fbpx
Բաժիններ

Լևոն Արոնյանը՝ Grand Chess Tour-ի 6-րդ փուլի հաղթող

Բուխարեստում այսօր անցկացված կայծակնային շախմատի մրցախաղի 2-րդ շրջանի հանդիպումներով ավարտվեց Grand Chess Tour-ի 6-րդ փուլը:

Լևոն Արոնյանը բավական հաջող հանդես եկավ նաև 2-րդ շրջանի հանդիպումներում և արագ ու կայծակնային շախմատի մրցաշարերում վաստակած միավորների ընդհանուր քանակով Սերգեյ Կարյակինի հետ լավագույն արդյունքը ցույց տվեց: Նրանց հաշվին գրանցվեց 20-ական միավոր: Մրցակարգի համաձայն, հաղթողին որոշելու համար Արոնյանն ու Կարյակինը լրացուցիչ մրցախաղ անցկացրին:

Առաջին պարտիան, որում սևերով խաղում էր Արոնյանը, 20-րդ քայլին ոչ-ոքի ավարտվեց: Իսկ ահա 2-րդ պարտիայում Արոնյանը սպիտակներով 27-րդ քայլին հաղթանակ տոնեց: Այսպիսով, Լևոն Արոնյանը դարձավ Grand Chess Tour-ի 6-րդ փուլի հաղթող: Նա և Կարյակինը 31250 դոլար պարգևավճար կստանան:

Նշենք, որ կայծակնային մրցախաղի 2-րդ շրջանն Արոնյանը շատ հաջող սկսեց՝ հաջորդաբար հաղթելով Շահրիյար Մամեդյարովին, Անտոն Կորոբովին և Լե Քուանգ Լիեմին: Ցավոք, 4-րդ տուրում նրա հաղթարշավն ընդհատեց Սերգեյ Կարյակինը՝ պարտության մատնելով Լևոնին:

Այդ պարտությունը կարծես ազդեց Արոնյանի հետագա ելույթների վրա: Մնացած 5 պարտիաներում Լևոնն ընդամենը1,5 միավոր վաստակեց՝ հաշտություն կնքելով Վիշվանաթան Անանդի, Անիշ Գիրիի և Ֆաբիանո Կարուանայի հետ, պարտվելով  Վլադիսլավ Արտեմևին և Ուեսլի Սոյին:

Grand Chess Tour-ի մրցաշարերում սա Լևոն Արոնյանի 2-րդ հաղթանակն է: Մինչ այս նա հաղթող էր ճանաչվել Սենթ Լուիսում կայացած արագ և կայծակնային շախմատի մրցաշարում՝ պարգևատրվելով 37500 դոլարով:

Հետևե՛ք VNews.am-ին նաև Youtube-ում և Instagram-ում:


Grand Chess Tour. Լևոն Արոնյանը հավակնում է գլխավոր մրցանակին

Grand Chess Tour. Լևոն Արոնյանն առաջատարին հետապնդողների թվում է

Grand Chess Tour. Լևոն Արոնյանն առաջին պարտությունը կրեց

Grand Chess Tour. Լևոն Արոնյանը հաջող է մեկնարկել

Լևոն Արոնյանը կմասնակցի Grand Chess Tour-ի 6-րդ փուլին

Եվրոպայի առաջնություն. Հայ շախմատիստներին չհաջողվեց մրցանակակիր դառնալ

Եվրոպայի առաջնություն. Հայ շախմատիստները հաղթեցին ադրբեջանցիներին

Լևոն Արոնյանը վարկանիշային աղյուսակում առաջընթաց է գրանցել

Եվրոպայի առաջնություն. Հայ շախմատիստների չեմպիոնական հավակնությունները նվազեցին

Եվրոպայի առաջնություն. Հայ շախմատիստները լավագույն քառյակում են

Եվրոպայի առաջնություն. Գաբրիել Սարգսյանին չհաջողվեց իր թիմին փրկել պարտությունից

Եվրոպայի առաջնություն. Հայ շախմատիստներն առաջին միավորը կորցրին

Եվրոպայի առաջնություն. Հայկ Մարտիրոսյանն ապահովեց հաղթանակը չեխերի նկատմամբ

Եվրոպայի առաջնություն. Հայաստանի տղամարդկանց հավաքականը շարունակեց հաղթարշավը

Եվրոպայի առաջնություն. Հայաստանի հավաքականների հաղթական մեկնարկը

Լևոն Արոնյանը բավարարվեց 4–րդ տեղով