Սեպտեմբերի 2020
Երկ	Երք	Չրք	Հնգ	Ուր	Շբթ	Կիր
« Օգս
	1	2	3	4	5	6
7	8	9	10	11	12	13
14	15	16	17	18	19	20
21	22	23	24	25	26	27
28	29	30

Չորեքշաբթի, 13 Նոյեմբերի, 2019 | Ֆուտբոլ » Կոբյալկոն Հայաստանում հանդես եկած միակ լեգեոներն է, որ արդյունավետության տարիքային ռեկորդ է սահմանել

Կոբյալկոն Հայաստանում հանդես եկած միակ լեգեոներն է, որ արդյունավետության տարիքային ռեկորդ է սահմանել

489
Հեղինակ՝ Աշոտ Հայրապետյան

«Արարատ-Արմենիայի» 33-ամյա հարձակվող Անտոն Կոբյալկոն, «Երևանի» հետ խաղում դառնալով դուբլի հեղինակ, 2019թ. օրացուցային տարում ՀՀ առաջնություններում խփած գոլերի քանակը հասցրեց 16-ի և գերազանցեց Արսեն Ավետիսյանի արդյունավետության տարիքային ռեկորդը: Վերջինս ՀՀ առաջնություններում հանդես եկած ֆուտբոլիստներից 33 տարեկանում բոլորից արդյունավետ էր գործել՝ 2006թ. առաջնությունում «Փյունիկում» խփելով 15 գնդակ:

16 գոլերից 12-ը Կոբյալկոն խփել էր նախորդ առաջնության գարնանային հատվածում, 4-ն՝ ընթացիկ առաջնությունում: Կոբյալկոն միակ լեգեոնականն է, որ ընդգրկվեց արդյունավետության տարիքային ռեկորդակիրների ցանկում: Ռուսաստանցի հարձակվողը ՀՀ առաջնություններում ընդհանուր առմամբ 19 գոլի հեղինակ է դարձել: Այդ ցուցանիշով նա հավասարվեց իր հայրենակից, «Միկայի» նախկին ֆուտբոլիստ Անդրեյ Բուլանովին՝ վերջինիս հետ դառնալով Բարձրագույն խմբում ռուսաստանցի լավագույն ռմբարկուն:

Բարձրագույն խմբի 13-րդ տուրը՝ 10 փաստով

ՀՀ առաջնություններում գոլերի հեղինակներ են դարձել 15-42 տարեկան ֆուտբոլիստները: 15 տարեկանում բոլորից արդյունավետ է գործել ժամանակին «Փյունիկի» հրաշամանուկը՝ Էդգար Մանուչարյանը (2 գոլ), որին են պատկանում նաև 16 և 17 տարեկանների տարիքային ռեկորդները: Իսկ գոլ խփած ամենատարեց ֆուտբոլիստը «Կանազի» նախկին հարձակվող Ռոբերտ Հարությունյանն է, որն աչքի է ընկել 42 տարեկանում:

Տարիքային ռեկորդների մեծամասնությունը գրանցվել է 1992-1994թթ. առաջնություններում, որոնցում թիմերի խաղամակարդակների տարբերությունը զգալի էր, որի հետևանքով էլ արդյունավետությունը բավական բարձր էր: Իսկ ահա 21-րդ դարում ընդամենը տարիքային 10 ռեկորդ է գրանցվել:

Բարձրագույն խմբի 13-րդ տուրի խորհրդանշական հավաքականը և լավագույն ֆուտբոլիստը

Ծանոթանալով ստորև ներկայացվող տարիքային ռեկորդների ցանկին՝ համոզվում ես, որ ներկայիս պայմաններում իրոք շատ դժվար կլինի դրանցից թեկուզ մի քանիսի գերազանցումը: Բացառություն է կազմում թերևս 30 տարեկանի տարիքային ռեկորդը, որի գերազանցման համար այդ տարիքի ֆուտբոլիստներին անհրաժեշտ կլինի ընդամենը 13 գոլ խփել: Սակայն, որքան էլ որ զարմանալի է, արդեն 18 տարի այդ ցուցանիշը նույնիսկ չի հաջողվում կրկնել:

Նշենք, որ ընթացիկ առաջնության մասնակից 30-ամյա ֆուտբոլիստներից ամենաարդյունավետը փյունիկցի Դենիս Մահմուդովն է, որը 5 գոլ է խփել: Այնպես որ այս տարի էլ տարիքային այդ ռեկորդն անգերազանցելի կմնա:

VNews.am-ը ներկայացնում է ՀՀ առաջնությունների տարիքային ռեկորդների ցանկը:

Տարիք	Ֆուտբոլիստ	Ակումբ	Գոլ	Թվական
15	Էդգար Մանուչարյան	«Փյունիկ»	2	2002
16	Էդգար Մանուչարյան	«Փյունիկ»	12	2003
17	Էդգար Մանուչարյան	«Փյունիկ»	21	2004
18	Արթուր Քոչարյան	«Մալաթիա»	23	1992
19	Պետիկ Գևորգյան	«Քասախ»	23	1992
20	Արա Հակոբյան	«Արաքս»	21	2000
21	Արսեն Ավետիսյան	«Փյունիկ»	39	1994
22	Մկրտիչ Հովհաննիսյան Անուշավան Փահլևանյան	«Կանազ» «Ցեմենտ»	23 23	1992 1994
23	Արա Հակոբյան	«Բանանց»	45	2003
24	Կարեն Մարկոսյան	«Արարատ»	29	1992
25	Գեղամ Հովհաննիսյան	«Վան»	28	1992
26	Գեղամ Հովհաննիսյան	ՀՄԸՄ	26	1993
27	Անդրանիկ Հովսեփյան	«Բանանց»	26	1993
28	Աշոտ Բարսեղյան	«Բանանց»	34	1992
29	Էդուարդ Վերանյան	«Կիլիկիա», «Սյունիք»	26	1992
30	Սարգիս Կարապետյան Սարգիս Նազարյան	«Շիրակ» «Զվարթնոց»	12 12	1993 2001
31	Սերգեյ Հայրբաբամյան	«Կիլիկիա», «Իմպուլս»	28	1992
32	Հովհաննես Թումբարյան	«Ցեմենտ»	24	1993
33	Անտոն Կոբյալկո	«Արարատ-Արմենիա»	16	2019
34	Ռաֆայել Հակոբյան	«Իմպուլս»	29	1992
35	Արթուր Քոչարյան	«Ուլիս»	15	2009
36	Սամվել Նիկոլյան	«Միկա»	15	2000
37	Խորեն Հովհաննիսյան	ՀՄԸՄ	17	1992
38	Խորեն Հովհաննիսյան Արսեն Ավետիսյան	ՀՄԸՄ «Գանձասար»	5 5	1993 2011
39	Սամվել Ավագյան	«Իմպուլս»	3	1993
40	Ռոբերտ Հարությունյան	«Կանազ»	6	1992
41	Նազար Պետրոսյան Էդուարդ Հարությունյան Էդիկ Ասոյան Ռոբերտ Հարությունյան	«Կոտայք» «Կոտայք» «Նաիրի» «Կանազ»	1 1 1 1	1992 1992 1992 1993
42	Ռոբերտ Հարությունյան	«Կանազ»	1	1994