fbpx
Բաժիններ

Կարապետյանի և Վարդանյանի «Սոչին» նոր գլխավոր մարզիչ ունի

«Օրենբուրգի» նախկին գլխավոր մարզիչ Վլադիմիր Ֆեդոտովը գլխավորել է «Սոչին»: 53-ամյա մասնագետի պայմանագիրը նախատեսված է առաջիկա 2,5 տարվա համար:

«Ֆեդոտովը «Սոչիում» իր պարտականությունների կատարմանը կանցնի 2020 թվականից, երբ թիմը կվերադառնա արձակուրդից»,- նշված է ակումբի պաշտոնական կայքում հրապարակված հաղորդագրության մեջ:

Ֆեդոտովը «Սոչիի» գլխավոր մարզչի պաշտոնում փոխարինել է Ալեքսանդր Տոչիլինին, որը նոյեմբերի 20-ին հեռացվել էր թիմից վերջինիս անբավարար արդյունքների պատճառով: Գլխավոր մարզչի պաշտոնակատարի պարտականությունները կատարում էր Ռոման Բերեզովսկին, որը նաև Հայաստանի ազգային հավաքականի դարպասապահների մարզիչն է:

«Սոչին» Ռուսաստանի Պրեմիեր լիգայի 19-րդ տուրում ոչ-ոքի՝ 1-1 հաշվով է ավարտել «Ռուբինի» հետ հանդիպումը: Թիմն ընթացիկ առաջնությունում վաստակել է 15 միավոր և զբաղեցնում է աղյուսակի վերջին՝ 16-րդ հորիզոնականը:

Ֆեդոտովի՝ «Օրենբուրգի» գլխավոր մարզչի պաշտոնից հեռացման մասին հայտնի էր դարձել թիմի՝ Պրեմիեր լիգայի 19-րդ տուրում «Տամբովից» կրած պարտությունից հետո (0-3): Մասնագետն «Օրենբուրգը» գլխավորել էր 2017 թվականին: Թիմը նրա գլխավորությամբ հաղթել էր Ռուսաստանի Ազգային լիգայում ու նվաճել Պրեմիեր լիգայի ուղեգիր: «Օրենբուրգը» 19 տուրից հետո զբաղեցնում է աղյուսակի 13-րդ տեղը:

Հիշեցնենք, որ «Սոչին» են ներկայացնում Հայաստանի ազգային հավաքականի հարձակվող Ալեքսանդր Կարապետյանը և հարձակողական ոճի կիսապաշտպան Էրիկ Վարդանյանը: Դեկտեմբերի 23-ին ծննդյան 32-րդ տարեդարձը նշող ֆուտբոլիստը Ռուսաստանի ընթացիկ առաջնությունում մասնակցել է 14 խաղի և խփել 2 գոլ, իսկ 21-ամյա կիսապաշտպանը վերջերս է տեղափոխվել թիմ ու օրերս ենթարկվել ծնկի վիրահատության:

Բարսեղյանի ծառայություններով հետաքրքրված ակումբը նոր գլխավոր մարզիչ ունի

Միացի՛ր հայկական ամենասպորտային Instagram-ին:


Պաշտոնական․ Ռոման Բերեզովսկին հեռացավ «Սոչիից»

Թոփ-15 ամենաթանկարժեք հայ ֆուտբոլիստները 2019-ի դեկտեմբերի դրությամբ՝ ըստ Transfermarkt-ի

Էրիկ Վարդանյանը ծնկի վիրահատության է ենթարկվել

Բերեզովսկու առաջին խաղը «Սոչիի» ղեկին ոչ-ոքի ավարտվեց (տեսանյութ)

Պաշտոնական. Ռոման Բերեզովսկին նշանակվել է «Սոչիի» գլխավոր մարզչի պաշտոնակատար

Էրիկ Վարդանյանը բաց կթողնի Իտալիա – Հայաստան հանդիպումը

Լեոնարդո Բոնուչի. «Նպատակ չունեի Հայաստանին 10 հոգով թողնելու, բնազդաբար ստացվեց»

Ռոման Բերեզովսկին բացատրել է՝ ինչու հավաքականի հետ չի մեկնել Իտալիա

Հայտնի է Հայաստանի հավաքականի մարզչական շտաբը

Էրիկ Վարդանյանը՝ «Սոչի» տեղափոխության, որակազրկման և «Լոկոմոտիվ» ձախողված տեղափոխության մասին

Էրիկ Վարդանյանն արդեն «Սոչիում» է (լուսանկար)

Պաշտոնական․ Էրիկ Վարդանյանը՝ «Սոչիի» ֆուտբոլիստ

«Էրիկ Վարդանյանը 5 տարի սովորել է «Բարսելոնայում», նշանակում է, որ նա վատ չի խաղում». Սելյուկ

Championat․ Հայտնի է՝ Վարդանյանը քանի տարվա պայմանագիր կկնքի «Սոչիի» հետ

Արթուր Սողոմոնյանը հաստատել է՝ Էրիկ Վարդանյանը մոտ է ռուսական ակումբ տեղափոխությանը

Էրիկ Վարդանյանը ներողություն է խնդրել երկրպագուներից