fbpx
Բաժիններ

Վադիմ Բորեց․ «Բարձրագույն խմբում բոլորն էլ հավասարազոր թիմեր են»

«Նոայի» գլխավոր մարզիչ Վադիմ Բորեցը Բարձրագույն խմբի առաջնության 4-րդ տուրում «Լոռիից» կրած նվազագույն հաշվով պարտությունից հետո հայտնել է մրցավեճից իր տպավորությունների մասին․

-Հանդիպումը լավ սկսեցինք, վերահսկում էինք խաղն ու ունեինք լավ պահեր, սակայն, ցավոք, հակագրոհի հետևանքով գոլ բաց թողեցինք: Տխրեցնում է այն, որ մենք խաղից առաջ վերլուծել էինք այդ պահերը, սակայն առաջադրանքը չկատարվեց խաղադաշտում, ինչն անհանգստացնում է: Մենք պետք է ավելի լավ խաղայինք պաշտպանությունում ու մրցակցին թուլ չտայինք այդպիսի պահեր ստեղծել: Վերահսկում էինք գնդակը, սակայն ագրեսիվությունը պետք է ավելի շատ լիներ: Հարկավոր էր առանց գնդակի ավելի շատ տեղաշարժվել մրցակցի կիսադաշտում: Գնդակ վերահսկելը լավ է, բայց հարկավոր չէ վերահսկել միայն վերահսկելու համար, եթե օգուտ չկա: Ամենագեղեցիկ ֆուտբոլն այն է, որը հանգեցնում է գոլերի: Պետք է պահեր ստեղծել: Կաշխատենք այդ ուղղությամբ: Սա շատ օգտակար փորձ էր մեզ համար: Այս խաղը մեզ կօգնի լինելու նաև հոգեբանորեն ավելի ուժեղ:

Սոսլան Կագերմազովի փոխարինումն առաջին խաղակեսում ինչո՞վ էր պայմանավորված:

-Նա չէր անում այն, ինչ իրենից պահանջվում էր: Մտածեցինք, որ մեկ այլ խաղացող ավելի լավ կկատարեր մեր պահանջները: Մենք ոչ մի փոփոխություն հենց այնպես չենք անում, դրանք նպատակ ունեն ուժեղացնելու խաղը:

Թիմը վերջին 10 րոպեներին չէր կարողանում ինչպես հարկն է գրոհել: Կա՞ր ֆիզիկական վիճակի հետ կապված խնդիր:

-Ավելի շատ հոգեբանական խնդիր էր: Երբ մրցակիցը մեծ թվով ֆուտբոլիստներով է պաշտպանվում, պետք է խելացի խաղալ ու գրոհների շարունակության տարբերակներ փնտրել: Դա չստացվեց: Մրցակցին թույլ տվեցինք հակագրոհներ կազմակերպել: Մեզ գոլ էր պետք, ուստի որոշ իրավիճակներում շտապում էինք, ինչը հոգեբանության հետ է կապված: Սխալ էինք թույլ տալիս, կորցնում գնդակը, ստիպված նահանջում և փորձում վերադարձնել այն, և ստացվում է, որ շատ ուժեր էինք ծախսում: Գոլ խփելու համար պետք է խաղալ սառն ուղեղով և տաք սրտով: Սխալ որոշումներ էինք կայացնում: Նյարդայնանում էինք, երևի նրանից է գալիս, որ շատ էինք ուզում հաղթել: Ֆուտբոլ պետք է գլխով խաղալ, մտածել ու ճիշտ որոշում ընդունել:

Մեկնարկային հանդիպումներից դատելով՝ ի՞նչ տպավորություններ ունեք Հայաստանի առաջնությունից:

-Ոչինչ չի զարմացրել: Բոլորն էլ պայքարող թիմեր են, յուրաքանչյուր մրցավեճ ծանր է ստացվում, ոչ ոք մյուսին հենց այնպես միավոր չի տալիս: Ամեն խաղի պետք է մոտենալ մեծ պատասխանատվությամբ: Առաջնությունում կայացած հանդիպումներում շատ են նվազագույն առավելությամբ հաշիվները, ինչը նշանակում է, որ այդ մրցավեճերում համառ պայքար է ընթացել: Այնպիսի տպավորություն է, որ բոլորն էլ հավասարազոր թիմեր են, հավասար առաջնություն է: Ամեն խաղի պետք է ցույց տաս քո կարողությունների առավելագույնը, նույնիսկ ավելին, քան դու կարող ես, որպեսզի դրական արդյունքի հասնես: Հակառակ դեպքում ոչինչ չի ստացվի:

«Հայկական որոշ թիմեր իսպանական ֆուտբոլի բարձր մակարդակում կկարողանային լավ հանդես գալ»․ Դավիդ Կամպանյա

Միացի՛ր հայկական ամենասպորտային Instagram-ին:


Պաշտոնական․ «Նոան» հայտարարել է երկու տրանսֆերի մասին

Պաշտոնական․ «Լոռին» ուրուգվայցի ձախ պաշտպան է ձեռք բերել

Տրանսֆերային ձմեռ-2020․ Բարձրագույն խմբի ակումբների ձեռքբերումները և կորուստները (թարմացվում է)

Պաշտոնական․ Արտակ Ալեքսանյանը հեռացել է «Արարատից»

«Արարատն» ընկերական խաղում հաղթել է ռուսական թիմին

«Փյունիկը» հաղթեց ղազախական թիմին, «Լոռին» ոչ-ոքի խաղաց Ուկրաինայի Պրեմիեր լիգայի ներկայացուցչի հետ (տեսանյութ)

«Արարատ-Արմենիան» հաղթանակներ է տոնել այսօր կայացած ընկերական խաղերում (տեսանյութ)

Պաշտոնական․ Վահագն Այվազյանը՝ «Լոռիի» ֆուտբոլիստ

Ավստրիացի կենտրոնական պաշտպանը կարիերան կշարունակի «Լոռիում»

Պաշտոնական․ Դավիթ Ղանդիլյանը տեղափոխվել է «Լոռի»

Պաշտոնական․ «Լոռին» արգենտինացի հարձակվող է ձեռք բերել

Պաշտոնական. Սարգիս Շահինյանը՝ «Լոռիի» ֆուտբոլիստ

Պաշտոնական․ «Լոռին» պորտուգալացի դարպասապահ է ձեռք բերել

Պաշտոնական. «Լոռին» իսպանացի դարպասապահի է ձեռք բերել

«Ներկայումս կա հայ որակյալ ֆուտբոլիստների սահմանափակ քանակ»․ Արթուր Սահակյան

Բեգլարյանն ի պատիվ Բրայանտի է ընտրել 24 համարի մարզաշապիկը