Վալդես․ «Չեմ պատասխանի Նեյմարի մասին հարցերին, քանի որ ինձ կարող են հեռացնել»

«Բարսելոնայի» նախկին դարպասապահ Վիկտոր Վալդեսը, որը ներկայումս գլխավորում է կատալոնական ակումբի Մ-19 թիմը, հրաժարվել է մեկնաբանել ՊՍԺ-ի հարձակվող Նեյմարի՝ «կապտանռնագույնների» կազմ հավանական տեղափոխությունը:

«Ի՞նչ կարող եմ ասել Նեյմարի մասին: Ես նրա հետ խաղացել եմ ընդամենը 1 տարի, սակայն դա վառ ժամանակաշրջան էր:

Դա այն է, ինչ հիշում եմ: Դե՛, դուք բոլորդ նրան լավ եք ճանաչում որպես խաղացողի, որը մասնակցել է «Բարսելոնայի» հաղթանակով ավարտված Չեմպիոնների լիգայի մրցաշրջանին: Նա հիանալի ֆուտբոլիստ էր թիմի համար:

Բայց ես չեմ պատասխանի այդպիսի հարցերի, դուք պետք է ուրիշ մեկին դիմեք: Այդպես կհայտնվեմ անթույլատրելի իրավիճակում, և ինձ կարող են հեռացնել, իսկ ես հուսով եմ շարունակել աշխատանքս այստեղ՝ ակումբում»,- Վալդեսի խոսքերը մեջբերում է Football Espana-ն:

«Նեյմարի տեղափոխությունն ավելի մոտ է, քան անցյալում էր»․ «Բարսելոնայի» ներկայացուցիչ

Միացի՛ր հայկական ամենասպորտային Instagram-ին: