fbpx
Բաժիններ

Վարազդատ Հարոյան․ «Ուրախ ենք, որ հաղթեցինք, բայց դեռ երկար ճանապարհ ունենք անցնելու»

Հայաստանի ազգային հավաքականի պաշտպան Վարազդատ Հարոյանը 2020թ․ Եվրոպայի առաջնության ընտրական փուլում Բոսնիա և Հերցեգովինայի ընտրանու նկատմամբ տոնած հաղթանակից հետո (4-2) պատասխանել է լրագրողների հարցերին․

-Բարձր տրամադրություն է, շատ լավ տպավորություններ են: Ուրախ ենք, որ կարողացանք երջանկացնել մեր երկրպագուներին: Կարողացանք հաղթել, բայց դեռ երկար ճանապարհ ունենք անցնելու:

Ֆուտբոլիստներն ու գլխավոր մարզիչն անընդհատ նշում են, որ թիմի նպատակն ամեն հաջորդ խաղին նախապատրաստվելն է: Այս հաղթանակից հետո արդեն նշմարվո՞ւմ է այն, որ պայքարելու եք եզրափակիչ փուլ դուրս գալու համար:

-Դեռ շուտ է այդ մասին խոսելու համար, առջևում 4 հանդիպում ունենք: Ինձ թվում է՝ հոկտեմբերին կայանալիք խաղերն ամենաորոշիչն են լինելու:

Ձեր կարծիքով՝ ինչի՞ հաշվին հաջողվեց այսօր հաղթանակ տոնել:

-Չեմ կարող ասել, որ կոնկրետ ինչ-որ բանի հաշվին հաղթեցինք: 2 թիմն էլ շատ լավ ֆուտբոլ էր խաղում, մենք մեր պահերը կարողացանք օգտագործել ու ճիշտ ֆուտբոլ խաղացինք, ինչի շնորհիվ էլ հաղթեցինք: Չեմ կարող ասել, թե մրցակիցը վատ խաղաց կամ վատ թիմ էր: Ուղղակի այսօր ուժեղ էինք, ավելի լավ էինք տրամադրված մեր ազգի, երկրպագուների համար, և ստացվեց:

Առաջին 2 գոլերի դեպքում հաջողության հասնելուց անմիջապես հետո գոլեր էինք բաց թողնում: Ի՞նչն էր պատճառը:

-Չեմ կարող ասել: Մի բան կա, որ բոլոր գոլերը նույն եզրից փոխանցումներից հետո ընդունեցինք: Պետք է որոշել՝ ինչ ձևով պաշտպանվել, բայց ամբողջ աշխարհում էլ եզրային փոխանցումներն ամենավտանգավորն են, գոլերը հիմնականում այդպես են ծնվում: Առհասարակ, հոգեբանություն է․ բոլոր բարձրակարգ թիմերն էլ, երբ գոլ են խփում, մի քիչ ներքև են իջնում և գոլ բաց թողնելու վտանգի առջև կանգնում: Եթե կարողանում ես դիմադրել ու թիմն արդեն բարձրանում է վերև, ամեն ինչ լավ է լինում: 2 գոլ բաց թողեցինք, բայց փոխարենը 4-ը խփեցինք:

Նախորդ մրցավեճում կենտրոնական պաշտպանի դիրքում խաղացիք Անդրե Չալըշըրի հետ, իսկ այս հանդիպմանը՝ Հայկ Իշխանյանի: Ո՞ւմ հետ էր ավելի հարմար:

-Ասել եմ ու էլի կասեմ՝ եթե հավաքական են հրավիրվում, ուրեմն՝ բարձրակարգ ֆուտբոլիստներ են: Բոլորի հետ էլ իմ համագործակցությունը ստացվում է, բոլորի հետ էլ խաղում եմ: Ճիշտ է, Անդրեի հետ քիչ եմ խաղացել, բայց ամեն ինչ դեռ առջևում է։

Գևորգ Ղազարյանը Լիխտենշտեյնի ու Հունաստանի հավաքականների նկատմամբ հաղթանակներից հետո կարծիք էր հայտնել, որ հաջողության գրավականներից մեկն արտերկրում հանդես եկող ֆուտբոլիստների՝ ընտրանի լավ մարզավիճակով ժամանելն էր: Կարելի՞ է ասել, որ հիմա էլ կա այդ գործոնը, որովհետև բոլորդ ձեր ակումբներում ունեք խաղային պրակտիկա:

-Թիմերում խաղալը մեկ բան է, թիմերում լավ հանդես գալը՝ մեկ այլ բան: Ես հետևում եմ բոլորին, բայց չեմ կարող բոլորի խաղերը նայել: Լավ է, որ խաղում են, բայց հավաքականում ուրիշ ձև ես տրամադրվում հանդիպումներին՝ քո ստադիոնում, քո երկրում, քո երկրպագուների ներկայությամբ: Բոլորս էլ այստեղ գալիս ենք ամենաբարձր տրամադրությամբ ու փորձում մեզ ցույց տալ ամենաբարձր մակարդակով:

Արամ Հայրապետյան. «Շատ քննադատներ կան. պարզապես ցանկանում ենք, որ բոլորը մեզ հավատան» (տեսանյութ)

Կատարե՛ք խաղադրույք Հայաստանի հավաքականի խաղի վրա:

Հետևե՛ք VNews.am-ին նաև Youtube-ում և Instagram-ում:


«Միշտ պայքարելու ենք, չնայած ամեն ինչի». Գևորգ Ղազարյան

Հայաստանի հավաքականի հավանական մեկնարկային կազմը Ֆինալդիայի դեմ խաղում՝ ըստ VNews-ի

ՀՖՖ-ն՝ ֆիններին. «Համոզված ենք, որ այսօր ստադիոնում թեժ է լինելու, ինչպես ձեր շոգեբաղնիքներում»

Հայաստանի հավաքականի հայտացուցակը Ֆինլանդիայի դեմ հանդիպման համար

Ցրտաշունչ եղանակ, թեժ դիմակայություն. Հայաստանի հավաքականը նախապատրաստվում է Ֆինլանդիայի հետ խաղին (տեսանյութ)

Վերջին շանսի հետևից. Հայաստանի հավաքականի մարզումը Ֆինլանդիայում (ֆոտոշարք)

Ուղիղ. Արմեն Գյուլբուդաղյանցի և Տիգրան Բարսեղյանի մամուլի ասուլիսը (տեսանյութ)

Ցրտաշունչ Տուրկու քաղաքի «Վերիտաս» մարզադաշտը, որտեղ խաղալու են Ֆինլանդիան ու Հայաստանը (ֆոտոշարք)

ԵՎՐՈ 2020. Որ թիմերն են արդեն որակավորվել և որոնք են ուղեգրի հույս պահպանում

«Եղանակն այնպիսին է, ինչպես Վադուցո՞ւմ». Ֆինլանդիայի թվիթերի «խայթող» պատասխանը՝ Հայաստանի հավաքականին

Գերմանիան 10 հոգով հաղթեց Էստոնիային, որի կազմում կար հայկական ակումբների 2 ֆուտբոլիստ (տեսանյութ)

Հայաստանի հավաքականի մեկնումը Լիխտենշտեյնից և ժամանումը Ֆինլանդիա (տեսանյութ)

Հայաստանի հավաքականը ժամանեց Ֆինլանդիա․ VNews-ի ֆոտոշարքը

Ռուսաստանի հավաքականը ձեռք բերեց Եվրոյի եզրափակիչ փուլի ուղեգիր, հոլանդացիները հաղթանակ տոնեցին (տեսանյութ)

Մանչինի․ «Բուֆոնին և Դե Ռոսիին ուզում եմ հրավիրել հավաքական»

Ժորժինյոյի շքեղ գոլը Բելառուս – Հոլանդիա խաղում (տեսանյութ)