fbpx
Բաժիններ

Վարազդատ Հարոյանն ու Կամո Հովհաննիսյանը հոբելյաններ նշեցին իտալացիների հետ մղձավանջային խաղում

Իտալիայի հավաքականի հետ ԵՎՐՈ-2020-ի ընտրական մրցաշարի ավարտական խաղում Հայաստանի հավաքականի երկու փորձառու պաշտպաններ Վարազդատ Հարոյանն ու Կամո Հովհաննիսյանն ազգային թիմի մարզաշապիկով 50-րդ անգամ խաղադաշտ դուրս եկան և ընդգրկվեցին Արթուր Պետրոսյանի անվան խորհրդանշական «50-ի ակումբի» շարքերը:

Ինչպես արդեն կռահեցիք, այդ ակումբում ընդգրկվում են ՀՀ հավաքականի կազմում 50 խաղի սահմանագիծը հատած ֆուտբոլիստները: Իսկ ակումբը կոչվում է Արթուր Պետրոսյանի անվամբ, քանի որ «Շիրակի» և ՀՀ հավաքականի նախկին ֆուտբոլիստն առաջինն է հատել 50 խաղի սահմանագիծը: Նա այդ հոբելյանը նշել է 2001թ. մարտի 24-ին Երևանում Ուելսի հավաքականի հետ կայացած աշխարհի առաջնության ընտրական մրցախաղում: Հետաքրքիր է, որ 4 օր անց Լեհաստանում կայացած ընտրական մրցախաղում նման հոբելյան նշեց անցկացրած խաղերի քանակով Հայաստանի հավաքականի ռեկորդակիր Սարգիս Հովսեփյանը:

Իտալիա – Հայաստան հանդիպումը՝ 10 փաստով

Երկու հոբելյարներից ՀՀ հավաքականի մարզաշապիկն առաջինը կրելու պատվին է արժանացել Վարազդատ Հարոյանը: Նա նորամուտը նշել է 2011թ. օգոստոսի 10-ին Կաունասում Լիտվայի հավաքականի հետ կայացած ընկերական խաղում, որում ՀՀ հավաքականը 0-3 հաշվով պարտություն է կրել: Այդ օրը Հարոյանը 18 տարեկան 351 օրական էր:

Հարոյանի համար նորամուտն անհաջող ստացվեց: Երկրորդ խաղակեսի սկզբում ընդամենը 8 րոպեում երկու անգամ զգուշացվելով՝ 58-րդ րոպեին Հարոյանը հեռացվեց խաղադաշտից: Այդ պահին մեր ընտրանին մրցակցին զիջում էր 0-1 հաշվով:

Պաշտոնական մրցումներում Հարոյանը նորամուտը նշել է 2013թ. հունիսի 11-ին Կոպենհագենում դանիացիների հետ կայացած Աշխարհի առաջնության ընտրական մրցախաղում, որում մեր ֆուտբոլիստները 4-0 հաշվով ջախջախեցին մրցակցին: Հարոյանը մասնակցեց ամբողջ հանդիպմանը: Այդ խաղից սկսած Հարոյանն իր հաստատուն տեղը զբաղեցրեց ՀՀ հավաքականի մեկնարկային կազմում:

Աբրահամ Խաշմանյանի մամուլի ասուլիսն Իտալիա – Հայաստան (9-1) խաղից հետո

Հայաստանի հավաքականում անցկացրած 50 հանդիպումներից 48-ում Հարոյանը եղել է մեկնարկային կազմում՝ փոխարինվելով ընդամենը 2 անգամ: 2 խաղում էլ նա փոխարինման է մտել:

Հարոյանը դարձել է 2 գոլի հեղինակ՝ գոլերի հաշիվը բացելով 2016թ. նոյեմբերի 11-ին Երևանում Չեռնոգորիայի հավաքականի հետ կայացած աշխարհի առաջնության ընտրական մրցախաղում, որում մեր ֆուտբոլիստները 3-2 հաշվով կամային հաղթանակ տոնեցին: Հաջորդ տարվա նոյեմբերի 13-ին Երևանում Կիպրոսի հավաքականի հետ կայացած ընկերական խաղում (3-2) Հարոյանը կրկին աչքի ընկավ դիպուկ հարվածով:

ՀՀ հավաքականում Հարոյանը 23 անգամ խաղադաշտ է դուրս եկել որպես Եկատերինբուրգի «Ուրալի» ֆուտբոլիստ: 21 խաղում նա ներկայացրել է «Փյունիկը», 6 խաղում՝ իրանական «Փադիդեն»:

Հովհաննես Համբարձումյան. «Շատ վատ արդյունք, շատ վատ խաղ, արժանի պարտություն» (Տեսանյութ)

Կամո Հովհաննիսյանի նորամուտը Հայաստանի հավաքականում կայացել է 2012թ. փետրվարի 28-ին Կիպրոսի Լիմասոլ քաղաքում սերբերի հետ կայացած ընկերական մրցախաղում, որում մրցակիցը 2 անպատասխան գնդակ խփեց: Այդ խաղում հավաքականի գլխավոր մարզիչ Վարդան Մինասյանն ասպարեզ էր դուրս բերել հիմնականում երիտասարդ ֆուտբոլիստների, քանի որ հաջորդ օրը հիմնական կազմը մրցելու էր Կանադայի ընտրանու հետ:

Կամո Հովհաննիսյանն ընդմիջումից անմիջապես հետո մտավ խաղադաշտ՝ փոխարինելով Մասիս Ոսկանյանին, որը ևս նորամուտն էր նշել հավաքականում: Կամոն 19 տարեկան 146 օրական էր: Ի դեպ, բացի նրանցից, այդ խաղում ՀՀ հավաքականի մարզաշապիկն առաջին անգամ էին կրում նաև Գրիգոր Մելիքսեթյանը, Անդրանիկ Ոսկանյանը, Ղուկաս Պողոսյանը, Գագիկ Դաղբաշյանը և Վալտեր Պողոսյանը:

Ի դեպ, Կամոն մասնակցեց նաև հաջորդ օրը կանադացիների հետ կայացած խաղին (3-1)՝ ավելացված ժամանակում փոխարինելով Լևոն Հայրապետյանին: Իսկ պաշտոնական մրցումներում Հովհաննիսյանը նորամուտն ավելի շուտ նշեց, քան Հարոյանը՝ մասնակցելով 2013թ. մարտի 26-ին Երևանում չեխերի հետ կայացած աշխարհի առաջնության ընտրական մրցախաղին (0-3):

Արթուր Սարկիսով. «Որքան շատ էինք տանջվում, այնքան ավելի շատ էինք կործանվում»

Հայաստանի հավաքականում անցկացրած 50 հանդիպումներից 37-ում Հովհաննիսյանը եղել է մեկնարկային կազմում՝ փոխարինվելով 7 անգամ: 13 խաղում էլ նա փոխարինման է մտել:

Կամոյին առայժմ չի հաջողվել բացել գոլերի հաշիվը ՀՀ հավաքականում: Փոխարենը 2015թ. հոկտեմբերի 11-ին ալբանացիների հետ Երևանում կայացած աշխարհի առաջնության ընտրական մրցախաղում (0-3) նա ինքնագոլի հեղինակ է դարձել:

Հովհաննիսյանն էլ ՀՀ հավաքականում 3 ակումբ է ներկայացրել: Առաջին 30 հանդիպումներում նա «Փյունիկի» ֆուտբոլիստ էր: Հաջորդ 7 խաղերում Կամոն ներկայացրել է բելառուսական «Տորպեդո-Բելազը», մնացած 13 խաղերում՝ ղազախական «Ժետիսուն», որին օրերս հրաժեշտ է տվել:

Էդգար Բաբայան. «Շատ կներե՛ք. կփորձենք՝ նման բան այլևս չստացվի»

Մեր ընտրանու 27-ամյա տարեգրության ընթացքում 50 խաղի իրոք դժվարին սահմանագիծը հաջողվել է հատել ընդամենը 17 ֆուտբոլիստի: Հայաստանի հավաքականում 50 խաղի սահմանագիծը բոլորից արագ՝ 8 մրցաշրջանում են հաղթահարել Հարություն Վարդանյանը, Ռոբերտ Արզումանյանը, Հենրիխ Մխիթարյանն ու Կամո Հովհաննիսյանը: Ընդ որում Հենրիխը 50-րդ խաղի հոբելյանը նշած ամենաերիտասարդ ֆուտբոլիստն է: 2014թ. նոյեմբերի 14-ին պորտուգալացիների հետ խաղի օրը նա 25 տարեկան 297 օրական էր:

VNews.am-ը ներկայացնում է Արթուր Պետրոսյանի անվան խորհրդանշական «50-ի ակումբի» անդամներին՝ նշելով ՀՀ հավաքականում անցկացրած խաղերի ընդհանուր քանակը, ինչպես նաև թե ֆուտբոլիստներից ով որ մրցախաղում և որ տարիքում է նշել 50-րդ խաղի հոբելյանը և քանի մրցաշրջան է պահանջվել նման արդյունքի հասնելու համար:

Ֆուտբոլիստներ Խաղ 50-րդ խաղը Տարիք Մրց.
1. Սարգիս Հովսեփյան 132 28.03.2001. Լեհաստան՝ 0-4 (ԱԱ) 28 տ. 146 օր. 10
2. Ռոման Բերեզովսկի 94 17.11.2007. Պորտուգալիա`0-1 (ԵԱ) 33 տ. 104 օր. 12
3.Հենրիխ Մխիթարյան 86 14.11.2014. Պորտուգալիա`0-1 (ԵԱ) 25 տ. 297 օր. 8
4.Ռոբերտ Արզումանյան 74 28.02.2012. Սերբիա՝ 0-2 (Ը) 26 տ. 219 օր. 8
5. Գևորգ Ղազարյան 71 31.08.2016. Չեխիա՝ 0-3 (Ը) 28 տ. 148 օր. 10
6. Արթուր Պետրոսյան 69 24.03.2001. Ուելս՝ 2-2 (ԱԱ) 29 տ. 97 օր. 10
7. Մարկոս Պիզելի 67 31.08.2016. Չեխիա՝  0-3 (Ը) 31 տ. 333 օր. 9
8. Հարություն Վարդանյան 63 06.10.2001. Նորվեգիա՝ 1-4 (ԱԱ) 30 տ. 305 օր. 8
9. Համլետ Վ. Մխիթարյան 56 13.10.2007. Սերբիա՝ 0-0 (ԵԱ) 33 տ. 323 օր. 14
10. Կառլեն Մկրտչյան 56 09.09.2018. Մակեդոնիա՝  0-2 (ԱԼ) 29 տ. 288 օր. 10
11. Արթուր Ոսկանյան 54 15.10.2008. Բոսնիա՝ 1-4 (ԱԱ) 32 տ. 63 օր. 10
12. Ռոմիկ Խաչատրյան 54 17.11.2007. Պորտուգալիա`0-1 (ԵԱ) 29 տ. 86 օր. 11
12. Էդգար Մանուչարյան 54 01.06.2016. Սալվադոր՝ 4-0 (Ը) 29 տ. 134 օր. 13
14. Արմեն Շահգելդյան 53 07.02.2007. Անդորրա՝ 0-0 (Ը) 33 տ. 163 օր. 16
15. Արտավազդ Քարամյան 51 14.10.2009. Թուրքիա՝ 0-2 (ԱԱ) 29 տ. 334 օր. 10
16. Վարազդատ Հարոյան 50 18.11.2019. Իտալիա՝ 1-9 (ԵԱ) 27 տ. 86 օր. 9
17. Կամո Հովհաննիսյան 50 18.11.2019. Իտալիա՝ 1-9 (ԵԱ) 27 տ. 44 օր. 8

Հայաստանի հավաքականի վերջին նորությունները

Միացի՛ր հայկական ամենասպորտային Instagram-ին:


Վարազդատ Հարոյանը գոլային փոխանցման հեղինակ է դարձել «Ուրալում» (տեսանյութ)

Գերմանիայի հավաքականն ընկերական խաղեր կանցկացնի Իսպանիայի և Իտալիայի ընտրանիների հետ

ԵՎՐՈ 2020-ի փլեյ-օֆֆ փուլից կկիրառվի VAR համակարգը

Ազգերի լիգա 2020-21․ Հայաստանի հավաքականը C դիվիզիոնի 4-րդ զամբյուղում է

«Հիմա չպետք է մտածենք փողի մասին․ Տիգրանը թող այնպիսի թիմում խաղա, որ հետագայում միանա ավելի հզոր թիմի»․ Աշոտ Բարսեղյան

Մխիթարյան-200․ Հենրիխի համար հոբելյանական էր «Վերոնայի» դեմ խաղում խփած գոլը

Մահվան խումբը «կրակ» է․ Տեղի ունեցավ ԵՎՐՈ 2020 խմբային փուլի վիճակահանությունը

Այսօր տեղի կունենա ԵՎՐՈ 2020-ի վիճակահանությունը. Բոլոր զամբյուղներն ու խմբերը

Հայաստանի հավաքականը ՖԻՖԱ-ի վարկնիշային աղյուսակում կրկին նահանջել է

Գևորգ Ղազարյանի կոշտ պատասխանը՝ Աբրահամ Խաշմանյանին

Խաշմանյան. «Իմ հայտարարությունն ուղղված չի եղել հավաքականին կամ որևէ ֆուտբոլիստի»

Գյումրիում հայկական ֆուտբոլում ստեղծված իրավիճակի շուրջ քննարկում է կազմակերպվել (տեսանյութ)

#Exclusive. Հենրիխ Մխիթարյանի մեծ հարցազրույցը VNews-ին՝ շուտով (տեսանյութ)

Հայտնի են Ազգերի լիգայի փլեյ-օֆֆի զույգերը, որոնք կխաղարկեն ԵՎՐՈ 2020-ի 4 ուղեգիր

Արամ Հայրապետյանը Եվրո 2020-ի ընտրական փուլում՝ Հայաստանի լավագույն ֆուտբոլիստ

«Չեմ պատկերացնում, թե ինչպես աշխատել այդ մարզչի հետ». Հարոյանը՝ Խաշմանյանի մասին