Կամո Հովհաննիսյանը՝ Իտալիայի հետ խաղում իր արագացումների ու առաջիկա հանդիպման մասին (տեսանյութ) - VNews
Բաժիններ

Կամո Հովհաննիսյանը՝ Իտալիայի հետ խաղում իր արագացումների ու առաջիկա հանդիպման մասին (տեսանյութ)

Խաղի մանրամասները

Եվրոպա, ՈւԵՖԱ Եվրոպայի առաջնություն, Որակավորում 6 տուր

08 Սեպտեմբեր 2019 - 17:00

4

Հայաստան

2

Բոսնիա և Հերցեգովինա

1 - 0 Հենրիխ Մխիթարյան - 3`

1 - 1 Էդին Դզեկո - 13`

2 - 1 Հենրիխ Մխիթարյան - 66`

2 - 2 Ամեր Գոյակ - 70`

3 - 2 Հովհաննես Համբարձումյան - 77`

4 - 2 Stjepan Loncar (ինքնագոլ) - 95`

Հայաստանի հավաքականի պաշտպան Կամո Հովհաննիսյանը ԵՎՐՈ2020-ի ընտրական փուլում Բոսնիա և Հերցեգովինայի ընտրանու հետ կայանալիք հանդիպումից առաջ պատասխանել է լրագրողների հարցերին:

Բոսնիացիների հետ առաջին հանդիպումից հետո կարծիք հայտնեցիք, որ կար հավատի պակաս: Հիմա այդ առումով ի՞նչ իրավիճակ է:

-Դրանից հետո ունեցանք հաջող խաղեր, որոնք օգնեցին հավատալու, որ կարող ենք հաղթանակներ տոնել: Համախմբվեցինք, կատարեցինք մեծ աշխատանք, և եղան արդյունքներ: Իտալացիների հետ մրցավեճում էլ, ճիշտ է, պարտվեցինք, բայց թիմը լավ աշխատանք տարավ: Շանսերը գնահատում եմ 50-50:

Իտալիայի հավաքականի հետ հանդիպմանը շատ արագացումներ ու անցումներ ձեռնարկեցիք: Ֆիզիկապես ինչպե՞ս եք զգում և հասցրե՞լ եք վերականգնվել:

-Իմ մասին կարող եմ ասել, որ ես ինձ շատ լավ եմ զգում: Հանդիպումը ցույց կտա, թե թիմն ինչպես է վերականգնվել:

Ի՞նչը կարող է մեր հաղթաթուղթը լինել Բոսնիա և Հերցեգովինայի հավաքականի հետ խաղում:

-Մեր հավաքականը Իսպանիան կամ Բրազիլիան չէ, որ կարողանա «կլասի» հաշվին հաղթել ցանկացածին: Մենք պետք է դա փոխարինենք այլ հատկանիշներով: Մեր դեպքում հավատն ավելի մեծ դերակատարություն ունի, քան այդ «կլասը»: Աշխատանքը, նվիրվածությունը, այն, որ ամբողջ թիմը մեկ նպատակի համար է խաղում, օգնում մեկմեկու, կտա իր արդյունքը:

Հավաքականը շատ էմոցիաներ ծախսեց Իտալիայի ընտրանու հետ խաղում: Այդ առումով կհասցնե՞ք վերականգնվել, որպեսզի նոր եռանդով պայքարեք հաղթանակի համար:

-Թիմում հիմա շատ լավ մթնոլորտ է: Ոչ ոք գլուխը չի կախել նրա համար, որ պարտվել ենք Իտալիայի հավաքականին․ այդպիսի մտքեր չկան: Բոլորը հասկանում են, որ առջևում ունենք երկրորդ հանդիպում, և պրոֆեսիոնալ մոտեցումով պատրաստվում են գալիք հանդիպմանը:

Ռոբերտո Մանչինին մրցավեճից հետո կարծիք էր հայտնել, որ Ձեր արագացումները տպավորիչ էին, բայց գրոհների վերջնամասում սպառնալիք չէին ստեղծում, բացառությամբ մեկ դրվագի, երբ հարվածային դիրքում հայտնվեց Մխիթարյանը: Ի՞նչն էր պակասում ավելի լավ փոխանցում կատարելու կամ գրոհն անձամբ եզրափակելու համար:

-Չգիտեմ՝ ինչն էր խանգարում, երևի խանգարում էին մրցակիցները: Թիմը մեծ աշխատանք է կատարել, 1-2 ֆուտբոլիստով գրոհելն Իտալիայի հավաքականի դեմ, որն ավելի թարմ էր, հեշտ չէր: Իտալացիները հասցնում էին նահանջել, այնպես չէ, որ նայում էին հեռվից, ասում՝ լավ, գնա (ծիծաղում է՝ խմբ․): Անցումներից մեկը լավ ստացվեց, բայց պաշտպանը փակեց Մխիթարյանի հարվածի ճանապարհը։ Երկրորդ դրվագում էլ չնկատեցի աջից միացող Գևորգ Ղազարյանին, այլապես փոխանցում կկատարեի:

Տեսնում ենք, որ Ձեր ձեռքին վիրակապ կա: Կա՞ որևէ խնդիր:

-Թեթև վնասվածք է: Խաղին մասնակցելուն չի խանգարի:

Հարմարվե՞լ եք ձախ պաշտպանի դիրքին:

-Արդեն հարմարվել եմ: Թե՛ ակումբում, թե՛ հավաքականում, թե տարբեր տարիքային թիմերում ևս խաղացել եմ այդ դիրքում: Ինձ անընդհատ օգտագործել են աջ ու ձախ եզրերից, և հիմա լիարժեք հարմարվել եմ այդ դիրքին: Ընդհանուր առմամբ, ձախ ու աջ պաշտպանների գործառույթները նույնն են: Տարբերությունը միայն այն է, որ փոխվում է աշխատող ոտքը:

Արմեն Գյուլբուդաղյանց․ «Ճնշման տակ լինելը մեր աշխատանքի մի մասն է, ես ունեմ պատասխանատվության զգացում» (տեսանյութ)

Հայաստանի հավաքականի վերջին նորությունները

Միացի՛ր հայկական ամենասպորտային Instagram-ին:


Խոակին Կապառոս.«Կցանկանայի, որպեսզի մեր թիմերում ավելի շատ հայ ֆուտբոլիստներ խաղային»

Վարազդատ Հարոյանը շուտով խաղադաշտ վերադառնալու հույս է հայտնել

Կարապետյան․ «Յուրգեն Կլոպը Հայաստանի հավաքականի համար իդեալական մարզիչ կլիներ»

Արմեն Շահգելդյանը՝ Հայաստան – Մակեդոնիա 1995թ․ կայացած խաղի մասին (տեսանյութ)

Մխիթարյան․ «Համաձայն չեմ, թե մենք թույլ ենք թիմային մարզաձևերից»

«Արշակ Կորյանը ընդունել է Հայաստանի հավաքականի հրավերը, Բայրամյանը մտածելու ժամանակ է խնդրել». Նոբել Առուստամյան

Bleacher Report-ը տեսանյութ է ներկայացրել, որտեղ Սարկիսովը գրավում է Յուրչենկոյի դարպասը (տեսանյութ)

Բալեկյանը մինչ օրս սխալ է օգտագործվել հավաքականում․ Որոնք են Նորբերտոյի լավագույն խաղային որակները

Սողոմոնյան. «Ուժեղ լեգեոներներ այլևս շատ չեն լինի, հույս ենք դնելու մեր երիտասարդ ֆուտբոլիստների վրա»

Կապառոս. «Իմ նպատակը Հայաստանի հավաքականին մինչև Քաթար հասցնելն է»

Հենրիխ Մխիթարյանն ուղիղ եթերում կապ կհաստատի Հայաստանի տարբեր գյուղերի երիտասարդների հետ

Կարապետյանը՝ Բոնուչիի հետ զրույցի, Մխիթարյանին «Սոչի» բերելու ու իր նոր պայմանագրի մասին

Էրիկ Վարդանյանն ասել է՝ երբ կկարողանա վերադառնալ նորմալ մարզումներին

Հայաստանի հավաքականի 2 նախկին ֆուտբոլիստ տեղ է գտել «Զենիթի» ներկայացրած խորհրդանշական հավաքականում

Հարոյանն ասել է՝ որն է մրցաշրջանը շարունակելու ամենահարմար ժամանակահատվածը

Վարազդատ Հարոյանն ասել է՝ ով է պաշտպաններից իր համար օրինակ հանդիսացել