«Ֆիորենտինայի» հարձակվողը նույնպես վարակվել է կորոնավիրուսով

«Ֆիորենտինայի» հարձակվող Դուշան Վլահովիչի հանձնած կորոնավիրուսի թեստը դրական արդյունք է տվել: Այս մասին թվիթերյան իր էջում գրել է լրագրող Ֆաբրիցիո Ռոմանոն:

Վլահովիչը Բելգրադի «Պարտիզանի» սան է: Նա «Ֆիորենտինայի» կազմում հանդես է գալիս 2018 թվականից: 20-ամյա հարձակվողն Ա սերիայի ընթացիկ առաջնությունում մասնակցել է 22 խաղի և խփել 6 գոլ:

Կորոնավիրուսով ավելի վաղ վարակվել էին նաև «Յուվենտուսի» պաշտպան Դանիելե Ռուգանին, ինչպես նաև «Սամպդորիայի» 5 խաղացողներ, որոնց թվում են Մատեո Գաբիադինին ու Ալբին Էկդալը:

Օզիլ․ «Ֆուտբոլը հիմա նշանակություն չունի․ պետք է ձեռնարկել բոլոր հնարավոր նախազգուշական միջոցները»

Միացի՛ր հայկական ամենասպորտային Instagram-ին: