Վարդան Բիչախչյան․ «Մենք ավելի մոտ էինք հաղթանակին» - VNews
Բաժիններ

Վարդան Բիչախչյան․ «Մենք ավելի մոտ էինք հաղթանակին»

«Շիրակի» գլխավոր մարզիչ Վարդան Բիչախչյանը Բարձրագույն խմբի առաջնության 10-րդ տուրում «Ուրարտուի» հետ ոչ-ոքիով ավարտված հանդիպումից հետո (2-2) հայտնել է խաղից իր տպավորությունների մասին ու պատասխանել լրագրողների հարցերին․

-Ինչպես տեսաք, խաղին լուրջ կորուստներով էինք մոտեցել: Փառք ու պատիվ տղաներին, կարողացան մեծ նվիրում դրսևորել ու գերազանց հանդիպում անցկացնել: Կարող եմ ասել, որ մոտ էինք հաղթանակին: Հաշվի մեջ զիջելով՝ նախ կարողացանք հավասարեցնել հաշիվը, ապա՝ առաջ անցնել: Ունեինք նաև երրորդ գոլը խփելու լավ հնարավորություն, սակայն Արտյոմ Գևորգյանը նպաստավոր դիրքից չկարողացավ գրավել դարպասը: Կարծում եմ՝ Արտյոմի դեպքում խնդիր հանդիսացավ այն, որ երկար ժամանակ բացակայել էր, կար պրակտիկայի խնդիր, բավականին երկար ժամանակ չէր խաղացել: Ամեն դեպքում, միավոր վաստակեցինք:

Կարելի՞ է ասել, որ գրանցված հաշիվը համապատասխանում է հանդիպման ընթացքին, քանի որ թե՛ «Ուրարտուն», թե՛ «Շիրակը» բավականաչափ վտանգավոր պահեր ստեղծեցին:

-Իմ կարծիքով՝ մենք ավելի մոտ էինք հաղթանակին:

Ռուդիկ Մկրտչյանը և Մարկո Պրլևիչն այսօր բացակայում էին: Վնասվածքնե՞ր ունեին:

-Այո:

Իսկ Մկրտչյանը չի՞ հասցնի վերականգնվել մինչև երիտասարդական հավաքականի առաջիկա հանդիպումները:

-Իմ կարծիքով՝ երևի կհասցնի:

Ակումբային ֆուտբոլում երկշաբաթյա դադար է լինելու: Այդ ժամանակահատվածի հետ կապված ի՞նչ ծրագրեր ունեք:

-Եթե չեմ սխալվում, ֆեդերացիան երեկ է հայտնել, թե հաջորդ մրցավեճը երբ ենք անցկացնելու: Կուզենայինք այս դադարի ընթացքում 1 ընկերական խաղ ունենալ: Խնդիրն այն էր, որ չկար հստակություն մոտակա պաշտոնական հանդիպման ժամկետի շուրջ, ուստի պայմանավորվածություն դեռ չունենք որևէ թիմի հետ։ Հուսով ենք՝ կկարողանանք պայմանավորվել: Այս խաղից հետո 3 օր հանգիստ տրամադրեցինք տղաներին, դրանից հետո թիմը կվերադառնա: Մեծ սպասելիքներ ունեմ, որ վնասվածքներ ունեցող ֆուտբոլիստները կկարողանան ապաքինվել: Պրլևիչն ուղեղի ցնցում է ստացել դեռ «Արարատ-Արմենիայի» հետ մրցավեճում: Չունեինք այլ տարբերակ, ուստի մասնակցեց «Լոռիի» հետ խաղին, բայց, ցավոք, վնասվածքն ավելի խորացավ: Ռուդիկի դեպքում մկանային խնդիր է, հետևի մկանը մի փոքր զգալ է տալիս: Հուսով եմ՝ Մկրտչյանը նախ երիտասարդական հավաքականին կօգնի, հետո արդեն կմիանա թիմին: Շատ են սպասելիքները նաև Մկոյանից, որ կարողանա այս դադարի ընթացքում լիարժեք վերականգնվել ու մասնակցել հաջորդ մրցավեճին:

Ժիրայր Մարգարյանին շատ դիրքերում էինք տեսել, այսօր փոխարինման մտավ ու հանդես եկավ նաև կիսապաշտպանության կենտրոնում: Հաշվի առնելով, որ գոլային փոխանցում կատարեց՝ լա՞վ եք գնահատում նրա խաղը, լա՞վ ներգրավվեց հանդիպմանը:

-Միանշանակ: Լավ մտավ խաղի մեջ: Իմ կարծիքով՝ նախավարժանքը մի փոքր լավ չէր կատարել, ինտենսիվությունը մի փոքր այն չէր, ինչ պետք էր, ընթացքում կարողացավ դա շտկել, դառնալ գոլային փոխանցման հեղինակ: Այսպես ասեմ՝ Մարգարյանն ունիվերսալ ֆուտբոլիստ է, նրան այսօր հենց դրա համար էլ պահել էինք, քանի որ, կենտրոնում չունենալով բավարար քանակի խաղացողների, Սոլոմոն Իմե Ուդոյին իջեցրել էինք կենտրոնական պաշտպանի դիրք, Ռուդիկ Մկրտչյանն էլ վնասվածք ուներ: Գումարած՝ Ռաֆիկ Միսակյանն էլ մի խնդիր ունի, դրա ուղղությամբ էլ ենք աշխատանքներ տանում, մոտավորապես 60-65-րդ րոպեից սկսած ծանրաբեռնվածության հետ կապված մկանային խնդիրներ են առաջ գալիս ու կարծես լիարժեք 90 րոպե չի կարողանում անցկացնել: Աղվան Դավոյանն էլ էր այսօր վնասվածքով: Դրա համար էլ Մարգարյանին պահեցինք, որպեսզի կարողանայինք թե՛ կենտրոնում, թե՛ եզրում օգտագործել:

Հետաքրքիր վիճակագրություն կա․ «Շիրակը» հաղթել է աղյուսակի առաջին 6 հորիզոնականներում գտնվող թիմերին, իսկ ստորին տեղերի ներկայացուցիչներից առավելության է հասել միայն «Երևանի» նկատմամբ: Ինչպե՞ս կմեկնաբանեք դա:

-Այդ հարցը շատ եք տալիս: Ճիշտն ասած, դրա պատասխանը չունեմ: Իսկ եթե վերլուծություն կատարել եք, կարող եք հուշել, ավելի լավ կլինի՝ ձեր տված հարցին դուք պատասխանեք, մենք էլ դրա վրա ուշադրություն դարձնենք (ժպտում է՝ խմբ․): Ասել եմ, էլի կասեմ՝ յուրաքանչյուր խաղում պայքարում ենք միայն հաղթանակի համար: Այսօր էլ, կարծում եմ, թիմը վատ հանդես չեկավ: Բավականին ագրեսիվ էինք: Եթե փորձենք խաղակեսերով էլ նայել, ապա մրցակիցն առաջին խաղակեսում 1 պահ ունեցավ և դա օգտագործեց: Երկրորդ խաղակեսում 2-3 տարրական սխալ թույլ տվեցինք, որի հետևանքով էլ մրցակիցը պահեր ստեղծեց: Իմ կարծիքով՝ արտառոց բան չկա, երևի նման կերպ է դասավորվում, բայց եթե ոչ հիմա, հետո էլ ունենաք դրա պատասխանը, հեռախոսս հասանելի է, խնդրեմ, հուշեք (ժպտում է՝ խմբ․):

Ինչ-որ միջադե՞պ էր տեղի ունեցել հանդիպումից հետո:

-Ոչ: Բան չկա: Ես ու մրցակցի գլխավոր մարզիչը միմյանց շատ ջերմորեն շնորհակալություն հայտնեցինք:

Իլշատ Ֆայզուլին․ «Սա ամենացավալի միավորն է, որ վաստակել ենք այստեղ»

Միացի՛ր հայկական ամենասպորտային Instagram-ին:


Պաշտոնական․ Աբրահամ Խաշմանյանը համալրել է «Լոռիի» ղեկավար կազմը

Ինչպես են փոխվել չեմպիոնության գործակիցները կայացած 2 տուրից հետո

Պաշտոնական․ Արմեն Սանամյանը՝ «Լոռիի» գլխավոր մարզչի պաշտոնակատար

Բարձրագույն խմբի 19-րդ տուրի լավագույն 3 գոլերը (տեսանյութ)

«Արարատ-Արմենիան» կփորձի վրեժխնդիր լինել «Լոռիից», «Ալաշկերտը»՝ «Նոայից»․ Ամենաուշագրավ փաստերը՝ ԲԽ-ի 20-րդ տուրին ընդառաջ

Մելիքսեթյանը՝ ամենափորձառու դարպասապահների, Դեդեչկոն՝ 100 ամենաարդյունավետ լեգեոնականների ցանկում

Արսեն Պետրոսյան․ «Բոլոր օղակներում պետք է բարելավվենք, որպեսզի «Նոայի» դեմ խաղին ավելի պատրաստ ներկայանանք» (տեսանյութ)

Պայքար ավելի շատ պատվի, քան 3 միավորի համար․ VNews-ի ֆոտոշարքն «Ուրարտու» – «Գանձասար-Կապան» խաղից

Հակոբ Հակոբյանի գոլը միակն ու հաղթականն էր «Ուրարտու» – «Գանձասար-Կապան» խաղում (տեսանյութ)

«Ուրարտու» – «Գանձասար-Կապան»․ Մեկնարկային կազմեր, ուղիղ հեռարձակում (տեսանյութ)

Բարձրագույն խմբի առաջնության 22-ից 24-րդ տուրերի խաղացանկը

Արմեն Ադամյան․ «Երկրորդ կեսում խնդիրներ ունենալը կապում եմ խաղային հունի մեջ դեռ չմտնելու հետ» (տեսանյութ)

«Փյունիկը» հաստատեց՝ Միրանյանը հեռանում է

«Ալաշկերտը» հաղթեց «Արարատին» և բարձրացավ 2-րդ հորիզոնական (տեսանյութ)

«Ալաշկերտ» – «Արարատ»․ Մեկնարկային կազմեր, ուղիղ հեռարձակում (տեսանյութ)

Վադիմ Բորեց․ «Թիմը ցույց տվեց, որ բնավորություն ունի» (տեսանյութ)