Պաշտոնական․ 19-ամյա կոլումբացի ֆուտբոլիստը տեղափոխվել է «Լոռի»

«Լոռին» պաշտոնապես հայտարարել է նոր համալրման մասին:

«Ուրախ ենք տեղեկացնել, որ կոլումբացի վինգեր Խոսե Լուիս Գամբոան տեղափոխվել է «Լոռի» ՖԱ։

19-ամյա ֆուտբոլիստը հանդես է եկել Կոլումբիայի երկրորդ դիվիզիոնի «Բոկա Խունյորս դե Կալի» ակումբում։

Գամբոայի հետ կնքվել է 3 տարվա պայմանագիր»,- նշված է վանաձորյան ակումբի պաշտոնական կայքի հրապարակման մեջ:

Հավելենք, որ «Լոռին» Բարձրագույն խմբի առաջնության գարնանային հատվածի մեկնարկային տուրում հյուրընկալվելիս 0-2 հաշվով պարտվել է «Ուրարտուին»: Դավիդ Կամպանյայի գլխավորած թիմը 28 միավորով 3-4-րդ հորիզոնականներն է կիսում «Շիրակի» հետ: «Լոռին» 17-րդ տուրում մարտի 8-ին Գյումրիում ուժերն է չափելու «Արարատի» հետ:

Տրանսֆերային ձմեռ-2020․ Բարձրագույն խմբի ակումբների ձեռքբերումները և կորուստները (թարմացվում է)

Միացի՛ր հայկական ամենասպորտային Instagram-ին: