fbpx
Բաժիններ

Գոռ Մալաքյան․ «Հավաքականի մարզիչը ոչ պրոֆեսիոնալ պատասխան տվեց իմ մասին հարցին»

«Արարատ-Արմենիայի» կիսապաշտպան Գոռ Մալաքյանը, չնայած եվրագավաթային հանդիպումներում բավականին վստահ ելույթներին, չի հրավիրվել Հայաստանի ազգային հավաքական, ինչն անակնկալ էր հայկական ֆուտբոլային շրջանակների համար:

Ընտրանու գլխավոր մարզիչ Արմեն Գյուլբուդաղյանցը, Իտալիայի հավաքականի հետ հանդիպումից առաջ պատասխանելով լրագրողների հարցերին, Մալաքյանի բացակայության հետ կապված հետևյալ դիրքորոշումն էր հայտնել․ «Մալաքյանը լավ մարզավիճակում է, նույնիսկ ուզում էինք հրավիրել ազգային հավաքական: Գոռն ուղղակի մի խնդիր ունի, և եթե այն լուծի, դառնալու է ազգային հավաքականի ամենակարևոր ֆուտբոլիստներից մեկը․ նա պետք է կարողանա կարգավորել իր էմոցիաները, մանավանդ՝ խաղի ժամանակ, որովհետև նա անընդհատ դեղին քարտ է ստանում, և դա վտանգավոր է լինում հանդիպման ժամանակ: Հավաքական հրավիրված հենակետայինները նույնպես լավ մարզավիճակում են»:

Գոռ Մալաքյանը VNews.am-ին տված հարցազրույցում մեկնաբանել է հավաքականի գլխավոր մարզչի հայտարարությունը:

«Անկեղծ ասած, չէի ցանկանա անդրադառնալ այն փաստին, թե ինչու չեմ հրավիրվել հավաքական: Ուղղակի տեսնելով գլխավոր մարզչի հարցազրույցները՝ չեմ կարող մի քանի բառով չարտահայտել իմ կարծիքը: Սպասում էի, որ կհրավիրվեմ հավաքական, քանի որ, կարծում եմ, գտնվում եմ լավ մարզավիճակում: Եվ շատ լավ էր, որ մարզիչը նշեց՝ ինչու չեմ ստացել հրավեր, քանի որ թե՛ ինձ, թե՛ շատ մարդկանց հետաքրքրում էր այդ հարցը:

Կարծում եմ՝ պատասխանը ոչ պրոֆեսիոնալ էր, որովհետև չկա մի ֆուտբոլիստ, ով ապահովագրված է դեղին քարտ ստանալուց ու կարող է մտնել խաղադաշտ և ասել, որ չի ստանալու դեղին քարտ: Նաև, կարծում եմ, դեղինը դեռ կարմիր քարտ չէ․․․ Ես 8 հանդիպում եմ անցկացրել եվրոպական այս մրցաշրջանում և ստացել ընդամենը 2 դեղին քարտ, որից առաջինում խափանել եմ մրցակցի վտանգավոր հակագրոհը և թույլ չեմ տվել, որ հարված հետևի մեր դարպասին, իսկ մյուս խաղում գնդակը պատահաբար դիպչել է ձեռքիս։ Դրանցից ոչ մեկն էլ չի եղել էմոցիաների ազդեցության տակ: Ես չեմ պատրաստվում հրաժարվել իմ խաղային որակներից և չեմ կարծում, թե դա խնդիր է, որը պետք է ուղղել:

Թույլ չեմ տա, որ, սխալ տեսակետ տարածելով և մարդկանց շրջանում այդպիսի կարծիքներ ձևավորելով, այդ ամենը դարձնեն պատճառ ու հետք թողնեն իմ խաղային որակների վրա: Մարդիկ երևի մոռանում են, որ ես արդեն 18 տարեկան չեմ և բավական փորձ եմ կուտակել՝ թե՛ խաղալով Հայաստանի առաջնությունում, թե՛ 3 տարի հանդես գալով Ուկրաինայում և ազգային հավաքականում: Թող նշեն 3-4 տարում մի դեպք, երբ ես դեղին քարտով զգուշացվելուց հետո ևս մեկն եմ ստացել ու հեռացվել խաղադաշտից․․․

Ես միշտ պատրաստ եմ մեծ սիրով ու նվիրումով խաղալու հավաքականում, բայց, ինչպես հասկացա, պետք է դեղին քարտը հանել ֆուտբոլից, որ կրկին հրավեր ստանամ ընտրանուց: Տղաներին էլ մաղթում եմ հաղթանակ առաջիկա մրցավեճում»,- ասել է Մալաքյանը:

Հավելենք, որ 25-ամյա ֆուտբոլիստն Ազգերի լիգայի գավաթի խաղարկության՝ նախորդ տարի կայացած 6 հանդիպումներից մասնակցել է 4-ին՝ 3 դեպքում լինելով մեկնարկային կազմում: Նա ընտրանու մարզաշապիկով վերջին անգամ խաղադաշտ է դուրս եկել Ջիբրալթարի հավաքականի հետ արտագնա մրցավեճում՝ փոխարինման մտնելով ընդմիջումից հետո: ԵՎՐՈ2020-ի ընտրական փուլի հանդիպումների համար առայժմ չի հրավիրվել ազգային թիմ:

Արժանի 5 ֆուտբոլիստ, որ չի հրավիրվել Հայաստանի ազգային հավաքական

Հետևե՛ք VNews.am-ին նաև Youtube-ում և Instagram-ում:


Ինտրիգներով լի արարատյան դերբին՝ չեմպիոնի և առաջատարի միջև․ Ամենաուշագրավ փաստերը՝ ԲԽ-ի 7-րդ տուրին ընդառաջ

«Եղբա՛յր, բում նորամուտ էր»․ Յուրա Մովսիսյանը շնորհավորել է Հենրիխ Մխիթարյանին

Բարձրագույն խմբի 6-րդ տուրի խորհրդանշական հավաքականը և լավագույն ֆուտբոլիստը

«Արարատն» անորսալի է, «Գանձասար-Կապանն» էլ չի գտնում «Շիրակին» հաղթելու բանաձևը

Իլշատ Ֆայզուլին․ «Բացառությամբ «Նոայի» հետ խաղի՝ մենք մյուս հանդիպումներում խաղացել ենք այս մակարդակի վրա» (տեսանյութ)

Վարդան Մինասյան․ «Երկրորդ կեսում ստեղծած պահերի քանակը բավարար կլիներ 4-5 խաղի համար» (տեսանյութ)

«Ալաշկերտը» ջախջախեց «Փյունիկին», չեմպիոնը առաջին միավորները կորցրեց (տեսանյութ)

«Ուրարտու» – «Արարատ-Արմենիա». Մեկնարկային կազմեր, ուղիղ եթեր

Կարող է կայանալ Արաս Օզբիլիսի նորամուտը․ Ամենաուշագրավ փաստերը՝ ԲԽ-ի 6-րդ տուրին ընդառաջ

Որ երբեք չմոռացվի… Հայաստանի հավաքականի խելացնոր խաղերը Իտալիայի և Բոսնիայի դեմ (ֆոտոպատմություն)

Ֆինլանդիա – Հայաստանի խաղի տոմսերի վաճառքը սկսված է

ՈւԵՖԱ-ն ցույց է տվել Հենրիխ Մխիթարյանի գոլը Բոսնիայի դարպասը բոլոր անկյուններից (տեսանյութ)

ԵՎՐՈ 2020-ի նախընտրական փուլը հատեց հասարակածը. ի՞նչ պատկեր ստացվեց խմբերում

Մխիթարյանը, Համբարձումյանը և Ռոնալդուն՝ ԵՎՐՈ2020-ի 6-րդ տուրի խորհրդանշական հավաքականում

«Արարատ-Արմենիայի» պաշտպանը նորամուտն է նշել Բուլղարիայի հավաքականում

Ինչ էր կատարվում Հայաստանի հավաքականի հանդերձարանում բոսնիացիների նկատմամբ հաղթանակից հետո (տեսանյութ)