Աշխարհի առաջնություն. Շանթ Սարգսյանն ու Արամ Հակոբյանը հավակնում են չեմպիոնի տիտղոսին

Հնդկաստանի Նյու Դելի քաղաքում ընթացող մինչև 20 տարեկանների շախմատի աշխարհի առաջնության նախավերջին՝ 10-րդ տուրում Շանթ Սարգսյանն ու Արամ Հակոբյանը շատ կարևոր հաղթանակներ տոնեցին: Շանթը պարտության մատնեց  իսրայելցի Օր Բրոնշտեյնին, Արամն առավելության հասավ հնդիկ Մուրալի Կարտիկեյանի նկատմամբ:

Մեր շախմատիստները վաստակեցին 7,5-ական միավոր: Ավարտական տուրից առաջ նրանք ընդամենը կես միավորով են հետ մնում մրցաշարի միանձնյա առաջատար, ուկրաինացի Եվգենի Շտեմբուլյակից: Այնպես որ հայ շախմատիստները չեմպիոնի տիտղոսի հավակնորդների թվում են:

Աշխարհի առաջնությունում Հայաստանի 3-րդ ներկայացուցիչը՝ Արթուր Դավթյանը պարտվեց հնդիկ Կալյան Արջունին ու զրկվեց մեդալների համար պայքարելու վերջին հնարավորությունից:  Արթուրի օգտին 5,5 միավոր է գրանցված:

Աղջիկների մրցաշարում Մարիամ Ավետիսյանը հաշտություն կնքեց Չժու Ցզինյերի հետ: Մարիամն ունի 6 միավոր: Նա ևս մրցանակակիր դառնալու հնարավորություն չունի:

Լևոն Արոնյանը բավարարվեց 4–րդ տեղով

Միացի՛ր հայկական ամենասպորտային Instagram-ին: