Աշխարհի առաջնություն. Շանթ Սարգսյանին չհաջողվեց հաղթել առաջատարին

Խաղի մանրամասները

տուր

01 Հունվար 1970 - 06:50

-

-

Կատարել Խաղադրույք

Հնդկաստանի Նյու Դելի քաղաքում ընթացող մինչև 20 տարեկանների շախմատի աշխարհի առաջնությունում կայացան 8-րդ տուրի մրցախաղերը:

Ուշադրության կենտրոնում Շանթ Սարգսյանի և մրցաշարի միանձնյա առաջատար, ուկրաինացի Եվգենի Շտեմբուլյակի մրցախաղն էր: Հիշեցնենք, որ նախորդ տուրում Շտեմբուլյակը հաղթել էր Արամ Հակոբյանին, որը մրցաշարում առաջին պարտությունն էր կրել:

Շանթին չհաջողվեց վրեժխնդիր լինել՝ հաշտություն կնքելով առաջատարի հետ: Շանթը վաստակեց 5,5 միավոր, իսկ Շտեմբուլյակը Ռուիզ Միգել Սանթոսի հետ 6,5 միավորով գլխավորեց աղյուսակը:

Նախորդ տուրում կրած անհաջողությունից հետո  Արամ Հակոբյանը կրկին վերելքով խաղաց՝ հաղթելով ռուսաստանցի Սեմյոն Խանինին: Արամն ունի 6 միավոր:

Տուրը հաղթական էր նաև Արթուր Դավթյանի համար, որի մրցակիցը հնդիկ Բելուրկար Նիթիշն էր: Արսենի օգտին 4,5 միավոր է գրանցված:

Աղջիկների մրցաշարում Մարիամ Ավետիսյանը ոչ-ոքի խաղաց էստոնացի Մարգարետ Օլդեի հետ ու վաստակեց 4,5 միավոր: Մարիամը 2,5 միավորով է հետ մնում առաջատարից:

Լևոն Արոնյանը բավարարվեց 4–րդ տեղով

Միացի՛ր հայկական ամենասպորտային Instagram-ին: