Արմեն Հովհաննիսյանն իր առաջին գոլն է խփել Սլովակիայի Սուպերլիգայում (տեսանյութ)

«Զեմպլին Միխալովցեն» Սլովակիայի Սուպերլիգայի ընթացիկ առաջնության 17-րդ տուրում հյուրընկալվելիս 2-0 հաշվով առավելության է հասել «Սերեդի» նկատմամբ։

«Զեմպլինից» հաշիվը կրկնապատկել է Հայաստանի երիտասարդական հավաքականի հարձակվող Արմեն Հովհաննիսյանը, որը գոլի հեղինակ է դարձել ավելացված ժամանակի 4-րդ րոպեին: Սա 19-ամյա ֆուտբոլիստի առաջին գոլն էր Սլովակիայի Սուպերլիգայում: Հարկ է նշել, որ Հովհաննիսյանն այս մրցավեճում փոխարինման է մտել միայն հիմնական ժամանակի վերջին րոպեին, ստացել նաև դեղին քարտ:

Հայ հարձակվողն ընթացիկ առաջնությունում մասնակցել է 5 հանդիպման՝ բոլոր դեպքերում էլ մտնելով փոխարինման:

Գևորգ Ղազարյանը ապաքինվել է ու դաշտ դուրս եկել իր ակումբի կազմում

Միացի՛ր հայկական ամենասպորտային Instagram-ին: