Պելե․ «Ռոնալդուն հիմա լավագույնն է աշխարհում»

Բրազիլացի լեգենդար ֆուտբոլիստ, աշխարհի եռակի չեմպիոն Պելեն կարծիք է հայտնել, թե որ խաղացողն է լավագույնը ժամանակակից ֆուտբոլում, և ով՝ մարզաձևի պատմության մեջ:

«Կարծում եմ, որ Կրիշտիանու Ռոնալդուն հիմա լավագույնն է աշխարհում: Նա ամենակայունն է: Սակայն, իհարկե, չպետք է մոռանալ նաև Լիոնել Մեսիի մասին:

Ո՞վ է պատմության լավագույն ֆուտբոլիստը․ դա բարդ հարց է: Չպետք է մոռանալ Զիկոյի, Ռոնալդինյոյի, Ռոնալդոյի, եվրոպացիներից՝ Ֆրանց Բեկենբաուերի, Յոհան Կրույֆի մասին: Կարծում եմ՝ Պելեն բոլորից լավն էր: Ինչո՞ւ․ քանի որ բոլորը նրանց համեմատում են ինձ հետ»,- Պելեի խոսքերը մեջբերում է A Bola-ն:

Ռոնալդուն ընթացիկ մրցաշրջանում ակումբային մակարդակով բոլոր մրցաշարերի կտրվածքով մասնակցել է 32 հանդիպման, խփել 25 գոլ ու կատարել 4 արդյունավետ փոխանցում:

Ռոնալդուն ֆինանսապես ամենաշատը կտուժի կորոնավիրուսի պատճառով

Միացի՛ր հայկական ամենասպորտային Instagram-ին: