Բեյլն արձագանքել է երկրպագուների՝ իրեն ուղղված «Ուելս, գոլֆ, Մադրիդ» վանկարկումներին

Մադրիդի «Ռեալի» հարձակողական ոճի կիսապաշտպան Գարեթ Բեյլը պատմել է՝ ինչպես է ընդունել Ուելսի հավաքականի երկրպագուների՝ իրեն ուղղված վանկարկումների և պաստառի բովանդակությունը:

Ֆուտբոլասերները ԵՎՐՈ 2020-ի ընտրական փուլում Ադրբեջանի ընտրանու հետ կայացած հանդիպմանը (2-0) խաղացողի հասցեին վանկարկել են․ «Ուելս, գոլֆ, Մադրիդ»: Երկրպագուները մրցավեճի ընթացքում նաև նման գրությամբ պաստառ են բացել: Նրանց կարծիքով՝ Բեյլի առաջնահերթությունները հենց այդպիսի դասավորություն ունեն:

«Այո՛, ես լսել եմ դա: Երբ փոխարինվելուց հետո արդեն գտնվում էի պահեստայինների նստարանին, բոլոր տղաները ծիծաղում էին: Այդ ամենն իսկապես զվարճալի էր»,- հարցին ժպիտը դեմքին պատասխանել է Բեյլը, իսկ վերջինիս խոսքերը մեջբերում է Sgorio-ն:

Բեյլը «Ռեալից» հեռանալու միայն մեկ տարբերակ ունի

Միացի՛ր հայկական ամենասպորտային Instagram-ին: