fbpx
Բաժիններ

«Հայկական որոշ թիմեր իսպանական ֆուտբոլի բարձր մակարդակում կկարողանային լավ հանդես գալ»․ Դավիդ Կամպանյա

«Լոռիի» գլխավոր մարզիչ Դավիդ Կամպանյան Բարձրագույն խմբի առաջնության 4-րդ տուրում «Նոայի» նկատմամբ նվազագույն հաշվով հաղթանակից հետո հայտնել է մրցավեճից իր տպավորությունների մասին․

-Խաղի սկզբում ապահով և շատ լավ էինք խաղում, ավելի շատ էինք վերահսկում գնդակը, քան նախորդ մրցավեճում: Թիմը մարզումից մարզում, խաղից խաղ աճում է: Մրցակիցն այսօր շատ շանսեր չունեցավ: Մենք ավելի շատ հնարավորություններ ստեղծեցինք, քան մրցակիցը: Իմ աշխատանքն է այնպես անելը, որ մենք ավելի շատ պահեր ունենանք, քան մրցակիցը: Բայց առայժմ բավականին հեռու ենք նրանից, ինչ ես ուզում եմ:

Նրանք երկրորդ խաղակեսում սկսեցին ավելի բարձրից պրեսինգի դիմել, որպեսզի հաղթանակ կորզեն, բայց մենք ապահով էինք պահում մեր դարպասն ու հրաշալի հակագրոհներ կազմակերպում: Կարող էինք հաշիվը դարձնել 2-0 ու «սպանել» խաղը: Ժամանակն է շարունակելու աշխատանքը և զարգացնելու թիմը: Ուրախ եմ թիմիս ելույթի կապակցությամբ, հատկապես հայ ֆուտբոլիստներն այսօր շատ լավ հանդես եկան:

«Լոռին» Ձեր գլխավորությամբ արդեն 3 խաղ է անցկացրել Հայաստանի առաջնությունում: Ըստ Ձեզ՝ մրցաշարն ի՞նչ խաղամակարդակ և յուրահատկություններ ունի:

-Կարծում եմ՝ առաջնությունը նախորդ տարվա մրցաշարի համեմատ շատ է զարգացել: Ֆիզիկական պայքարը բավականին շատ է, քանի որ ուժեղ խաղացողներ կան: Մենք ամբողջ խաղի ընթացքում պետք է շատ աշխատենք, որպեսզի մեր դարպասն անառիկ պահենք: Ակնհայտ է, որ հայկական ֆուտբոլն ու Հայաստանի առաջնությունը շատ-շատ մեծ աճ են գրանցել նախորդ մրցաշրջանի համեմատ: Շատ դժվար է Իսպանիայի հետ համեմատելը, քանի որ այնտեղ այլ ֆուտբոլ է, բայց հայկական որոշ թիմեր կկարողանային խաղալ և լավ հանդես գալ իսպանական ֆուտբոլի բարձր մակարդակում:

Գրիգոր Աղեկյանն առաջնությունում արդեն 3 գոլ է խփել: Ի՞նչ կասեք նրա խաղի մասին:

-Շատ ուրախ եմ Գրիգորի ելույթի կապակցությամբ, բայց ես միշտ ավելին եմ ուզում: Ցանկանում եմ նրան շատ զարգացնել: Գրիգորը գոլահարի հրաշալի տվյալներ ունի, բայց ես ուզում եմ նրան կատարելագործել նաև այն իրավիճակներում, երբ առանց գնդակի է կամ պրեսինգի է դիմում: Սա նրա համար շատ մեծ հնարավորություն է շարունակելու զարգանալ և, ինչո՞ւ ոչ, հրավիրվելու ազգային հավաքական: Եթե նա շարունակի գոլեր խփել ու խաղա այնպես, ինչպես հիմա է անում, կարծում եմ՝ կարող է շանս ստանալ: Հեշտ է արտասահմանցի հարձակվողի բերելը, բայց մենք նախընտրում ենք ունենալ Գրիգորի պես ֆուտբոլիստի: Բայց սա դեռ առաջին քայլն է: Ես միշտ ուզում եմ ավելին և ավելին ու մղում իմ ֆուտբոլիստներին անընդհատ զարգանալու:

Վադիմ Բորեց․ «Բարձրագույն խմբում բոլորն էլ հավասարազոր թիմեր են»

Միացի՛ր հայկական ամենասպորտային Instagram-ին:


Պաշտոնական․ «Նոան» հայտարարել է երկու տրանսֆերի մասին

Պաշտոնական․ «Լոռին» ուրուգվայցի ձախ պաշտպան է ձեռք բերել

Տրանսֆերային ձմեռ-2020․ Բարձրագույն խմբի ակումբների ձեռքբերումները և կորուստները (թարմացվում է)

Պաշտոնական․ Արտակ Ալեքսանյանը հեռացել է «Արարատից»

«Արարատն» ընկերական խաղում հաղթել է ռուսական թիմին

«Փյունիկը» հաղթեց ղազախական թիմին, «Լոռին» ոչ-ոքի խաղաց Ուկրաինայի Պրեմիեր լիգայի ներկայացուցչի հետ (տեսանյութ)

«Արարատ-Արմենիան» հաղթանակներ է տոնել այսօր կայացած ընկերական խաղերում (տեսանյութ)

Պաշտոնական․ Վահագն Այվազյանը՝ «Լոռիի» ֆուտբոլիստ

Ավստրիացի կենտրոնական պաշտպանը կարիերան կշարունակի «Լոռիում»

Պաշտոնական․ Դավիթ Ղանդիլյանը տեղափոխվել է «Լոռի»

Պաշտոնական․ «Լոռին» արգենտինացի հարձակվող է ձեռք բերել

Պաշտոնական. Սարգիս Շահինյանը՝ «Լոռիի» ֆուտբոլիստ

Պաշտոնական․ «Լոռին» պորտուգալացի դարպասապահ է ձեռք բերել

Պաշտոնական. «Լոռին» իսպանացի դարպասապահի է ձեռք բերել

«Ներկայումս կա հայ որակյալ ֆուտբոլիստների սահմանափակ քանակ»․ Արթուր Սահակյան

Բեգլարյանն ի պատիվ Բրայանտի է ընտրել 24 համարի մարզաշապիկը