Նիկոլ Փաշինյանը շնորհավորել է Հայաստանի հավաքականի հաղթանակի կապակցությամբ

ՀՀ վարչապետ Նիկոլ Փաշինյանը շնորհավորել է հայ ժողովրդին ֆուտբոլի Հայաստանի ազգային հավաքականի այսօրվա հաղթանակի կապակցությամբ: Այս մասին տեղեկանում ենք վարչապետի ֆեյսբուքյան էջից:

Հիշեցնենք, որ Արմեն Գյուլբուդաղյանցի գլխավորած թիմը 2020թ․ Եվրոպայի առաջնության ընտրական փուլում սեփական հարկի տակ 4-2 հաշվով առավելության է հասել Բոսնիա և Հերցեգովինայի հավաքականի նկատմամբ:

Մեր ազգային թիմն ընտրական խմբում վաստակած միավորների քանակը հասցրել է 9-ի՝ անցկացրած 6 մրցավեճում տոնելով 3 հաղթանակ ու կրելով նույնքան պարտություն:

Հաղթանակ, որն ալեկոծեց բոլորիս հոգիները․ VNews-ի ֆոտոշարքը Հայաստան – Բոսնիա և Հերցեգովինա հանդիպումից

Միացի՛ր հայկական ամենասպորտային Instagram-ին: