fbpx
Բաժիններ

«Նման խաղերում պետք է կարողանանք հաղթել խոշոր հաշվով»․ Մամուլի ասուլիս «Շիրակ» – «Երևան» հանդիպումից հետո

Բարձրագույն խմբի առաջնության 3-րդ տուրի մեկնարկային՝ «Շիրակ» – «Երևան» հանդիպումից հետո (2-1) լրագրողների հարցերին են պատասխանել Վարդան Բիչախչյանը և Գեորգի Ղազարյանը:

Վարդան Բիչախչյան

«Շիրակի» գլխավոր մարզիչ

-Բավականին դժվար հանդիպում ստացվեց: Ամբողջ 90 րոպեն անցավ նյարդային պայքարում: Դրա մեղավորները մենք ենք, քանի որ, 2 խաղակեսերում էլ ունենալով բազում գոլային հնարավորություններ, օգտագործեցինք դրանցից ընդամենը 2-ը: Եթե հաշվի առնենք, որ առաջին գոլը որպես ինքնագոլ գրանցվեց մրցակցի հաշվին, մենք այս խաղում ընդամենը 1 ստանդարտ կարողացանք գոլի վերածել:

Չեմ կարող գոհ լինել, քանի որ նման հանդիպումներում պետք է կարողանանք պահերն օգտագործել ու խոշոր հաշվով հաղթանակներ տոնել, որպեսզի վստահություն գա տղաների գործողություններում: Այն, որ այսքան շատ գոլային պահ ենք ստեղծում, լավ է, խաղ կա, բայց եթե չենք կարողանում այդ ամենը գոլի վերածել, տղաների շրջանում հաջորդ հանդիպումներում ավելորդ լարվածություն կնկատվի: Ամեն դեպքում, կարողացանք հաղթել ու 3 միավոր վաստակել: Շարժվում ենք առաջ:

Ի՞նչն է պատճառը, որ թիմը, ստեղծելով այդքան վտանգավոր պահեր, չկարողացավ դրանք օգտագործել: 

-Դժվարանում եմ ասել: Ֆուտբոլում նման բաներ երևի թե լինում են: Եթե համեմատականներ անցկացնենք «Ուրարտուի» դեմ առաջին հանդիպման հետ, մենք այն ժամանակ 4-5 իրական գոլային պահից կարողացանք 3-ն իրացնել: Կարծում եմ՝ չեմ սխալվի, եթե ասեմ, որ այսօր էլ ունեցանք 15 գոլային հնարավորություն, սակայն չկարողացանք դրանցից գոնե 3-4-ն օգտագործել: Ամեն դեպքում, վարպետության հարց է: Ուրիշ ձև չեմ կարող բացատրել: Սառնասրտության հետ է կապված: Պետք է կարողանալ պատասխանատվություն վերցնել ու օգտագործել ստեղծած գոլային պահերը:

Գեորգի Ղազարյան

«Երևանի» գլխավոր մարզչի օգնական

-Շնորհավորում եմ «Շիրակին» հաղթանակի կապակցությամբ: Մրցակիցը շատ լավ խաղ ցուցադրեց: Լավ սկսեցինք մրցավեճը, վատ չսկսեցինք, պահեր ունեցանք: Եղավ ինքնագոլ, որից հետո կարողացանք պատասխան գոլը խփել: Հանդիպումը մի քիչ հավասարվեց, բայց արդեն որերորդ անգամ գոլ ենք բաց թողնում ստանդարտ իրավիճակից: Պետք է աշխատենք դրա վրա: Տղաները պայքարեցին, կռվեցին մինչև վերջ, ինչի համար շնորհակալ եմ նրանց, բայց «Շիրակն» այսօր ուժեղ էր:

Կարելի՞ է ասել, որ խաղի տրամաբանությունը հուշում էր՝ կարելի է պատժել «Շիրակին», որովհետև մրցակիցը բազում գոլային հնարավորություններ ուներ, սակայն դրանք չէր վերածում գոլերի:

-Մրցակիցը մի քանի շատ լավ պահ ունեցավ, չօգտագործեց: Չի կարելի ասել՝ պատժել, բայց կարող էինք ինչ-որ տեղ օգտվել առիթից ու խփել երկրորդ գնդակը: Ունեցանք վտանգավոր պահ, երբ Ջեֆերսոնը գլխով բավականին լավ հարված կատարեց, բայց ունենք այն, ինչ ունենք:

Թիմն ունի՞ ֆիզիկական պատրաստականության հետ կապված խնդիր: Երկրորդ խաղակեսում զգացվեց, որ վնասվածք ստացողները շատ էին, առաջ եկան մկանային խնդիրներ:

-Չէի ասի, որ մկանային խնդիրներ էին: Իհարկե, կան ֆիզիկականի հետ կապված խնդիրներ, աշխատում ենք դրա վրա, որպեսզի կարողանանք խաղադաշտում 95 րոպե առավելագույնս աշխատել,- եզրափակել է Ղազարյանը:

Հավելենք, որ այս տուրում կկայանան նաև հետևյալ հանդիպումները՝ «Ալաշկերտ» – «Ուրարտու» (օգոստոսի 17, մեկնարկը՝ 17:15-ին, «Նաիրի» ստադիոն), «Գանձասար-Կապան» – «Լոռի» (օգոստոսի 17, 19:00, Երևանի ֆուտբոլի ակադեմիա), «Նոա» – «Արարատ-Արմենիա» (օգոստոսի 18, 17:15, «Նաիրի» ստադիոն) ու «Փյունիկ» – «Արարատ» (օգոստոսի 19, 19:15, Երևանի ֆուտբոլի ակադեմիա):

Հետևե՛ք VNews.am-ին նաև Youtube-ում և Instagram-ում:


Վլադ Գոյան․ «Մենք արժանի էինք գոնե 1 միավորի» (տեսանյութ)

Իլշատ Ֆայզուլինը՝ ընթացիկ առաջնությունում առաջին հաղթանակի մասին (տեսանյութ)

«Շիրակն» ամբողջացրեց Գյումրիում տիրող տոնական մթնոլորտը՝ հաղթելով չեմպիոնին․ VNews-ի ֆոտոշարքը

Արամ Բարեղամյանն այսօր պատմություն կերտեց

«Շիրակը» հաղթեց չեմպիոնին, «Ալաշկերտի» հաղթարշավն էլ շարունակվում է (տեսանյութ)

Խաղերի մեծամասնությունը կայանալու է Երևանից դուրս․ Ամենաուշագրավ փաստերը՝ ԲԽ-ի 8-րդ տուրին ընդառաջ

Բարձրագույն խմբի 7-րդ տուրի խորհրդանշական հավաքականը և լավագույն ֆուտբոլիստը

Ընդամենը 1 խաղ, և Արամ Բարեղամյանը կդառնա «Ուրարտուի» ռեկորդակիրը

Գագիկ Սիմոնյան․ «Ֆուտբոլիստները չհասցրին վերականգնվել նախորդ խաղից հետո» (տեսանյութ)

Վարդան Մինասյան․ «Հուսով եմ՝ Եվրոպա լիգայի ամեն ինչն արդեն մոռացանք և հետ եկանք Հայաստանի առաջնություն» (տեսանյութ)

«Արարատ-Արմենիան» մրցաշրջանի առաջին պարտությունը «պարգևեց» «Արարատին» (տեսանյութ)

«Շիրակն» արգելակել է գերազանց մեկնարկից հետո (տեսանյութ)

«Արարատ-Արմենիա» – «Արարատ»․ Մեկնարկային կազմեր, ուղիղ հեռարձակում (տեսանյութ)

«Նոա» – «Շիրակ»․ Մեկնարկային կազմեր, ուղիղ հեռարձակում (տեսանյութ)

Արմեն Պետրոսյան․ «Խաղերը վերլուծելիս հասկանում ենք, որ ամեն ինչ նորմալ է ընթանում, զուտ չենք իրացնում պահերը» (տեսանյութ)

Աշոտ Բարսեղյան․ «Հավասար արդյունքն արդարացի կլիներ» (տեսանյութ)