Գրիգորյանը չեմպիոնի դեմ խաղով կսկսի աշխատանքն առաջնությունում․ Ամենաուշագրավ փաստերը՝ ԲԽ-ի 15-րդ տուրին ընդառաջ - VNews
Բաժիններ

Գրիգորյանը չեմպիոնի դեմ խաղով կսկսի աշխատանքն առաջնությունում․ Ամենաուշագրավ փաստերը՝ ԲԽ-ի 15-րդ տուրին ընդառաջ

«ԱԼԱՇԿԵՐՏ» – «ՓՅՈԻՆԻԿ»  

1 դեկտեմբերի, ժ.14:00, Երևան, «Նաիրի» մարզադաշտ

29 խաղ, «Ալաշկերտը» հաղթել է 10 անգամ, «Փյունիկը»՝ 12, գրանցվել է 7 ոչ-ոքի, խփած և բաց թողած գոլերի հարաբերակցությունը՝ 40-43

1-ին շրջան. 13.09.2019 «Փյունիկ» 0-3 «Ալաշկերտ»
Գոլերը՝ 0-1-0-2՝ Գուստավո Մարմենտինի 27՛, 57՛, 0-3՝ Տիագո Գալվաո 84՛

«Ալաշկերտ»՝ 3-րդ տեղ (26 միավոր), «Փյունիկ»՝ 7-րդ տեղ (19 միավոր):  

Հետաքրքիր 5 փաստ՝ հանդիպմանն ընդառաջ

1․ Հանդիպմանը նախապատրաստվելու համար «Ալաշկերտն» ավելի քիչ ժամանակ է ունեցել, քան «Փյունիկը»: Գործող գավաթակիր «Ալաշկերտը» VBet Հայաստանի գավաթի քառորդ եզրափակիչ մրցախաղում 1-3 հաշվով պարտվեց «Գանձասար-Կապանին» ու դուրս մնաց հետագա պայքարից: «Փյունիկը» գավաթի մրցաշարից դուրս էր մնացել ավելի վաղ՝ 1/8 եզրափակչում հետխաղյա 11մ հարվածներով զիջելով «Ուրարտուին»:

2․ Իսկ ահա առաջնությունում ալաշկերտցիների գործերը վատ չեն ընթանում: Վերջին 4 խաղերում «Ալաշկերտը» կրկին վերելքով հանդես եկավ՝ վաստակելով 10 միավոր, հաղթելով «Ուրարտուին» (4-2), «Արարատ-Արմենիային» (2-1) և «Շիրակին» (3-1), ոչ-ոքի խաղալով «Արարատի» (1-1) հետ:

3․ Լավագույն վեցյակում ընդգրկվելու համար պայքարող «Փյունիկը» վերջին երկու հանդիպումներում կարևոր հաղթանակներ տոնեց, ընդ որում «Երևանի» հետ մրցավեճում գրանցվեց ընթացիկ առաջնության ամենախոշոր հաշիվը՝ 8-2: Այդ խաղում փյունիկցի Դենիս Մահմուդովը դարձավ ընթացիկ առաջնությունում գրանցված առաջին պոկերի հեղինակը՝ 9 գնդակով գլխավորելով «Փյունիկի» լավագույն ռմբարկուների ցանկը:

4․ Հետաքրքիր է, որ հենց «Փյունիկի» հետ առաջնության առաջին շրջանի խաղում էր Արմեն Ադամյանը ստանձնել «Ալաշկերտի» ղեկը: Նորամուտը շատ հաջող ստացվեց, որից հետո «Ալաշկերտը» հաջորդ 3 հանդիպումներում ևս հաղթեց մրցակիցներին:

5․ Վերջին տարիներին «Ալաշկերտում» հանդես եկած Եդիգարյան եղբայրները հնարավոր է միմյանց դեմ խաղադաշտ դուրս գան: Արտակ Եդիգարյանը «Փյունիկի» հետ հանդիպումներում բավական արդյունավետ է գործել՝ խփելով 7 գնդակ: 2017թ. օգոստոսի 25-ին մրցակիցների միջև կայացած խաղում (5-1) Արտակ Եդիգարյանը հեթ-տրիկի հեղինակ էր դարձել, որն առաջինն էր նրա ֆուտբոլային կարիերայում:

Դիմակայության լավագույն ռմբարկուները՝

«Ալաշկերտ»՝ Միհրան Մանասյան՝ 11 գոլ:

«Փյունիկ»՝ Սարգիս Բալոյան, Կամո Հովհաննիսյան՝ 4-ական գոլ:

Միացի՛ր հայկական ամենասպորտային Instagram-ին:

1 2 3 4 5

FeedConstruct-ը ձեռք է բերել VBET Հայաստանի Պրեմիեր լիգայի բացառիկ մեդիա իրավունքները

VBET Հայաստանի Պրեմիեր լիգա. Նոր մրցաշրջանի 5 գլխավոր ինտրիգները (տեսանյութ)

ՉԼ խաղ է չեղարկվել կորոնավիրուսի պատճառով․ Հաղթած թիմը շուտով կարող է հանդիպել «Արարատ-Արմենիային»

Տրանսֆերային ամառ-2020․ VBET Հայաստանի Պրեմիեր լիգայի ակումբների համալրումները և կորուստները (թարմացվում է)

Պաշտոնական․ Նարեկ Պետրոսյանը հեռացավ «Ուրարտուից»

Պաշտոնական․ Ռումյան Հովսեփյանը վերադարձավ VBET Հայաստանի Պրեմիեր լիգա

«Լոռիի» պահանջը չունի իրավական որևէ հիմք»․ ՀՖՖ պատասխանը «Լոռիի» հայտարարությանը

Կամո Հովհաննիսյան. «Հաճելի կլինի խաղալ հայկական թիմի դեմ»

«Լոռին» կարող է չմասնակցել Հայաստանի առաջնությանը

Եվրոպա լիգայում հայկական ակումբների խաղերի ժամանակացույցը

«Ուրարտուի» կազմը համալրել է երիտասարդ նիգերացի կիսապաշտպան

ՀՖՖ-ն ներկայացրել է VBET Հայաստանի Պրեմիեր լիգայի տարբերանշանի ստեղծման պատմությունը (նկարներ)

VBET Հայաստանի Պրեմիեր լիգա. Առաջնությունը նոր անուն և տարբերանշան ունի

Տիգրան Վիրաբյան. «Շիրակի»՝ բարձր տեղերի հավակնելու ակնկալիքները չեն փոխվել»

«Շիրակ» ակումբը նոր նախագահ ունի

Ռեկորդ. Ամենատարեց ֆուտբոլիստը, որ գոլ է խփել Հայաստանի սուպերգավաթի խաղարկություններում