Ընթացիկ առաջնության առաջին պոկերը, «Լոռիից» 461 րոպե պահանջվեց «Արարատ-Արմենիային» գոլ խփելու համար - VNews
Բաժիններ

Ընթացիկ առաջնության առաջին պոկերը, «Լոռիից» 461 րոպե պահանջվեց «Արարատ-Արմենիային» գոլ խփելու համար

Բարձրագույն խմբի 14-րդ տուրը՝ 10 փաստով

14-րդ տուրն անհաջող էր առաջնության առաջատար եռյակի համար: Միայն «Արարատին» հաջողվեց մեկ միավոր վաստակել ու կրկին իրեն վերադարձնել 1-ին հորիզոնականը: Իսկ ահա աղյուսակը գլխավորող «Արարատ-Արմենիան» և եռյակը եզրափակող «Շիրակը» պարտություններ կրեցին:

Տուրի ամենաուշագրավ իրադարձությունները ներկայացնում ենք 10 փաստի տեսքով:

1․ Տուրն անցավ հյուրերի առավելությամբ, որոնք տոնեցին 2 հաղթանակ, 2 խաղ ավարտեցին ոչ-ոքի, կրեցին մեկ պարտություն: Դաշտի տերերից հաջողությունն ուղեկցեց միայն «Լոռիին»: Առաջնությունում անցկացված 70 հանդիպումներից 33-ում հաղթել են դաշտի տերերը, 23-ում՝ հյուրերը, 14 խաղում գրանցվել է ոչ-ոքի:

«Ուրարտուի» և «Նոայի» «ցրտաշունչ» հանդիպումը․ VNews-ի ֆոտոշարքը

Այս տուրն էլ աչքի ընկավ բարձր արդյունավետությամբ. 5 խաղում խփվեց 18 գոլ (միջինը մեկ խաղում՝ 3,6 գոլ): Իսկ ամենաարդյունավետը 12-րդ տուրն էր, որում 24 գնդակ էր խփվել (միջինը մեկ խաղում՝ 4,8 գոլ): Առաջնությունում անցկացված 70 հանդիպումներում խփվել է 205 գոլ (միջինը մեկ խաղում՝ 2,92 գոլ): Ընթացիկ առաջնության հոբելյանական՝ 200-րդ գոլի հեղինակ դարձավ փյունիկցի Սերգեյ Շևչուկը, որը «Երևանի» հետ խաղում իր թիմի 5-րդ գնդակն էր խփել:

2․ «Շիրակն» առաջին պարտությունը կրեց Գյումրիում, որը 2-րդ անընդմեջն էր ընթացիկ առաջնությունում: Մինչ այդ սեփական հարկի տակ անցկացրած 6 հանդիպումներից 5-ում «Շիրակը» հաղթել էր և միայն «Գանձասար-Կապանի» հետ մրցավեճում էր միավորներ կորցրել՝ խաղն ավարտելով գոլազուրկ ոչ-ոքի:

3․ «Լոռիին» վերջապես հաջողվեց ոչ միայն գրավել «Արարատ-Արմենիայի» դարպասը Բարձրագույն խմբի հանդիպումներում, այլև առաջին հաղթանակը տոնել չեմպիոնի նկատմամբ: «Արարատ-Արմենիայի» հետ հանդիպումներում գոլերի հաշիվը բացելու համար «Լոռիից» 461 րոպե պահանջվեց:

Վադիմ Լազորենկո․ «Մրցակիցն ինձ շատ դուր եկավ, բայց մեր ֆուտբոլիստներից էլ չեմ կարող դժգոհել» (տեսանյութ)

4․ Վերջին 5 հանդիպումներում «Արարատի» մասնակցությամբ հանդիպումներում 11մ 6 հարված է նշանակվել, որից 4-ը՝ արարատցիների օգտին: Արարատցիներից 2-ական դիպուկ հարված են կատարել Արտակ Ալեքսանյանն ու Ալեքսանդր Կոզլովը: Վերջինս ընթացիկ առաջնությունում 4-րդ գոլը խփեց և ընդգրկվեց թիմի ամենաարդյունավետ լեգեոնականների տասնյակում: Կոզլովը Դեդեչկոյի հետ գլխավորեց «Արարատի» լավագույն ռմբարկուների ցանկը:

5․ «Փյունիկը» գերազանցեց ընթացիկ առաջնության ամենախոշոր հաշվով հաղթանակի ռեկորդը, որ սահմանել էր «Արարատ-Արմենիան» «Երևանի» հետ կայացած նախորդ տուրի մրցավեճում (7-2): Փյունիկցիները հետնապահին ջախջախեցին 8-2 հաշվով՝ միաժամանակ դառնալով ընթացիկ առաջնության ամենագոլառատ խաղի մասնակիցներ, որում 10 գոլ խփվեց:

ՀՀ առաջնություններում վերջին անգամ մեկ խաղում 10 գոլ է գրանցվել 2014թ. հոկտեմբերի 19-ին կայացած «Արարատ» – «Բանանց» խաղում՝ 4-6:

Միացի՛ր հայկական ամենասպորտային Instagram-ին:

1 2

VBET Հայաստանի Պրեմիեր լիգա. Նոր մրցաշրջանի 5 գլխավոր ինտրիգները (տեսանյութ)

ՉԼ խաղ է չեղարկվել կորոնավիրուսի պատճառով․ Հաղթած թիմը շուտով կարող է հանդիպել «Արարատ-Արմենիային»

Տրանսֆերային ամառ-2020․ VBET Հայաստանի Պրեմիեր լիգայի ակումբների համալրումները և կորուստները (թարմացվում է)

Պաշտոնական․ Նարեկ Պետրոսյանը հեռացավ «Ուրարտուից»

Պաշտոնական․ Ռումյան Հովսեփյանը վերադարձավ VBET Հայաստանի Պրեմիեր լիգա

«Լոռիի» պահանջը չունի իրավական որևէ հիմք»․ ՀՖՖ պատասխանը «Լոռիի» հայտարարությանը

Կամո Հովհաննիսյան. «Հաճելի կլինի խաղալ հայկական թիմի դեմ»

«Լոռին» կարող է չմասնակցել Հայաստանի առաջնությանը

Եվրոպա լիգայում հայկական ակումբների խաղերի ժամանակացույցը

«Ուրարտուի» կազմը համալրել է երիտասարդ նիգերացի կիսապաշտպան

ՀՖՖ-ն ներկայացրել է VBET Հայաստանի Պրեմիեր լիգայի տարբերանշանի ստեղծման պատմությունը (նկարներ)

VBET Հայաստանի Պրեմիեր լիգա. Առաջնությունը նոր անուն և տարբերանշան ունի

Տիգրան Վիրաբյան. «Շիրակի»՝ բարձր տեղերի հավակնելու ակնկալիքները չեն փոխվել»

«Շիրակ» ակումբը նոր նախագահ ունի

Ռեկորդ. Ամենատարեց ֆուտբոլիստը, որ գոլ է խփել Հայաստանի սուպերգավաթի խաղարկություններում

Բենիկ Հովհաննիսյանը դարձավ եռակի սուպերգավաթակիր, Սարգիս Շահինյանին չհաջողվեց ինքնատիպ նվաճման հասնել