fbpx
Բաժիններ

Բարձրագույն խմբի 13-րդ տուրի խորհրդանշական հավաքականը և լավագույն ֆուտբոլիստը

VNews.am-ը ներկայացնում է Հայաստանի Բարձրագույն խմբի առաջնության 13-րդ տուրի խորհրդանշական հավաքականի իր տարբերակը:

Դարպասապահ՝ Վալերիո Վիմերկատի («Նոա»)

Պաշտպաններ՝ Միխայիլ Կովալենկո («Նոա»), Սալոմոն Նիրիսարիկե («Փյունիկ»), Դենիս Դեդեչկո («Արարատ»)

Կիսապաշտպաններ՝ Ալֆոնսե Կասե Կոջո, Զաքարիա Սանոգո (2-ն էլ՝ «Արարատ-Արմենիա»), Պավել Դեոբալդ («Նոա»), Խուան Ազոկար («Ուրարտու»)

Հարձակվողներ՝ Սեմյոն Սինյավսկի («Ուրարտու»), Դենիս Մահմուդով («Փյունիկ»), Անտոն Կոբյալկո («Արարատ-Արմենիա»)

Տուրի լավագույն ֆուտբոլիստ՝ Խուան Ազոկար («Ուրարտու»)

«Ուրարտուն» առաջնությունում անվստահ մեկնարկից հետո աստիճանաբար թափ է հավաքում: Իլշատ Ֆայզուլինի գլխավորած թիմը խաղային առումով վատը չէր նաև մրցաշրջանի սկզբնամասում, սակայն գոլային պահերն իրացնելու հետ կապված լուրջ խնդիրներ ուներ: Հիմա նորեկներն արդեն լիովին հարմարվել են «Ուրարտուին», ինչի վկայությունը լավ արդյունքներն են: Թիմը Բարձրագույն խմբում իր վերջին 6 մրցավեճում 4 հաղթանակ է տոնել, նաև դուրս եկել VBet Հայաստանի գավաթի խաղարկության քառորդ եզրափակիչ: Համարյա բոլոր նորեկներն էլ իրենց շատ լավ են դրսևորում, բացառություն չէ նաև 24-ամյա Խուան Ազոկարը:

Վերջինս «Գանձասար-Կապանի» հետ հանդիպմանը, որում «Ուրարտուն» հաղթանակ է տոնել 4-2 հաշվով, դարձել է 3 գոլային փոխանցման հեղինակ: Վենեսուելացի ֆուտբոլիստն իր բոլոր «ասիստներն» էլ իրականացրել է ընդմիջումից հետո: Երկու կողմերի համար էլ բավականին ծանր հանդիպում էր, որում Ազոկարին և թիմակիցներին հենց երկրորդ խաղակեսում է հաջողվել ծնկի բերել կապանյան թիմին: Սեմյոն Սինյավսկին ու Եվգենի Կոբզարը Խուանի փոխանցումները եզրափակել են գլխի հարվածներով, իսկ ամենակարևոր և վճռորոշ «ասիստը» գոլի է վերածել Եվգենի Բուդնիկը: 2-2 հաշվի ժամանակ, երբ «Գանձասար-Կապանը» մեծացրել էր ճնշումը, «Ուրարտուն» նետվել է հակագրոհի, ու Ազոկարը, ճիշտ ժամանակին արձագանքելով Յուրիցա Գրգեցի փայլուն փոխանցմանը, մտել է տուգանային հրապարակ և գնդակը հասցեագրել Բուդնիկին: Վերջինիս այդ գոլից հետո հյուրերն առաջ են անցել հաշվի մեջ, իսկ մրցակիցը վերջնականապես հուսաթափ է եղել: Ավելորդ չէ նշել, որ Ազոկարը նախորդ 2 հանդիպումներում էլ դարձել էր 1-ական գոլի հեղինակ՝ մեկը մյուսից տպավորիչ հարվածներով խոցելով «Փյունիկի» ու «Ալաշկերտի» դարպասները։

Բարձրագույն խմբի 13-րդ տուրը՝ 10 փաստով

Միացի՛ր հայկական ամենասպորտային Instagram-ին:


«Փյունիկը» երկարաձգել է պայմանագիրը Սևակ Ասլանյանի հետ

«Փյունիկի» մարզիչները վերապատրաստում են անցնում «Վալենսիայում»

«Մոնակոյի» նախկին ֆուտբոլիստը՝ «Արարատում»

Podcast #8. Բարձրագույն խմբի աշնանային հատվածի ամփոփում (տեսանյութ)

«Ալաշկերտն» իր առաջին ձեռքբերումն է կատարել ձմռանը

«Արարատն» առաջին համալրումն է կատարել ձմռանը

«Փյունիկը» դժգոհ է ՀՖՖ-ի որոշումից. ակումբի հայտարարությունը

2 հայ, 1 լեգեոներ․ «Նոան» բաժանվել է 3 ֆուտբոլիստից

5 ֆուտբոլիստ հեռացել է «Փյունիկից»

«Նոան» առաջարկել է ՀՖՖ գործկոմի անդամի թեկնածու, իսկ նախագահի հարցում դեռ չի կողմնորոշվել

Բարձրագույն խմբի 15-րդ տուրի խորհրդանշական հավաքականը և լավագույն ֆուտբոլիստը

«Փյունիկ» ՖԱ-ն ՀՖՖ նախագահի ընտրություններում առաջադրել է Արսեն Աղաջանյանի թեկնածությունը

«Գանձասար-Կապանից» շուրջ 2,5 տարի պահանջվեց «Շիրակին» ԲԽ-ում հաղթելու համար

Մխիթարյան-200․ Հենրիխի համար հոբելյանական էր «Վերոնայի» դեմ խաղում խփած գոլը

Ջոնել Դեսիրեն ԲԽ-ի պատմության մեջ միակ լեգեոներն է, որին հաջողվել է պենտա-տրիկի հեղինակ դառնալ

Արմեն Պետրոսյան․ «Շատ գոհ եմ մեր ֆուտբոլիստներից, բայց կան օղակներ, որոնք պետք է համալրենք» (տեսանյութ)