարքը «Նոա» – «Արարատ-Արմենիա» մեգադրամատիկ խաղից

Թրիլերն ավարտվեց. «Նոան»՝ VBET Հայաստանի գավաթակիր (տեսանյութ)

VBET գավաթի եզրափակիչ. «Նոա» – «Արարատ-Արմենիա». Նախախաղային քննարկում, ուղիղ եթեր (տեսանյութ)

Բարձրագույն խմբի 27-րդ տուրի խորհրդանշական հավաքականը և լավագույն ֆուտբոլիստը

Եզրափակիչի մասնակից թիմերից միայն 2 ֆուտբոլիստ է երբևէ դարձել VBet Հայաստանի գավաթակիր․ «Նոա» – «Արարատ-Արմենիա» խաղին ընդառաջ

«Փյունիկը» երկարաձգել է պայմանագիրը 3 ֆուտբոլիստի հետ

VBET-ը ներկայացնում է Հայաստանի առաջնության հունիս ամսվա 5 լավագույն գոլերը (տեսանյութ)

Պարետատնից մերժել են. VBET Հայաստանի գավաթի եզրափակիչը կանցկացվի առանց հանդիսականների