fbpx
Բաժիններ

Խաղերի մեծամասնությունը կայանալու է Երևանից դուրս․ Ամենաուշագրավ փաստերը՝ ԲԽ-ի 8-րդ տուրին ընդառաջ

«ԱԼԱՇԿԵՐՏ» – «ԳԱՆՁԱՍԱՐ-ԿԱՊԱՆ» 

21 սեպտեմբերի, ժ.16:00, Երևան, «Նաիրի» մարզադաշտ

28 խաղ, «Ալաշկերտը» հաղթել է 15 անգամ, «Գանձասար-Կապանը»՝ 8, գրանցվել է 5 ոչ-ոքի, խփած և բաց թողած գոլերի հարաբերակցությունը՝ 41-35

«Ալաշկերտ»՝ 5-րդ տեղ (10 միավոր), «Գանձասար-Կապան»՝ 8րդ տեղ (4 միավոր):

Հետաքրքիր 5 փաստ՝ հանդիպմանն ընդառաջ

1․ Արմեն Ադամյանը շատ հաջող է կատարում «Ալաշկերտի» գլխավոր մարզչի պարտականությունները: Նրա գլխավորությամբ անցկացրած 2 խաղերում էլ ալաշկերտցիները խոշոր հաշվով հաղթանակներ տոնեցին («Փյունիկ»՝ 3-0, «Երևան»՝ 5-1)՝ խփելով 8 գոլ: Մինչդեռ մեկնարկային 4 հանդիպումներում «Ալաշկերտն» Աբրահամ Խաշմանյանի օրոք ընդամենը մեկ հաղթանակ էր տոնել ու 5 գոլ էր խփել:

2․ Իսկ ահա «Գանձասար-Կապանին» ոչ մի կերպ չի հաջողվում առաջնությունում առաջին հաղթանակը տոնել: Այդ առումով մինչ այդ գանձասարցիները վատագույն արդյունքը ցույց էին տվել նախորդ առաջնության մեկնարկում՝ 6 խաղ ընթանալով առանց հաղթանակի: Վերջին հաղթանակն առաջնությունում «Գանձասար-Կապանը» տոնել է մայիսի 30-ին՝ հյուրընկալվելիս 7-1 հաշվով ջախջախելով «Արարատին»:

3․ Նախորդ մրցաշրջանում «Ալաշկերտը» բացահայտ առավելության էր հասել «Գանձասար-Կապանի» նկատմամբ՝ պարտության մատնելով առաջնության բոլոր 4 հանդիպումներում էլ: ՀՀ առաջնություններում մրցակիցների միջև կայացած վերջին 6 հանդիպումներն էլ ավարտվել են «Ալաշկերտի» հաղթանակով: «Ալաշկերտն» այդ խաղերում 14 գոլ է խփել, սեփական դարպասն ընդունել է ընդամենը 2 գնդակ: Ընդ որում առաջին 4 խաղերում կապանցիներին չի հաջողվել գրավել ալաշկերտցիների դարպասը:

Իսկ մինչ այդ կայացած առաջնության նախորդ 4 հանդիպումներում առավելությունը «Գանձասար-Կապանի» կողմն էր, որը տոնել էր 3 հաղթանակ, մեկ խաղ ավարտել էր ոչ-ոքի: Վերջին հաղթանակն «Ալաշկերտի» նկատմամբ գանձասարցիները տոնել են անցյալ տարվա ապրիլի 1-ին հյուրընկալվելիս Ալեքս Քրիստիան Ջունիորի խփած միակ գոլի շնորհիվ:

4․ «Ալաշկերտի» կազմում ընթացիկ առաջնությունում արդյունավետ խաղ է ցուցադրում Գուստավո Մարմենտինին, որն արդեն 4 գոլի հեղինակ է դարձել: Նա 6 գնդակով «Ալաշկերտի» ամենաարդյունավետ լեգեոնականների եռյակում է Ուրոշ Նենադովիչից (18 գոլ) և Հեբեր Արաուխոյից (16) հետո: Իսկ ահա «Գանձասար-Կապանի» կազմում նույնիսկ 2 գոլ խփած ֆուտբոլիստ չկա:

5․ Հանդիպմանը մասնակցելու դեպքում «Ալաշկերտի» պաշտպան Գագիկ Դաղբաշյանը Բարձրագույն խմբում հոբելյանական՝ 250-րդ խաղը կանցկացնի: «Ալաշկերտի» ֆուտբոլիստներից ՀՀ առաջնություններում ավելի շատ խաղերի է մասնակցել միայն Արտակ Գրիգորյանը՝ 274:

Դիմակայության լավագույն ռմբարկուները՝

«Ալաշկերտ»՝ Միհրան Մանասյան՝ 7 գոլ:

«Գանձասար-Կապան»՝ Գեղամ Հարությունյան՝ 6 գոլ:

Հետևե՛ք VNews.am-ին նաև Youtube-ում և Instagram-ում:

1 2 3 4 5

Պաշտոնական. Երևանի «Արարատն» արտասահմանցի գլխավոր մարզիչ ունի

«Փյունիկն» ընկերական խաղում պարտվեց Մոսկվայի «Դինամոյին»

Օզբիլիս. «Հավաքականում միշտ լավ եմ զգում, իսկ ակումբային մակարդակով վերջին անգամ ֆուտբոլից հաճույք եմ ստացել «Սպարտակում»

«Գանձասար-Կապանը» ոչ-ոքի է խաղացել Հայաստանի պատանեկան հավաքականի հետ (տեսանյութ)

«Փյունիկը» ընկերական հանդիպում կանցկացնի ռուսական Պրեմիեր լիգան ներկայացնող ակումբի հետ

Բարձրագույն խմբի 10-րդ տուրի խորհրդանշական հավաքականը և լավագույն ֆուտբոլիստը

«Արարատն» արդեն ունի այնքան միավոր, ինչքան վաստակել էր նախորդ ամբողջ առաջնությունում

Վադիմ Բորեց․ «Մենք էլ հույս ունենք, որ հնարավոր կլինի կայունության հասնել»

Աշոտ Բարսեղյան․ «Մենք այս ֆուտբոլիստներով չենք կարող շատ բարձր արդյունքներ գրանցել»

Հայկական ակումբների 8 լեգեոներներ հրավիրվել են իրենց երկրների ազգային հավաքականներ

«Նոան» 10 հոգով հաղթեց «Գանձասար-Կապանին» (տեսանյութ)

«Նոա» – «Գանձասար-Կապան». Մեկնարկային կազմեր, ուղիղ հեռարձակում (տեսանյութ)

Դաժան պայքար, խաղաղ ելք․ VNews-ի ֆոտոշարքն «Ուրարտու» – «Շիրակ» հանդիպումից

Իլշատ Ֆայզուլին․ «Սա ամենացավալի միավորն է, որ վաստակել ենք այստեղ»

Վարդան Բիչախչյան․ «Մենք ավելի մոտ էինք հաղթանակին»

Դավիդ Կամպանյա․ «Ցույց տվեցինք՝ ավելի լավ թիմ ենք, քան «Փյունիկը»