fbpx
Բաժիններ

«Շիրակն» ավելի քան 1 տարվա դադարից հետո պարտության մատնեց «Ուրարտուին»

Բարձրագույն խմբի 1-ին տուրը՝ 10 փաստով

3 հանդիպումներով («Ալաշկերտ» – «Արարատ-Արմենիա», «Փյունիկ» – «Լոռի» խաղերը հետաձգվել են) մեկնարկեց ֆուտբոլի Հայաստանի Բարձրագույն խմբի 2019/20թթ. առաջնությունը: 3-րդ անգամ է առաջնությունն անցկացվում 10 թիմով: Առաջին անգամ թիմերի այդ քանակով առաջնություն անցկացվել է 1997թ. օգոստոսի 3-ից նոյեմբերի 16-ը՝ երկու շրջանով, քանի որ որոշվել էր աշուն-գարուն մրցակարգից կրկին վերադառնալ գարուն-աշուն ձևաչափին: Ի դեպ, հենց այդ առաջնությունում էր առաջին անգամ չեմպիոն հռչակվել «Երևանը»:

10 թիմերի մասնակցությամբ 2-րդ առաջնությունը կայացել է 1999թ. (այլ ոչ թե 2002թ., ինչպես սխալմամբ նշված էր ՀՖՖ նախագահ Արթուր Վանեցյանի ուղերձում), որն անցկացվել է 4 շրջանով: Սակայն 15-րդ տուրից հետո ֆինանսական խնդիրների պատճառով «Ղարաբաղը» լուծարվեց և դուրս եկավ առաջնությունից, որի հետևանքով թիմի անցկացրած խաղերի արդյունքները չեղյալ համարվեցին: Իսկ առաջնության ավարտից 6 տուր առաջ «Ղարաբաղի» ճակատագրին արժանացավ Արտաշատի «Դվինը»:

Մեկնարկային տուրի ամենաուշագրավ իրադարձությունները ներկայացնում ենք 10 փաստի տեսքով:

Գևորգ Կասպարովն աներևակայելի ռեկորդ է գրանցել

1․ Մեկնարկային տուրն անցավ դաշտի տերերի առավելությամբ, որոնք տոնեցին երկու հաղթանակ, մեկ խաղ ավարտեցին ոչ-ոքի: Հյուրերից միակ միավորը վաստակեց «Նոան»:

Մեկնարկային տուրում խփվեց 7 գոլ: 28-րդ առաջնության անդրանիկ գոլի հեղինակը շիրակցի Արտյոմ Գևորգյանն էր, որը 24-րդ րոպեին գրավեց «Ուրարտուի» դարպասապահ Արամ Հայրապետյանի պաշտպանած դարպասը:

2․ «Շիրակը» վերջապես ոչ միայն գրավեց «Ուրարտուի» դարպասը, այլև հաղթեց մրցակցին, ինչը գյումրեցիներին չէր հաջողվել հակառակորդի հետ առաջնության նախորդ 4 հանդիպումներում: Հիշեցնենք, որ նախորդ մրցաշրջանում 4 հանդիպումներից 3-ում գրանցվել էր գոլազուրկ ոչ-ոքի, մեկում «Ուրարտուն» 4-0 խոշոր հաշվով հաղթանակ էր տոնել: Վերջին հաղթանակն «Ուրարտուի» նկատմամբ «Շիրակը» տոնել էր անցյալ տարվա մայիսի 5-ին Երևանում կայացած խաղում՝ 2-0:

Հրայր Մկոյանը և Սոլոմոն Իմե Ուդոն վերադարձել են «Շիրակ»

«Շիրակը» վերջին 6 առաջնություններից 5-ում հաղթանակով է մեկնարկել: Միայն նախորդ առաջնությունում գյումրեցիներին չի հաջողվել մեկնարկում հաղթել՝ գոլազուրկ ոչ-ոքիով ավարտելով երևանյան հանդիպումը «Բանանցի» հետ: Իսկ ընդհանրապես 28 առաջնություններից 16-ի մեկնարկը հաղթական է եղել «Շիրակի» համար: Շիրակցիները միայն 5 անգամ են պարտությամբ մեկնարկել: Վերջին անգամ դա պատահել է 2013/14թթ. առաջնությունում, որում «Շիրակը» 2-3 հաշվով զիջել է «Գանձասար-Կապանին»:

3․ «Ուրարտուն» վերջին 5 մրցաշրջաններում առաջին անգամ առաջնությունը պարտությամբ սկսեց: Նախորդ 4 առաջնությունների մեկնարկային հանդիպումներում «Ուրարտուն» տոնել էր մեկ հաղթանակ (2016/17թթ. «Արարատ»՝ 1-0), 3 անգամ գրանցվել էր ոչ-ոքի: Իսկ մեկնարկում նախորդ պարտությունն «Ուրարտուն» կրել էր 2014/15թթ. առաջնությունում՝ 0-1 հաշվով զիջելով «Ուլիսին»:

Նեբոյսա Պետրովիչ․ «Հայկական ֆուտբոլում տակտիկան թույլ է զարգացած․ երևի ճիշտ մարդիկ չեն մարզում թիմերը» (տեսանյութ)

Իսկ ընդհանրապես «Ուրարտուն» շատ անհաջող է խաղացել ՀՀ առաջնությունների մեկնարկային հանդիպումներում՝ տոնելով ընդամենը 4 հաղթանակ (1993թ., «ՄալաթիաԿիլիկիա»՝ 6-0, 1994թ., «Լոռի»՝ 1-0, 2005թ., «Էսթեղլալ- Կոտայք»՝ 1-0, 2016/17թթ., «Արարատ»՝ 1-0), 11 խաղ ավարտելով ոչ-ոքի, կրելով 7 պարտություն:

Միացի՛ր հայկական ամենասպորտային Instagram-ին:

1 2

2 հայ, 1 լեգեոներ․ «Նոան» բաժանվել է 3 ֆուտբոլիստից

«Գանձասար-Կապանից» հեռացել է 6 ֆուտբոլիստ

«Նոան» առաջարկել է ՀՖՖ գործկոմի անդամի թեկնածու, իսկ նախագահի հարցում դեռ չի կողմնորոշվել

«Հիմա չպետք է մտածենք փողի մասին․ Տիգրանը թող այնպիսի թիմում խաղա, որ հետագայում միանա ավելի հզոր թիմի»․ Աշոտ Բարսեղյան

Բարձրագույն խմբի 15-րդ տուրի խորհրդանշական հավաքականը և լավագույն ֆուտբոլիստը

«Գանձասար-Կապանից» շուրջ 2,5 տարի պահանջվեց «Շիրակին» ԲԽ-ում հաղթելու համար

Ջոնել Դեսիրեն ԲԽ-ի պատմության մեջ միակ լեգեոներն է, որին հաջողվել է պենտա-տրիկի հեղինակ դառնալ

Արմեն Պետրոսյան․ «Շատ գոհ եմ մեր ֆուտբոլիստներից, բայց կան օղակներ, որոնք պետք է համալրենք» (տեսանյութ)

Աշոտ Բարսեղյանը ՀՖՖ-ին հորդորում է վերադարձնել առաջնության նախկին ձևաչափը (տեսանյութ)

Վարդան Բիչախչյան․ «Փորձելու ենք պահել թիմի կազմի 90%-ը, նաև հաստատ ունենալու ենք 1-2 նորեկ» (տեսանյութ)

«Գանձասար-Կապանը» կրկին հաղթեց «Շիրակին», «Նոան» էլ հերթական անգամ ուժեղ գտնվեց «Արարատից» (տեսանյութ)

Դավիդ Կամպանյա․ «Երևանի» ֆուտբոլիստներն այս բարդ իրավիճակում խաղացին զինվորների պես» (տեսանյութ)

Արմեն Ադամյան․ «Պետք է համալրվենք կոնկրետ դիրքերի 5 ֆուտբոլիստներով»

Սուրեն Չախալյան․ «Արժանի էինք հաղթանակի»

«Արարատ-Արմենիան» և «Ուրարտուն» տարին ավարտեցին ոչ-ոքիով․ VNews-ի ֆոտոշարքը

Ջոնել Դեսիրեի պենտա-տրիկը և «Լոռիի» սպասված հաղթանակը, ոչ-ոքիներ մյուս խաղերում (տեսանյութ)