Իտալական թիմի ևս 4 ֆուտբոլիստ վարակվել է կորոնավիրուսով

«Սամպդորիայի» հարձակվող Մանոլո Գաբիադինին, փաստորեն, թիմի միակ ֆուտբոլիստը չէ, որ վարակված է կորոնավիրուսով:

Դրական արդյունք են տվել պաշտպան Օմար Կոլիի, կիսապաշտպան Ալբին Էկդալի, կիսապաշտպան Մորտեն Տորսբյուի և հարձակվող Անտոնիո Լա Գումինայի հանձնած թեստերը: Այս մասին թվիթերյան իր էջում գրել է լրագրող Ֆաբրիցիո Ռոմանոն:

Կորոնավիրուսով ավելի վաղ վարակվել էր նաև «Յուվենտուսի» պաշտպան Դանիելե Ռուգանին: Թուրինյան ակումբը մեկուսացրել է ֆուտբոլիստին, ինչպես նաև նրանց, որոնք Ռուգանիի հետ շփում են ունեցել: Տեղեկատվություն էր տարածվել նաև հարձակվող Պաուլո Դիբալայի վարակվածության մասին, սակայն արգենտինացին հերքել էր այդ լուրը:

COVID-19-ը գրանցվել է Չինաստանում նախորդ տարվա վերջին։ Վերջին տվյալներով՝ համաճարակի պատճառով մահացել է ավելի քան 4500 մարդ: Միևնույն ժամանակ, վարակվածներից բուժվել է ավելի քան 68 հազարը:

Ռոնալդու․ «Աշխարհի համար բարդ ժամանակաշրջան է, ու բոլորիցս այժմ պահանջվում է առավելագույն զգուշավորություն և ուշադրություն»

Միացի՛ր հայկական ամենասպորտային Instagram-ին: