Ովքեր են հայկական ֆուտբոլի ամենատիտղոսակիր ֆուտբոլիստները - VNews
Բաժիններ

Ովքեր են հայկական ֆուտբոլի ամենատիտղոսակիր ֆուտբոլիստները

Մինչ կորոնավիրուսի համաճարակի պատճառով խաղադաշտերում հարկադրված անդորր է տիրում, VNews.am-ը շարունակում է հանրագումարի բերել Բարձրագույն խմբի նախորդ առաջնություններում գրանցված տարբեր արդյունքներն ու ցուցանիշները, վերհիշել հիշարժան նվաճումները: Այսօր կանդրադառնանք հայկական ֆուտբոլի ամենատիտղոսակիր ֆուտբոլիստներին:

Հայկական ֆուտբոլում նվաճած տիտղոսների քանակով (15) յուրօրինակ ռեկորդակիրը «Փյունիկի» նախկին ավագ Սարգիս Հովսեփյանն է: Նա Հայաստանի միակ 10-ակի չեմպիոնն է, 3 անգամ պատվո շրջան է կատարել ՀՀ գավաթով, 2 անգամ՝ սուպերգավաթով: Նրա տիտղոսների թիվն ավելի մեծ կլիներ, եթե 6,5 մրցաշրջան (1998-2004թթ. հունիս) չբացակայեր Հայաստանից՝ հանդես գալով Սանկտ Պետերբուրգի «Զենիթում» և Մոսկվայի «Տորպեդո-Մետալուրգում»:

Այդ ընթացքում 1998թ. մրցաշրջանից հետո լուծարված և 2001թ. կրկին վերակազմավորված «Փյունիկը» 3 անգամ չեմպիոն էր հռչակվել, 2-ական անգամ էլ նվաճել էր Հայաստանի գավաթն ու Սուպերգավաթը: Բացի այդ էլ, 2004թ. հուլիսից վերսկսելով ելույթները հարազատ թիմի կազմում, Սարգիս Հովսեփյանը 4 անգամ (2005, 2008, 2010, 2011թթ.) չէր ընդգրկվել «Փյունիկի»  համար հաղթական Սուպերգավաթի հանդիպման արձանագրությունում, ուստի կանոնակարգի համաձայն զրկվել էր այդ տիտղոսներից: Այնպես որ, առավելագույնը Սարգիս Հովսեփյանը կարող էր 26 տիտղոսի արժանանալ:

Ովքեր են հայկական ֆուտբոլի տիտղոսակիր մարզիչները

Հովսեփյանն իր առաջին ոսկե մեդալը ստացել է դեռևս 1992թ.՝ Հայաստանի անդրանիկ առաջնությունում ՀՄԸՄ-ի (ներկայիս «Փյունիկի»)  կազմում չեմպիոնի տիտղոսին արժանանալու համար: Այդ տարի նա ճանաչվեց նաև Հայաստանի լավագույն ֆուտբոլիստ: Հովսեփյանը Հայաստանի ամենատարեց չեմպիոնն է՝ իր վերջին ոսկե մեդալը նվաճելով 2010թ. 38 տարեկանում:

Այդ տարի փորձառու ֆուտբոլիստը 7-րդ անգամ անընդմեջ փյունիկցի իր խաղընկերների հետ նվաճեց ՀՀ չեմպիոնի տիտղոսը, ինչը ևս ինքնատիպ ռեկորդ է: Նա գերազանցեց իր նախկին թիմակիցներ Վալերի Ալեքսանյանի (2001-2006թթ.) և Աղվան Մկրտչյանի (2002-2007թթ.) ռեկորդային ցուցանիշը, որոնք 6 տարի անընդմեջ «Փյունիկում» չեմպիոն էին հռչակվել:

Տիտղոսների թվով 2-րդ ցուցանիշն ունեն Ռաֆայել Նազարյանն ու Արտակ Եդիգարյանը՝ 13-ական: Ընդ որում Նազարյանը Եդիգարյանին գերազանցում է չեմպիոնական տիտղոսների քանակով: Նա Հայաստանի յոթակի չեմպիոն է: Այդ ցուցանիշով Նազարյանի հետ միասին կարող են հպարտանալ միայն Վալերի Ալեքսանյանն ու Արթուր Եդիգարյանը: Ալեքսանյանը 7-րդ ոսկե մեդալը նվաճել է 2011թ. «Ուլիսի» կազմում: Արթուրն առաջին 4 ոսկե մեդալները նվաճել է «Փյունիկում», վերջին 3-ը՝ «Ալաշկերտում»:

12 ֆուտբոլիստ, որ նախորդ տասնամյակում ամենաշատ գոլն է խփել Բարձրագույն խմբում

Հետաքրքիր է, որ Ռաֆայել Նազարյանն իր առաջին տիտղոսները նվաճել է 1993թ. «Արարատում»՝ դառնալով ՀՀ չեմպիոն ու գավաթակիր: Այդ ժամանակ Արտակ Եդիգարյանն ընդամենը 3 տարեկան էր, և դժվար թե որևէ մեկի մտքով անցներ, որ 14 տարի անց նրանք կդառնան թիմակիցներ ու միասին խաղադաշտ դուրս կգան: Դա տեղի ունեցավ 2007թ. նոյեմբերի 10-ին Գյումրիում «Շիրակի» հետ կայացած առաջնության ավարտական խաղում:

«Փյունիկն» արդեն ապահովել էր չեմպիոնի տիտղոսը, ուստի Արմեն Գյուլբուդաղյանցը խաղադաշտ էր դուրս բերել երիտասարդ մի խումբ ֆուտբոլիստների, որոնց թվում էր նաև 17-ամյա Արտակ Եդիգարյանը, որն ընդամենը 2-րդ խաղն էր անցկացնում Բարձրագույն խմբում:  Իսկ Ռաֆայել Նազարյանն իր վերջին ելույթն էր ունենում «Փյունիկում»: Նա այդ տարի 6-րդ ոսկե մեդալը նվաճեց  «Փյունիկում»:

Արտակ Եդիգարյանն իր առաջին տիտղոսին արժանացել է 2008թ.՝ «Փյունիկի» իր երիտասարդ թիմակիցների հետ դառնալով Հայաստանի սուպերգավաթակիր: Իսկ հաջորդ մրցաշրջանում նա արժանացավ ՀՀ չեմպիոնի և գավաթակրի տիտղոսներին:

Ինչպես է դասավորվել ԲԽ թիմերի գլխավոր մարզիչների ֆուտբոլիստի կարիերան Հայաստանում

Արտակ Եդիգարյանը գործող ֆուտբոլիստներից ամենատիտղոսակիրն է: Նա լավ հնարավորություն ունի առաջիկա տարիներին գերազանցելու Սարգիս Հովսեփյանի ցուցանիշը և դառնալու Հայաստանի ամենատիտղոսակիր ֆուտբոլիստը:

Հայաստանի վեցակի չեմպիոններն էլ սակավաթիվ են: Միայն Վարդան Մինասյանին, Աղվան Մկրտչյանին, Նորայր Սահակյանին, Արթուր Մկրտչյանին և Լևոն Պաչաջյանին է հաջողվել 6-ական անգամ վայելել չեմպիոն դառնալու անսահման բերկրանքը:

Հայաստանում հանդես եկած լեգեոնականներից ամենատիտղոսակիրը նախկին փյունիկցի Մամադու Դիավարան է: Նա 8 տիտղոսի է արժանացել՝ 5 անգամ թիմակիցների հետ դառնալով Հայաստանի չեմպիոն: Դիավարան միակ լեգեոնականն է, որ տեղ է զբաղեցրել Հայաստանի ամենատիտղոսակիր ֆուտբոլիստների ցանկում:

VNews.am-ը ներկայացնում է հայկական ֆուտբոլի ամենատիտղոսակիր 30 ֆուտբոլիստների ցուցանիշները:

Ֆուտբոլիստներ Չ Գ Ս ԸՆԴ
1. Սարգիս Հովսեփյան 10 3 2 15
2. Ռաֆայել Նազարյան 7 5 1 13
3. Արտակ Եդիգարյան 5 4 4 13
4. Վալերի Ալեքսանյան 7 2 3 12
5. Աղվան Մկրտչյան 6 3 3 12
6. Արթուր Մկրտչյան 6 3 3 12
7. Արթուր Յուսպաշյան 4 6 2 12
8. Արթուր Եդիգարյան 7 2 2 11
9. Դավիթ Մանոյան 4 5 2 11
10. Վարդան Մինասյան 6 2 2 10
11. Ալեքսանդր Թադևոսյան 5 2 3 10
12. Վահագն Մինասյան 4 4 2 10
13. Լևոն Պաչաջյան 6 1 2 9
14. Գևորգ Ղազարյան 5 2 2 9
15. Գևորգ Կասպարով 4 2 3 9
16. Հովհաննես Թահմազյան 3 2 4 9
17. Կարեն Ալեքսանյան 3 2 4 9
18. Տարոն Ոսկանյան 2 4 3 9
19. Նորայր Սահակյան 6 1 1 8
20. Մամադու Դիավարա 5 2 1 8
21. Արսեն Ավետիսյան 5 1 2 8
22. Ռոբերտ Արզումանյան 4 1 3 8
23. Արտակ Անդրիկյան 4 1 3 8
24. Արամայիս Տոնոյան 3 4 1 8
25. Համլետ Մխիթարյան 3 4 1 8
26. Հայկ Հարությունյան 3 4 1 8
27. Տիգրան Գսպեյան 2 5 1 8
28. Կամո Հովհաննիսյան 2 5 1 8
29. Վարազդատ Հարոյան 2 5 1 8
30. Արմեն Շահգելդյան 2 4 2 8

Միացի՛ր հայկական ամենասպորտային Instagram-ին:


Ռոկաս Կրուշնաուսկաս․ «Ապացուցեցինք, որ կարող ենք լավ խաղալ և արդյունքի հասնել» (տեսանյութ)

Արթուր Ավագյան. «Ամեն ինչ անելու ենք, որպեսզի «Լոռիի» պատիվը բարձր պահենք» (տեսանյութ)

Արմեն Նահապետյան. «Մրցակիցը ավելի լավ օգտագործեց իր պահերը» (տեսանյութ)

Ալբերտ Սոլոմոնով. «Կարողացանք խաղը տանել այն սցենարով, ինչ ցանկանում էինք» (տեսանյութ)

Արմեն Պետրոսյան. «Այս վստահ հաղթանակը կօգնի մեզ հետագայում էլ հաջողություններ գրանցել» (տեսանյութ)

«Լոռին» հաղթեց «Փյունիկին», «Գանձասար-Կապանը» ջախջախեց «Շիրակին» (տեսանյութ)

«Գանձասար-Կապան» – «Շիրակ»․ Մեկնարկային կազմեր, ուղիղ հեռարձակում (տեսանյութ)

«Լոռի» – «Փյունիկ»․ Մեկնարկային կազմեր, ուղիղ հեռարձակում (տեսանյութ)

Փոխչեմպիոնն առաջին պարտությունը «պարգևեց» «Ուրարտուին»․ VNews-ի ֆոտոշարքն «Ուրարտու» – «Նոա» խաղից

«Նոան» խոշոր հաշվով հաղթեց մինչ այս անպարտելի «Ուրարտուին» (տեսանյութ)

«Ուրարտու» – «Նոա»․ Մեկնարկային կազմեր, ուղիղ հեռարձակում (տեսանյութ)

Խաղերից միայն մեկը կկայանա Երևանում․ Ամենաուշագրավ փաստերը՝ VBET Հայաստանի Պրեմիեր լիգայի 5-րդ տուրին ընդառաջ

Պաշտոնական․ «Լոռին» պայմանագիր է կնքել Կլաուդիր Մարինիի հետ

«2-րդ մրցաշրջանում տարօրինակ որոշումներ կայացվեցին»․ Գեորգի Պաշովը՝ «Արարատ-Արմենիայում» ելույթների և այլ թեմաների մասին

«Վանը» երրորդ անընդմեջ հաղթանակը տարավ և գլխավորում է մրցաշարային աղյուսակը (տեսանյութ)

Հայ երկրպագուները կվերադառնան մարզադաշտ