Էդեն Ազար․ «Գոհ եմ աշխարհի լավագույն ստադիոնում իմ նորամուտից»

Հարձակողական ոճի կիսապաշտպան Էդեն Ազարը հայտնել է Մադրիդի «Ռեալի» կազմում պաշտոնական խաղերում իր նորամուտից ստացած տպավորությունների մասին: Բելգիացու դեբյուտը տեղի է ունեցել Լա լիգայի 4-րդ տուրում «Լևանտեի» հետ կայացած մրցավեճում (3-2):

«Ես շատ ուրախ եմ, որ կարող եմ դուրս գալ խաղադաշտ և հաղթել: Դժվար է վնասվածքից հետո խաղադաշտ վերադառնալը, բայց գլխավորն այն է, որ թիմը հաղթում է: Շատ ուրախ եմ հաղթանակի և նորամուտի կապակցությամբ:

Այն պահից սկսած, ինչ պայմանագիր ստորագրեցի, ցանկանում էի խաղալ այս զարմանահրաշ ստադիոնում: Երկրպագուներն աջակցեցին ինձ ու վայելեցին պահը:

Ես ցանկանում եմ թիմակիցներիս հետ միասին հաճույք ստանալ ֆուտբոլից և շատ խաղալ: Գոհ եմ աշխարհի լավագույն ստադիոնում իմ նորամուտից»,- Բելգիայի հավաքականի ֆուտբոլիստի խոսքերը մեջբերում է AS-ը:

Կուրտուա. «Ես բարկացա Ազարի վրա»

Միացի՛ր հայկական ամենասպորտային Instagram-ին: