Արմեն Գյուլբուդաղյանցը միակն էր, որի օրոք հավաքականը հասել է խփած և բաց թողած գնդակների դրական տարբերության - VNews
Բաժիններ

Արմեն Գյուլբուդաղյանցը միակն էր, որի օրոք հավաքականը հասել է խփած և բաց թողած գնդակների դրական տարբերության

Հայաստանի ազգային հավաքականի գլխավոր մարզչի պաշտոնից Արմեն Գյուլբուդաղյանցի հրաժարականն ինչ-որ չափով անսպասելի էր, թեև Լիխտենշտեյնի և Ֆինլանդիայի հավաքականների հետ ունեցած անփառունակ ելույթներից հետո ֆուտբոլային հանրության շրջանում հերթական անգամ մեծ հիասթափություն էր տիրում և մեծամասնությունը պահանջում էր նրանից թողնել մեր ընտրանու ղեկը:

Սակայն, մեծ հաշվով, ՀՖՖ նոր ղեկավարությունը նրա առջև ԵՎՐՈ-2020-ի եզրափակիչ փուլի ուղեգիր նվաճելու խնդիր չէր դրել, ուստի առաջադրանքը չկատարելու մասին խոսք անգամ չի կարող լինել:

Ինչևէ, Արմեն Գյուլբուդաղյանցն էլ արժանացավ Հայաստանի հավաքականի նախկին այն մարզիչների ճակատագրին, որոնց վիճակված չէր ընտրական մրցաշարի մեկնարկից մինչև ավարտը մնալ իրենց պաշտոնում՝ պաշտոնանկ արվելով կամ հրաժարական տալով:

Գյուլբուդաղյանցն այդ շարքում 7-րդն է Էդուարդ Մարգարովից (պաշտոնանկ է արվել ընտրական 3-րդ մրցախաղից հետո), Օսկար Լոպեսից (2-րդ), Բեռնար Կազոնիից (7-րդ), Յան Պոուլսենից (5-րդ), Բեռնար Շալանդից (4-րդ) և Վարուժան Սուքիասյանից (3-րդ) հետո: Ի տարբերություն նրանց, Արմեն Գյուլբուդաղյանցը բոլորից ուշ՝ ընտրական մրցաշարի 8-րդ տուրից հետո հրաժարական տվեց:

Միայն 4 մարզիչների՝ Խորեն Հովհաննիսյանին (1998թ. ԱԱ ), Սուրեն Բարսեղյանին (2000թ. ԵԱ), Վարուժան Սուքիասյանին (2002թ. ԱԱ) և Վարդան Մինասյանին է (2012թ.ԵԱ, 2014թ. ԱԱ) հաջողվել ՀՀ հավաքականի ղեկին մնալ ընտրական մրցաշարի մեկնարկից մինչև ավարտ:

Առանց ավագի, առաջնորդի, ուղեղի ու գոլահարի. Հայաստանի հավաքականում [շատ] «բան չի փոխվել»

2008թ. Եվրոպայի առաջնության ընտրական մրցաշարում նման բախտի կարող էր արժանանալ նաև երջանկահիշատակ Իան Պորտերֆիլդը, եթե անբուժելի հիվանդությունը վաղաժամ չզրկեր նրան կյանքից:

Արմեն Գյուլբուդաղյանցը ՀՀ ազգային հավաքականը գլխավորած 18-րդ մարզիչն էր: Պաշտոնապես նա մեր ընտրանու ղեկը ստանձնեց  2018թ. հոկտեմբերի 7-ին, երբ ՀՖՖ գործկոմի նիստում հաստատվեց նրա թեկնածությունը: Իսկ 6 օր անց Արմեն Գյուլբուդաղյանցն իր սաներին առաջին անգամ խաղադաշտ դուրս բերեց:

Նրա նորամուտը Հայաստանի հավաքականի գլխավոր մարզչի պաշտոնում շատ անհաջող ստացվեց: Բոլորի համար անսպասելի մեր ընտրանին սեփական հարկի տակ 0-1 հաշվով պարտվեց Ջիբրալթարի հավաքականին: Դա Ազգերի լիգայի մրցաշարի 3-րդ տուրի հանդիպումն էր:

Մինչ այդ ՀՀ հավաքականը Վարդան Մինասյանի գլխավորությամբ մրցաշարը սկսել էր Երևանում Լիխտենշտեյնի ընտրանու նկատմամբ տոնած դժվարին հաղթանակով (2-1), ապա անփառունակ ելույթ էր ունեցել Մակեդոնիայի հետ կայացած արտագնա խաղում (0-2):

Թեև մնացած 3 հանդիպումներում հավաքականն Արմեն Գյուլբուդաղյանցի գլխավորությամբ 7 միավոր վաստակեց (Մակեդոնիա՝ 4-0, Ջիբրալթար՝ 6-2, Լիխտենշտեյն՝ 2-2), սակայն դա բավարար չէր խմբում առաջին տեղը զբաղեցնելու համար, ինչը ԵՎՐՈ-2020-ի եզրափակիչ փուլի ուղեգրի համար պայքարելու հնարավորություն կընձեռեր:

Գյուլբուդաղյանցի օրոք Հայաստանի հավաքականը լիովին ձախողվեց ԵՎՐՈ-2020-ի ընտրական մրցաշարի մեկնարկում՝ զիջելով Բոսնիա և Հերցեգովինայի ընտրանուն (1-2) ու ֆիններին (0-2): Սակայն հաջորդ 4 հանդիպումներում մեր ֆուտբոլիստները կերպարանափոխվեցին, իրենց լավագույն կողմերով դրսևորեցին՝ տոնելով 3 հաղթանակ (Լիխտենշտեյն՝ 3-0, Հունաստան՝ 3-2, Բոսնիա և Հերցեգովինա՝ 4-2), զիջելով միայն խմբի առաջատար իտալացիներին (1-3), որոնց շնորհիվ հիանալի հնարավորություն ստացան պայքարելու ուղեգրի համար:

Տակտիկական սխալներ, ոչ նպատակային փոփոխություններ․ Ֆինլանդիա – Հայաստան խաղի մարտավարական կողմը

Ցավոք, Լիխտենշտեյնի (1-1) և Ֆինլանդիայի (0-3) հավաքականների հետ հաջորդ հանդիպումներում Հայաստանի հավաքականն իր անկազմակերպ ու անփույթ խաղով հիասթափեցրեց երկրպագուներին՝ հերթական անգամ վճռորոշ պահին հուսախաբ անելով նրանց, որոնց վաղեմի երազանքը կրկին անկատար մնաց:

Իսկ ահա Գյուլբուդաղյանցի օրոք Հայաստանի հավաքականի վիճակագրությունը շատ տպավորիչ է: Եթե հաշվի առնենք անցկացրած հանդիպումներում վաստակած հնարավոր միավորների տոկոսը, ապա հավաքականը գլխավորած մարզիչների մեջ ընդհանուր ցուցանիշներով Արմեն Գյուլբուդաղյանցը կրկնեց Արթուր Պետրոսյանի արդյունքը (47,2 տոկոս), որը երկրորդն է Անդրանիկ Ադամյանից հետո (50 տոկոս), ով ընդամենը 2 ընկերական խաղում է գլխավորել հավաքականը:

Ընդ որում Գյուլբուդաղյանցի օրոք ՀՀ հավաքականը խփած և բաց թողած գնդակների ավելի լավ տարբերություն ունի: Այս առումով Գյուլբուդաղյանցը բացառիկ արդյունքի է հասել: Նա ՀՀ հավաքականը գլխավորած միակ մարզիչն է, որի օրոք մեր ընտրանին հասել է խփած և բաց թողած գնդակների դրական տարբերության (+5):

Ընտրական մրցախաղերում էլ Արմեն Գյուլբուդաղյանցը հավաքականը գլխավորած մարզիչների մեջ լավագույն արդյունքը ցույց տվեց (հնարավոր միավորների 41,6 տոկոսը)՝ գերազանցելով նույնիսկ Վարդան Մինասյանին (40,7 տոկոս): Ազգերի լիգայի մրցաշարում էլ Գյուլբուդաղյանցի արդյունքը լավագույնն է:

«Մեր երազանքները խաշվեցին ֆիննական բաղնիքում»․ Մեր հավաքականի ֆուտբոլիստների գնահատականը Ֆինլանդիայի հետ խաղում

VNews.am-ը ներկայացնում է ՀՀ ազգային հավաքականի մարզիչների ցուցանիշները:

Ընդհանուր ցուցանիշներ

Մարզիչներ Խ Հ Ո Պ Գ Մ % Թվական
1.Վարդան Մինասյան 46 15 6 25 59-66 51 36,9 2007, 2009-2014, 2018
2.Վարուժան Սուքիասյան 24 5 8 11 29-39 23 31,9 2000-2001, 2016
3.Խորեն Հովհաննիսյան 16 2 5 9 10-41 11 22,9 1996-1997
4.Սուրեն Բարսեղյան 14 4 2 8 11-19 14 33,3 1998-1999
5. Արմեն Գյուլբուդաղյանց 12 5 2 5 25-20 17 47,2 2018-2019
6. Արթուր Պետրոսյան 12 5 2 5 21-22 17 47,2 2016-2018
7.Յան Պոուլսեն 12 3 4 5 9-19 13 36,1 2008-2009
8.Միխայ Ստոյկիցա 10 4 1 5 11-17 13 43,3 2003-2004
9.Իան Պորտերֆիլդ 10 2 4 4 5-9 10 33,3 2006-2007
10.Սամվել Դարբինյան 9 1 1 7 5-21 4 14,8 1995-1996
11.Բեռնար Շալանդ 9 1 1 7 9-23 4 14,8 2014-2015
12.Հենկ Վիսման 8 1 1 6 5-14 4 16,6 2005-2006
13.Բեռնար Կազոնի 8 1 1 6 5-18 4 16,6 2004-2005
14.Էդուարդ Մարգարով 6 1 2 3 1-5 5 27,7 1992-1994
15.Սարգիս Հովսեփյան 5 0 1 4 2-12 1 6,6 2015
16.Թոմ Ջոնս 4 1 1 2 2-6 4 33,3 2007
17.Անդրանիկ Ադամյան 2 1 0 1 2-2 3 50 2002, 2003
18.Օսկար Լոպես 2 0 1 1 2-4 1 16,6 2002

Ընտրական մրցախաղեր

Մարզիչներ Խ Հ Ո Պ Գ Մ %
1.Վարդան Մինասյան 27 10 3 14 37-33 33 40,7
2.Վարուժան Սուքիասյան 13 0 5 8 8-27 5 12,8
3.Սուրեն Բարսեղյան 10 2 2 6 8-15 8 26,6
4.Խորեն Հովհաննիսյան 10 1 5 4 8-17 8 26,6
5.Արմեն Գյուլբուդաղյանց 8 3 1 4 13-15 10 41,6
6.Իան Պորտերֆիլդ 8 2 2 4 4-8 8 33,3
7.Արթուր Պետրոսյան 7 2 1 4 9-18 7 33,3
8.Սամվել Դարբինյան 7 1 1 5 5-13 4 19
9.Բեռնար Կազոնի 7 1 1 5 4-15 4 19
10.Միխայ Ստոյկիցա 6 2 0 4 5-12 6 33,3
11.Հենկ Վիսման 5 1 0 4 5-10 3 20
12.Յան Պոուլսեն 5 0 1 4 3-14 1 6,6
13.Բեռնար Շալանդ 4 0 1 3 3-6 1 8,3
14.Սարգիս Հովսեփյան 4 0 1 3 2-8 1 8,3
15.Էդուարդ Մարգարով 3 0 1 2 0-4 1 11,1
16.Օսկար Լոպես 2 0 1 1 2-4 1 16,6
17.Թոմ Ջոնս 2 0 1 1 0-3 1 16,6

Ազգերի լիգա

Մարզիչներ Խ Հ Ո Պ Գ Մ %
1.Արմեն Գյուլբուդաղյանց 4 2 1 1 12-5 7 58,3
2.Վարդան Մինասյան 2 1 0 1 2-3 3 50

Ընկերական մրցախաղեր

Մարզիչներ Խ Հ Ո Պ Գ Մ %
1.Վարդան Մինասյան 17 4 3 10 20-30 15 29,4
2.Վարուժան Սուքիասյան 11 5 3 3 21-12 18 54,5
3.Յան Պոուլսեն 7 3 3 1 6-5 12 57,1
4.Խորեն Հովհաննիսյան 6 1 0 5 2-24 3 16,6
5.Արթուր Պետրոսյան 5 3 1 1 12-4 10 66,6
6.Բեռնար Շալանդ 5 1 0 4 6-17 3 20
7.Միխայ Ստոյկիցա 4 2 1 1 6-5 7 58,3
8.Սուրեն Բարսեղյան 4 2 0 2 3-4 6 50
9.Էդուարդ Մարգարով 3 1 1 1 1-1 4 44,4
10.Հենկ Վիսման 3 0 1 2 0-4 1 11,.1
11.Անդրանիկ Ադամյան 2 1 0 1 2-2 3 50
12.Թոմ Ջոնս 2 1 0 1 2-3 3 50
13.Իան Պորտերֆիլդ 2 0 2 0 1-1 2 33,3
14.Սամվել Դարբինյան 2 0 0 2 0-8 0 0
15.Բեռնար Կազոնի 1 0 0 1 1-3 0 0
16.Սարգիս Հովսեփյան 1 0 0 1 0-4 0 0

Հայաստանի հավաքականի վերջին նորությունները

Միացի՛ր հայկական ամենասպորտային Instagram-ին:


Խոակին Կապառոս.«Կցանկանայի, որպեսզի մեր թիմերում ավելի շատ հայ ֆուտբոլիստներ խաղային»

Վարդան Մինասյան․ «Ֆուտբոլիստները պետք է կրկին վերականգնեն խաղային ռիթմը» (տեսանյութ)

Վարազդատ Հարոյանը շուտով խաղադաշտ վերադառնալու հույս է հայտնել

Կարապետյան․ «Յուրգեն Կլոպը Հայաստանի հավաքականի համար իդեալական մարզիչ կլիներ»

Անհատական բացառիկ ռեկորդներ, որոնք սահմանել են Հայաստանի առաջնությունների մասնակիցները (մաս 2-րդ)

Արմեն Շահգելդյանը՝ Հայաստան – Մակեդոնիա 1995թ․ կայացած խաղի մասին (տեսանյութ)

Մխիթարյան․ «Համաձայն չեմ, թե մենք թույլ ենք թիմային մարզաձևերից»

«Արշակ Կորյանը ընդունել է Հայաստանի հավաքականի հրավերը, Բայրամյանը մտածելու ժամանակ է խնդրել». Նոբել Առուստամյան

Bleacher Report-ը տեսանյութ է ներկայացրել, որտեղ Սարկիսովը գրավում է Յուրչենկոյի դարպասը (տեսանյութ)

Բալեկյանը մինչ օրս սխալ է օգտագործվել հավաքականում․ Որոնք են Նորբերտոյի լավագույն խաղային որակները

Սողոմոնյան. «Ուժեղ լեգեոներներ այլևս շատ չեն լինի, հույս ենք դնելու մեր երիտասարդ ֆուտբոլիստների վրա»

Կապառոս. «Իմ նպատակը Հայաստանի հավաքականին մինչև Քաթար հասցնելն է»

Հենրիխ Մխիթարյանն ուղիղ եթերում կապ կհաստատի Հայաստանի տարբեր գյուղերի երիտասարդների հետ

Կարապետյանը՝ Բոնուչիի հետ զրույցի, Մխիթարյանին «Սոչի» բերելու ու իր նոր պայմանագրի մասին

Էրիկ Վարդանյանն ասել է՝ երբ կկարողանա վերադառնալ նորմալ մարզումներին

Հայաստանի հավաքականի 2 նախկին ֆուտբոլիստ տեղ է գտել «Զենիթի» ներկայացրած խորհրդանշական հավաքականում