Վարդան Մինասյան․ «Գոռ Մալաքյանը հիմա երևի լավագույն մարզավիճակում է այն պահից, ինչ աշխատում եմ նրա հետ» - VNews
Բաժիններ

Վարդան Մինասյան․ «Գոռ Մալաքյանը հիմա երևի լավագույն մարզավիճակում է այն պահից, ինչ աշխատում եմ նրա հետ»

«Արարատ-Արմենիայի» գլխավոր մարզիչ Վարդան Մինասյանը Բարձրագույն խմբի առաջնության 10-րդ տուրում «Ալաշկերտի» նկատմամբ հաղթանակից հետո (2-0) հայտնել է խաղից իր տպավորությունների մասին ու պատասխանել լրագրողների հարցերին․

-Այս հանդիպումը «Փյունիկի» հետ մրցավեճի նման ստացվեց, այն առումով, որ 2 հավասար թիմերի խաղ էր: Ուղղակի մենք երևի ավելի արդյունավետ էինք: «Ալաշկերտը» 0-1 հաշվով պարտվելիս պահ ուներ․ եթե գոլ խփեր, ճիշտն ասած, չեմ կարող ասել՝ մրցավեճն ինչպես կվերջանար: Համենայն դեպս, մեր բախտն այդ պահին ինչ-որ տեղ բերեց: Երևի արժանի էինք հաղթանակին:

Սա ընթացիկ առաջնության 2-րդ հանդիպումն էր, որ «Արարատ-Արմենիան» դարպասն անառիկ պահեց: Այդուհանդերձ, պաշտպանությունում կրկին խնդիրներ նկատվեցին: Ինչի՞ հետ եք դա կապում և ինչպե՞ս կարելի է լուծել այդ խնդիրները:

-Նախ, չկա այնպիսի թիմ, որ այնքան իդեալական խաղա, որ գոլ բաց չթողնի: Բացի այդ, ես հանդիպումից առաջ էլ էի թիմին ասել, որ մրցակիցն ունի անհատական լավ որակներով ֆուտբոլիստներ, որոնք ցանկացած պահի կարող են հարց լուծել: Այնպես որ, դա մի քիչ էլ մրցակցի գործոնն է: Բայց մենք փորձում էինք ամեն ինչ անել, որ նվազագույնի հասցնեինք նրանց՝ պահեր ունենալու հնարավորությունները: Նորից կրկնեմ՝ «Ալաշկերտը» լավ մրցակից է:

Ինչի՞ հետ էր կապված Ֆուրջել Նարսինգի բացակայությունը:

-Նա մկանային մի քիչ խնդիրներ ունի, և ռիսկի չենք դիմում: Հույս ունեմ՝ Նարսինգը հոկտեմբերի 21-ին կայանալիք խաղին արդեն կազմ ու պատրաստ կլինի:

Ի՞նչ կասեք Զաքարիա Սանոգոյի խաղի մասին: Մի քանի տուր առաջ նշում էիք, որ նա կարծես դեռ լիովին չի հասկացել իր առջև դրված պահանջները: Նա հիմա այդ առումով ի՞նչ կարգավիճակում է:

-Նա շատ մեծ պոտենցիալ ունի: Այնքան չհասկանալու խնդիրը չէ, որքան առաջնությանը հարմարվելու խնդիր կա նրա դեպքում: Դիտարկելով այն, ինչ հիմա ցույց է տալիս՝ կարող եմ ասել, որ շատ տեղ ունի ավելացնելու՝ հաշվի առնելով նաև նրա տարիքը։ Մենք ավելին ենք սպասում Սանոգոյից, բայց այդ ամենը՝ քայլ առ քայլ, ու նրան շատ ճնշման տակ չենք դնում:

Բավականին երկար ժամանակ է՝ աշխատում եք Գոռ Մալաքյանի հետ: Ըստ Ձեզ՝ նա հիմա այդ հատվածի ընթացքում իր լավագույն մարզավիճակո՞ւմ է:

-Երևի՝ այո: Հետո՝ տարիքն էլ պետք է հաշվի առնել, որովհետև ֆուտբոլիստները մեծանում են, սկսում են ավելի կայանալ, հասկանալ, որ ֆուտբոլը, այսպես ասած, ուրախ խաղ չէ, այն աշխատանք է, որը պետք է կատարել: Նրա դեպքում ամենամեծ խնդիրը կապված էր հենց այդ ամենն ըմբռնելու հետ: Գոռը լավ որակներ ունի: Բայց կարող եմ ասել նաև, որ դեռ ավելացնելու տեղ ունի:

Արմեն Ադամյան․ «Արարատ-Արմենիան» մեզ գերազանցեց միայն գոլային պահերի ավելի լավ իրացմամբ»

Միացի՛ր հայկական ամենասպորտային Instagram-ին:


Պաշտոնական․ Աբրահամ Խաշմանյանը համալրել է «Լոռիի» ղեկավար կազմը

Ինչպես են փոխվել չեմպիոնության գործակիցները կայացած 2 տուրից հետո

Պաշտոնական․ Արմեն Սանամյանը՝ «Լոռիի» գլխավոր մարզչի պաշտոնակատար

Բարձրագույն խմբի 19-րդ տուրի լավագույն 3 գոլերը (տեսանյութ)

«Արարատ-Արմենիան» կփորձի վրեժխնդիր լինել «Լոռիից», «Ալաշկերտը»՝ «Նոայից»․ Ամենաուշագրավ փաստերը՝ ԲԽ-ի 20-րդ տուրին ընդառաջ

Մելիքսեթյանը՝ ամենափորձառու դարպասապահների, Դեդեչկոն՝ 100 ամենաարդյունավետ լեգեոնականների ցանկում

Արսեն Պետրոսյան․ «Բոլոր օղակներում պետք է բարելավվենք, որպեսզի «Նոայի» դեմ խաղին ավելի պատրաստ ներկայանանք» (տեսանյութ)

Պայքար ավելի շատ պատվի, քան 3 միավորի համար․ VNews-ի ֆոտոշարքն «Ուրարտու» – «Գանձասար-Կապան» խաղից

Հակոբ Հակոբյանի գոլը միակն ու հաղթականն էր «Ուրարտու» – «Գանձասար-Կապան» խաղում (տեսանյութ)

«Ուրարտու» – «Գանձասար-Կապան»․ Մեկնարկային կազմեր, ուղիղ հեռարձակում (տեսանյութ)

Բարձրագույն խմբի առաջնության 22-ից 24-րդ տուրերի խաղացանկը

Արմեն Ադամյան․ «Երկրորդ կեսում խնդիրներ ունենալը կապում եմ խաղային հունի մեջ դեռ չմտնելու հետ» (տեսանյութ)

«Փյունիկը» հաստատեց՝ Միրանյանը հեռանում է

«Ալաշկերտը» հաղթեց «Արարատին» և բարձրացավ 2-րդ հորիզոնական (տեսանյութ)

«Ալաշկերտ» – «Արարատ»․ Մեկնարկային կազմեր, ուղիղ հեռարձակում (տեսանյութ)

Վադիմ Բորեց․ «Թիմը ցույց տվեց, որ բնավորություն ունի» (տեսանյութ)