fbpx
Բաժիններ

Սերգեյ Բոյկո․ «Մեզ ձեռնտու էր «Փյունիկի» հետ հենց հիմա խաղալը»

«Արարատի» գլխավոր մարզիչ Սերգեյ Բոյկոն Բարձրագույն խմբի առաջնության 3-րդ տուրում «Փյունիկի» նկատմամբ հաղթանակից հետո (4-1) պատասխանել է լրագրողների հարցերին․

-Շնորհավորում եմ թիմին: Շատ ծանր հանդիպում էր, հատկապես առաջին խաղակեսը: Մենք կամովին էինք գնդակն ու տարածությունը զիջել մրցակցին: Գիտեինք, որ մրցակցի լավագույն կողմերից մեկը գնդակը վերահսկելն է: Նրանք դա, իսկապես, լավ են անում: Մենք նրանց տվեցինք գնդակը, սակայն, կարծում եմ, գիտեք, որ ժամանակակից ֆուտբոլում գնդակի վերահսկումն ամենաանօգուտ ցուցանիշն է: Հաղթում է այն թիմը, որը գոլեր է խփում:

Հաշվի էինք առել, թե «Փյունիկն» ինչպիսի ծանր գրաֆիկ էր ունեցել՝ խաղալով օգոստոսի 8-ին, 11-ին և 15-ին, գումարած՝ Անգլիա մեկնելն ու այնտեղից վերադառնալը: Դա յուրաքանչյուր թիմի համար էլ շատ հագեցած խաղացանկ է: Մենք ծրագրել էինք, որ նրանք երկրորդ խաղակեսում կհոգնեին ու սխալներ թույլ կտային, և այդպես էլ եղավ: Օգտագործեցինք մեր արագ հակագրոհները: Կարծում եմ՝ մեր երկրպագուները հաճույք ստացան նրանից, թե ինչպես ավարտվեց այս խաղը:

Խոսվեց տակտիկայի մասին: «Արարատը» մշակե՞լ էր այն, թե ինչպես էր հանդես գալու, եթե «Փյունիկն» առաջին խաղակեսում օգտագործեր իր պահերից մեկը:

-Մենք ամբողջովին խաղում էինք «երկրորդ համարով»: Իհարկե, չէինք տրամադրվել նրան, որ պետք է գոլ բաց թողնենք: Չէինք ծրագրել նաև, որ առաջին գնդակն էլ ենք ընդունելու: Բայց դեռ ունեինք 1 փոխարինման հնարավորություն, որը կուժեղացներ խաղը: Պատրաստ էինք իրադարձությունների այդպիսի զարգացմանը:

«Արարատն» իր ուժերի քանի՞ տոկոսով է խաղում հիմա:

-Հիմա պատրաստ չեմ պատասխանելու այդ հարցին, քանի որ թիմը դեռ կայացման փուլում է: Իհարկե, այն արդյունքը, որ հիմա ցույց ենք տալիս, հրաշալի է: Տղաներին ևս մեկ անգամ մեծ շնորհակալություն եմ հայտնում: Սակայն կասեմ, որ այս թիմը դեռ ունի պոտենցիալ, և մենք պետք է շարունակենք աշխատանքը: Ֆուտբոլիստները հիմա խաղում են իրենց ուժերի առավելագույնով, բայց կան նաև պահեստային ուժեր:

«Արարատը» կկարողանա՞ այս տեմպը պահել առաջիկայում ու նույն խաղամակարդակը ցուցադրել նաև հաջորդ հանդիպումներում:

-Մենք աշխատում ենք ամեն օր: Փորձելու ենք ավելի լավ խաղալ: Կցանկանայի լավ խոսքեր ասել նաև «Փյունիկի» հասցեին, քանի որ այն կազմակերպված թիմ է, գնդակը լավ է վերահսկում: Մեզ համար այսօր դրական հանգամանք էր երևի թե նաև այն, որ մրցակիցը դժվարին խաղացանկ էր ունեցել: Մեզ ձեռնտու էր «Փյունիկի» հետ հենց հիմա խաղալը:

Արտյոմ Սիմոնյանն այսօր լավագույններից մեկն էր մրցակցի կազմում: Չե՞ք ափսոսում նրա համար, որ նա նախորդ մրցաշրջանում «Արարատում» էր, իսկ հիմա հեռացել է այնտեղից:

-Առաջին հերթին, այդ ֆուտբոլիստի մասին իմացել եմ այս հանդիպմանը նախապատրաստվելու ժամանակ: Եվ հետո, ես համաձայն չեմ այն ձևակերպման հետ, որ 3 տարի անընդմեջ վերջին տեղը գրաված թիմում կարող է լինել լավագույն ֆուտբոլիստ:

Միացի՛ր հայկական ամենասպորտային Instagram-ին:


«Արարատն» ստուգողական խաղում զիջել է Մոսկվայի «Սպարտակին»

Պաշտոնական․ «Լոռին» ուրուգվայցի ձախ պաշտպան է ձեռք բերել

Տրանսֆերային ձմեռ-2020․ Բարձրագույն խմբի ակումբների ձեռքբերումները և կորուստները (թարմացվում է)

Պաշտոնական․ Արտակ Ալեքսանյանը հեռացել է «Արարատից»

«Արարատն» ընկերական խաղում հաղթել է ռուսական թիմին

«Փյունիկը» հաղթեց ղազախական թիմին, «Լոռին» ոչ-ոքի խաղաց Ուկրաինայի Պրեմիեր լիգայի ներկայացուցչի հետ (տեսանյութ)

«Արարատ-Արմենիան» հաղթանակներ է տոնել այսօր կայացած ընկերական խաղերում (տեսանյութ)

Պաշտոնական․ Վահագն Այվազյանը՝ «Լոռիի» ֆուտբոլիստ

Պաշտոնական․ Դավիթ Ղանդիլյանը տեղափոխվել է «Լոռի»

Պաշտոնական․ «Լոռին» արգենտինացի հարձակվող է ձեռք բերել

Պաշտոնական․ «Լոռին» պորտուգալացի դարպասապահ է ձեռք բերել

«Ներկայումս կա հայ որակյալ ֆուտբոլիստների սահմանափակ քանակ»․ Արթուր Սահակյան

Բեգլարյանն ի պատիվ Բրայանտի է ընտրել 24 համարի մարզաշապիկը

Գևորգ Օհանյանի շքեղ գոլը «Նյու Յորք Սիթիի» դեմ խաղում (տեսանյութ)

Հայտնի է՝ գերմանական որ ակումբի հետ է «Նոան» համաձայնության եկել համագործակցության վերաբերյալ

Հայաստանի Մ-21 հավաքականի ֆուտբոլիստը հեռացել է «Նոայից»