fbpx
Բաժիններ

Դևիդ Մոյեսը մոտ է Պրեմիեր լիգա վերադառնալուն

Շոտլանդացի մասնագետ Դևիդ Մոյեսը կարող է կրկին գլխավորել «Էվերտոնը»: Այս մասին հաղորդում է Mirror պարբերականը:

Տեղեկացվում է, որ նա լիվերպուլյան թիմի ղեկը ստանձնելու գլխավոր թեկնածուն կլինի, եթե պաշտոնից հեռացվի ներկայիս գլխավոր մարզիչ Մարկու Սիլվան, որի օրոք թիմը ձախողել է Պրեմիեր լիգայի ընթացիկ առաջնության մեկնարկը:

«Էվերտոնը» կայացած 8 տուրից հետո գտնվում է մրցաշարային աղյուսակի վտանգավոր գոտում: Լիվերպուլ քաղաքի ներկայացուցիչներն անցկացրած հանդիպումներում տոնել են ընդամենը 2 հաղթանակ: Ակումբի ղեկավարությունը մրցաշրջանի մեկնարկից առաջ թիմի կազմի ուժեղացման համար հատկացրել էր ավելի քան 100 մլն ֆունտ:

Ըստ տեղեկությունների՝ Մոյեսը հետաքրքրված է «Էվերտոն» վերադառնալու հեռանկարով: Շոտլանդացի մասնագետն այս թիմը գլխավորել է 2002-2013թթ․, ինչից հետո աշխատել է նաև «Մանչեսթեր Յունայթեդում», «Ռեալ Սոսյեդադում», «Սանդեռլենդում» ու «Վեստ Հեմում»:

«Էվերտոնը» Պրեմիեր լիգայի հաջորդ տուրում հյուրընկալելու է «Վեստ Հեմին»: Խաղը տեղի է ունենալու հոկտեմբերի 19-ին: Ինչպես հաղորդում է Mirror-ը, Սիլվան կարող է հեռացվել պաշտոնից, եթե թիմը պարտություն կրի այդ մրցավեճում:

Աղբյուր. Մոուրինյոն պատրաստ է գլխավորել անգլիական ակումբը


Հետևե՛ք VNews.am-ին նաև Youtube-ում և Instagram-ում: