Վարդան Մինասյան․ «Խնդիր ունենք պաշտպանության կենտրոնում» - VNews
Բաժիններ

Վարդան Մինասյան․ «Խնդիր ունենք պաշտպանության կենտրոնում»

«Արարատ-Արմենիայի» գլխավոր մարզիչ Վարդան Մինասյանը Բարձրագույն խմբի առաջնության 13-րդ տուրում «Երևանի» նկատմամբ տոնած հաղթանակից հետո (7-2) հայտնել է մրցավեճից իր տպավորությունների մասին ու պատասխանել լրագրողների հարցերին․

-Մի քիչ դժվար է գնահատական տալը՝ հաշվի առնելով մրցակցի վիճակը, բայց կփորձեմ դա անել։ Մեր խաղում բաներ կային, որ ստացվեցին, բայց կան նաև բաներ, որոնց վրա պետք է աշխատենք: Հաղթեցինք խոշոր հաշվով, և, ինձ թվում է, մեր խաղում կար որակ:

Ինչո՞վ էր պայմանավորված այն, որ ազգային հավաքական հրավիրված 2 ֆուտբոլիստները՝ Արթուր Դանիելյանն ու Պետրոս Ավետիսյանը, այսօր չմասնակցեցին մրցավեճին:

-Նրանք մինչ այս շատ հանդիպումներ էին անցկացրել: Արթուր Դանիելյանը, եթե հիշողությունս չի դավաճանում, 4 խաղ անընդմեջ եղել է հիմնական կազմում: Նույնն էլ Պետրոսի դեպքում է: Նրանց չխաղալը ոչ մի բանի հետ կապված չէր: Դուք գիտեք՝ մեր թիմի սկզբունքն ինչպիսին է, այսինքն՝ ռոտացիաներ լինում են: Պատճառն ընդամենը դա էր:

Մաիլսոն Լիման կարծես «եռում» է գոլ խփելու ցանկությունից, բայց չի ստացվում գրավել մրցակցի դարպասը: Ի՞նչ եք կարծում՝ նա ի՞նչ խնդիր ունի:

-Նրա հիմնական խնդիրը հոգեբանությունն է, նա անընդհատ հունից դուրս է գալիս: Երբ քո գլուխը պարզ չէ, քո դեպքում էլ այնպես կստացվի, ինչպես Լիմայի պարագայում, այսինքն՝ նույնիսկ 1 մետրից կամ 5 մետրից չես կարողանա գոլ խփել: Մաիլսոնի գլխում պետք է պարզություն լինի, քանի որ նրա որակները շատ լավն են: Ես նրա հետ միշտ խոսում եմ, նա պետք է այդ ուղղությամբ աշխատի:

Թիմը բարձրացավ 1-ին հորիզոնական: Ի՞նչ գնահատական կտաք առաջնության ներկայիս ընթացքին, մրցակիցների խաղամակարդակին:

-Մեր թիմի վերաբերյալ կասեմ, որ կարող էինք ավելի լավ խաղալ: Այն հանդիպումներում, որոնցում միավորներ ենք կորցրել՝ գրանցել ոչ-ոքի կամ պարտություն, ավելի շատ եղել է ոչ թե մրցակցի գործոնը, այլ մեր սխալների հետևանքը: Դրանք մենք պետք է ուղղենք, որովհետև երբ պարտվում ես մրցակցի ճնշման տակ, ինչ-որ տեղ նորմալ է, բայց, կրկնեմ, այդ ամենը լինում էր ավելի շատ մեր բացթողումների հետևանքով: Այդուհանդերձ, լավ է, որ այսպես լարված է առաջնությունը: Եթե հիշում եք, ես ասել էի, որ ժամանակի ընթացքում ամեն ինչ կընկնի իր տեղը: Հիմա լավ մրցակցություն կա: Եթե ես հանեմ «Երևանին», ապա մնացած 9 թիմերը մեկը մյուսի հետ պայքարում են, ու եթե օրինակ «Գանձասար-Կապանը» հաղթի աղյուսակի վերնամասի թիմերից մեկին, ես դա սենսացիա չեմ համարի: Այս ամենը լավ է հայկական ֆուտբոլի համար:

«Երևանի» գլխավոր մարզիչը քիչ առաջ հայտարարեց, որ իր թիմը շաբաթվա ընթացքում չէր մարզվել: Մրցակիցը, դրանով հանդերձ, այսօր 2 գոլ խփեց, ինչը չէր արել նախորդ խաղերից և ոչ մեկում: Այդ փաստը չի՞ անհանգստացնում Ձեզ:

-Ես հենց սկզբում էլ ասացի, որ բացթողումներ ունեցանք, որովհետև մեր պաշտպանությունում հիմա խնդիր կա: Խնդիրը կենտրոնում է, ոչ թե եզրերում: Ես դրա հետ լրիվ համաձայն եմ: Պետք է աշխատենք, միայն այդպես կարող ենք ինչ-որ բան փոխել:

«Ես պրոֆեսիոնալ եմ»․ «Երևանի» գլխավոր մարզիչը հրաժարական է տվել

Միացի՛ր հայկական ամենասպորտային Instagram-ին:


VBET Հայաստանի Պրեմիեր լիգա. Նոր մրցաշրջանի 5 գլխավոր ինտրիգները (տեսանյութ)

ՉԼ խաղ է չեղարկվել կորոնավիրուսի պատճառով․ Հաղթած թիմը շուտով կարող է հանդիպել «Արարատ-Արմենիային»

Տրանսֆերային ամառ-2020․ VBET Հայաստանի Պրեմիեր լիգայի ակումբների համալրումները և կորուստները (թարմացվում է)

Պաշտոնական․ Նարեկ Պետրոսյանը հեռացավ «Ուրարտուից»

Պաշտոնական․ Ռումյան Հովսեփյանը վերադարձավ VBET Հայաստանի Պրեմիեր լիգա

«Լոռիի» պահանջը չունի իրավական որևէ հիմք»․ ՀՖՖ պատասխանը «Լոռիի» հայտարարությանը

ՀՖՖ-ն ներկայացրել է VBET Հայաստանի Պրեմիեր լիգայի տարբերանշանի ստեղծման պատմությունը (նկարներ)

VBET Հայաստանի Պրեմիեր լիգա. Առաջնությունը նոր անուն և տարբերանշան ունի

Ռեկորդ. Ամենատարեց ֆուտբոլիստը, որ գոլ է խփել Հայաստանի սուպերգավաթի խաղարկություններում

Բենիկ Հովհաննիսյանը դարձավ եռակի սուպերգավաթակիր, Սարգիս Շահինյանին չհաջողվեց ինքնատիպ նվաճման հասնել

Իգոր Պիկուշչակը սուպերգավաթակիր թիմ պատրաստած օտարերկրացի 4-րդ մարզիչն է

Դավիդ Կամպանյա․ «Վստահ եմ՝ լավ պայքար կմղենք Չեմպիոնների լիգայի որակավորման 1-ին փուլում» (տեսանյութ)

«Արարատ-Արմենիա»-«Օմոնիա» հանդիպման ժամը ու վայրը

Իգոր Պիկուշչակը՝ «Նոայի» նվաճած տիտղոսի և Եվրոպա լիգայում առաջիկա ելույթների մասին (տեսանյութ)

«Արարատ-Արմենիայի» հնարավոր մրցակիցը՝ «Օմոնիային» հաղթահարելու դեպքում

«Նոան» կրկին կամք դրսևորեց և տիտղոս նվաճեց․ VNews-ի ֆոտոշարքը «Նոա» – «Արարատ-Արմենիա» սուպերգավաթային խաղից