Մեկ ակումբի ֆուտբոլիստներ․ Ովքեր են «200-ի ակումբի» 21 անդամները - VNews
Բաժիններ

Մեկ ակումբի ֆուտբոլիստներ․ Ովքեր են «200-ի ակումբի» 21 անդամները

Համաշխարհային ֆուտբոլում մեծ պատվի են արժանանում ոչ միայն բազում տիտղոսներ նվաճած ֆուտբոլիստները, այլև նրանք, որոնք երկար տարիներ հավատարմորեն ծառայում են հարազատ ակումբին՝ վայելելով թիմի երկրպագուների սերն ու հարգանքը:

Հայաստանի առաջնությունների 28-ամյա պատմության ընթացքում ընդամենը 21 ֆուտբոլիստի է հաջողվել Բարձրագույն խմբում միևնույն թիմի կազմում 200 և ավելի խաղ անցկացնել: Նրանք հանդիսանում են ամենահավատարիմ ֆուտբոլիստների «200-ի ակումբի» անդամներ:

Խորհրդանշական այդ ակումբում ընդգրկված են ընդամենը 6 թիմերի՝ «Շիրակի», «Փյունիկի», «Արարատի», «Արաքսի», «Միկայի» և «Գանձասար-Կապանի» ներկայացուցիչներ: Մրցակցությունից դուրս է «Շիրակը», որի 13 ֆուտբոլիստներ են տեղ զբաղեցնում ցանկում: Դա վկայում է հարազատ ակումբին գյումրեցիների առանձնակի հավատարմության մասին:

Ովքեր են հայկական ֆուտբոլի ամենատիտղոսակիր ֆուտբոլիստները

Ընդհանրապես գյումրեցիները շատ հազվադեպ են այլ թիմեր տեղափոխվել: Միայն 2000-ականների կեսերին «Շիրակում» ֆինանսական վիճակի վատթարացումը ստիպեց գյումրեցիներից ոմանց ժամանակավորապես փոխելու «գրանցումը»: Իսկ երբ վիճակը բարելավվեց, նրանք վերադարձան հարազատ կոլեկտիվ:

Պատահական չէ, որ «200-ի ակումբի» ցանկն էլ գլխավորում է ֆուտբոլային երկարակեցությամբ աչքի ընկած գյումրեցի Հովհաննես Թահմազյանը: ՀՀ առաջնություններում ռեկորդային թվով հանդիպումներ անցկացրած Թահմազյանը ռեկորդակիր է նաև միևնույն թիմում անցկացրած խաղերի քանակով: Բարձրագույն խմբի 461 հանդիպումներից 378-ը նա անցկացրել է հարազատ «Շիրակի» կազմում:

Հովհաննես Թահմազյանը միակ ֆուտբոլիստն է, որ մասնակցել է Հայաստանի առաջին 20 առաջնություններին: Միայն 3,5 մրցաշրջան է (2004-2007թթ. հունիս) նա բացակայել «Շիրակից»՝ հանդես գալով «Միկայում», որի կազմում բախտ է վիճակվել վայելելու նաև Հայաստանի գավաթը նվաճելու բերկրանքը, ինչը նրան մինչ այդ գյումրեցի իր թիմակիցների հետ չէր հաջողվել:

Ովքեր են հայկական ֆուտբոլի տիտղոսակիր մարզիչները

«Շիրակում» հոբելյանական՝ 200-րդ հանդիպումը Թահմազյանն անցկացրել է 2000թ. հուլիսի 5-ին Գյումրիում «Կիլիկիայի» հետ կայացած մրցավեճում: Իսկ առաջինը նրա թիմակից Արթուր Պետրոսյանն է ընդգրկվել ամենահավատարիմ ֆուտբոլիստների «200-ի ակումբում»՝ հոբելյանը նշելով 2000թ. հունիսի 24-ին Գյումրիում «Դինամոյի» հետ կայացած խաղում, որում դուբլի հեղինակ էր դարձել: Այդ մրցաշրջանը վերջինն էր Արթուր Պետրոսյանի համար «Շիրակում», որից հետո նա իր ֆուտբոլային կարիերան շարունակեց արտերկրում: Հակառակ դեպքում բացառված չէր, որ հենց Պետրոսյանը կարող էր գլխավորել «200-ի ակումբը»:

Արթուր Պետրոսյանը սակավաթիվ այն ֆուտբոլիստներից մեկն է, որ Հայաստանում իր ֆուտբոլային կարիերայի ընթացքում հանդես է եկել միայն մեկ թիմում: «200-ի ակումբի» անդամներից «Շիրակին» մինչև կարիերայի ավարտը հավատարիմ են մնացել նաև Գագիկ Մարգարյանը, Հենրիկ Բատիկյանն ու Հակոբ Արտոյանը: Կարեն Գ. Խաչատրյանն ու Անդրանիկ Բարիկյանը մինչև «Շիրակում» ընդգրկվելը, ֆուտբոլային կարիերան սկսել են «Շիրակ-2-ում», որի կազմում 1998թ. մասնակցել են Բարձրագույն խմբի առաջնությանը:

12 ֆուտբոլիստ, որ նախորդ տասնամյակում ամենաշատ գոլն է խփել Բարձրագույն խմբում

Ռայմոնդ Զադուրյանն էլ Բարձրագույն խմբում պաշտպանել է միայն «Շիրակի» դարպասը: Միայն մեկ մրցաշրջան՝ 2005թ. նա չի խաղացել շիրակցիների կազմում՝ պաշտպանելով Առաջին խմբում հանդես եկած «Երևան Յունայթեդի» դարպասը:

Հարազատ ակումբին հավատարմության վառ օրինակ է նաև «Փյունիկի» բազմամյա նախկին ավագ Սարգիս Հովսեփյանը: Նա էլ Թահմազյանի պես ՀՀ անդրանիկ առաջնության մասնակից է, Հայաստանի առաջին չեմպիոններից մեկը, որին առաջինը բախտ վիճակվեց ճանաչվելու անկախ Հայաստանի լավագույն ֆուտբոլիստ:

Հայկական ֆուտբոլում նվաճած տիտղոսների քանակով (15) յուրօրինակ ռեկորդակիրը արտերկրում 6,5 մրցաշրջան անցկացնելուց հետո 2004թ. հուլիսին վերադարձավ «Փյունիկ», որի կազմում ելույթները շարունակեց մինչև 2012թ. աշուն: Հարազատ թիմի մարզաշապիկով Հովսեփյանը վերջին անգամ խաղադաշտ դուրս եկավ սեպտեմբերի 15-ին «Ուլիսի» հետ առաջնության 21-րդ տուրի խաղում: Դա Հովսեփյանի 365-րդ հանդիպումն էր Բարձրագույն խմբում:

Ինչպես է դասավորվել ԲԽ թիմերի գլխավոր մարզիչների ֆուտբոլիստի կարիերան Հայաստանում

Այդ ցուցանիշով Սարգիս Հովսեփյանը մինչ օրս էլ «Փյունիկի» ռեկորդակիրն է: Նա «200-ի ակումբում» 2-րդ հորիզոնականն է զբաղեցնում: Եվ եթե Հովսեփյանը շարունակեր ելույթները գոնե մինչև 2012/13թթ. առաջնության ավարտը, որում թիմերը 42-ական խաղ պիտի անցկացնեին, ապա ներկայումս ինքը կգլխավորեր «200-ի ակումբը»:

Ամենահավատարիմ ֆուտբոլիստների ցանկում միակ լեգեոնականը «Միկայի» բրազիլացի ֆուտբոլիստ Ալեքս Էնրիկե դա Սիլվան է, որը թիմի կազմում 230 խաղ է անցկացրել: Այդ ցուցանիշով նա ոչ միայն «Միկայի» ռեկորդակիրն է, այլև լավագույնն է ՀՀ առաջնություններում հանդես եկած այլազգի ֆուտբոլիստների մեջ:

Ամենահավատարիմ ֆուտբոլիստների ցանկում առայժմ վերջին համալրումը տեղի է ունեցել 2016թ. հոկտեմբերի 27-ին: Այդ օրը «Ալաշկերտի» հետ խաղում «Գանձասար-Կապանի» փորձառու պաշտպան Արա Խաչատրյանը հարազատ թիմի մարզաշապիկով Բարձրագույն խմբում 200-րդ անգամ խաղադաշտ դուրս եկավ:

Նախորդ տասնամյակի Հայաստանի ամենատիտղոսակիր 5 մարզիչները

Նա ֆուտբոլային կարիերան սկսել էր «Բանանցում» 2005թ.: 2007թ. առաջնության ավարտից հետո Արա Խաչատրյանը տեղափոխվեց «Գանձասար», որը գլխավորում էր Սամվել Պետրոսյանը: Թիմի կազմում նորամուտն անհաջող դասավորվեց նրա համար: Ապրիլի 19-ին Գյումրիում «Շիրակի» հետ կայացած խաղում Արա Խաչատրյանի ինքնագոլը գանձասարցիների պարտության պատճառ դարձավ, ինչը շատ թանկ նստեց նրա վրա: Հաջորդ 9 հանդիպումներում նա այլևս խաղադաշտ դուրս չեկավ, որից հետո կրկին իր տեղը գտավ թիմի հիմնական կազմում: Այդ տարի Արա Խաչատրյանը թիմի կազմում դարձավ բրոնզե մրցանակակիր: Հետաքրքիր է, որ մինչև Կապան տեղափոխվելը, 2007թ. առաջնությունում «Բանանցի» կազմում նա գանձասարցիների հետ խաղում էլ գրավել էր սեփական դարպասը, որի հետևանքով հյուրերը հաղթանակ էին տոնել:

Իսկ ինչպիսի՞ն են «200-ի ակումբը» համալրելու հեռանկարները: Միանգամից նշենք, որ ներկայումս թիմերում աննախադեպ մեծ թվով լեգեոնականների առկայության պայմաններում պատկերը շատ տխուր է: Առաջիկայում միայն երկու ֆուտբոլիստ՝ շիրակցի Աղվան Դավոյանը և «Ուրարտուի» ավագ Արամ Բարեղամյանը լավ հնարավորություն ունեն ընդգրկվելու ամենահավատարիմ ֆուտբոլիստների ցանկում:

Ֆուտբոլային ողջ կարիերան «Շիրակում» անցկացրած 30-ամյա Դավոյանը հարազատ թիմի մարզաշապիկով Բարձրագույն խմբում 185 անգամ է խաղադաշտ դուրս եկել: Նա «Շիրակում» նորամուտը նշել է 2010թ. և ներկայումս գյումրեցիներից ամենափորձառուն է:

Թվեք Ֆուտբոլի Հայաստանի առաջնության մասնակից բոլոր թիմերը՝ 1992 թվականից սկսած. VNews-ի Quiz-ը

32-ամյա Արամ Բարեղամյանը վաղուց կարող էր համալրել «200-ի ակումբի» շարքերը, եթե 2005թ. «Բանանցում» կարիերան սկսելուց հետո 5 մրցաշրջան (2011-2015/16թթ.) չբացակայեր հարազատ ակումբից՝ հաջորդաբար ելույթ ունենալով «Ուլիսում», «Արարատում» և «Ալաշկերտում»: Բարեղամյանը 177 խաղով ներկայումս «Ուրարտուի» ռեկորդակիրն է: Նա «Երևանի»  հետ ընթացիկ առաջնության 8-րդ տուրի խաղում էր այդ տիտղոսին արժանացել՝ գերազանցելով Սամվել Մելքոնյանի ռեկորդը, որն «Ուրարտուում» (նախկին «Բանանցում») ՀՀ առաջնություններում 172 խաղ էր անցկացրել: Բարեղամյանը կդառնա «200-ի ակումբում» «Ուրարտուի» միակ ներկայացուցիչը:

VNews.am-ը ներկայացնում է ամենահավատարիմ ֆուտբոլիստների «200-ի ակումբի» ցանկը:

Ֆուտբոլիստներ Խաղ Ակումբ  Թվական
1. Հովհաննես Թահմազյան 378 «Շիրակ» 1992-2003, 2007-2011
2. Սարգիս Հովսեփյան 365 «Փյունիկ» 1992-1997, 2004-2012
3. Գագիկ Մարգարյան 295 «Շիրակ» 1992-2005
4. Արարատ Հարությունյան 295 «Շիրակ» 1995-2004, 2007-2012
5. Տիգրան Դավթյան 285 «Շիրակ» 2000-2004, 2009-2015
6. Անդրանիկ Բարիկյան 274 «Շիրակ» 2001-2015
7. Ռայմոնդ Զադուրյան 264 «Շիրակ» 1992-2004, 2006-2008
8. Արթուր Հ. Մինասյան 247 «Արարատ» 1999-2002, 2004, 2006-2009, 2011-2013
9. Արա Խաչատրյան 246 «Գանձասար- Կապան» 2008-2018
10. Կարեն Գ. Խաչատրյան 245 «Շիրակ» 1999-2011
11. Կարեն Ալեքսանյան 242 «Շիրակ» 1999-2003, 2011-2016
12. Գևորգ Հովհաննիսյան 241 «Շիրակ» 2005, 2007-2016
13. Ալեքս Էնրիկե դա Սիլվա 230 «Միկա» 2006-2015
14. Հենրիկ Բատիկյան 222 «Շիրակ» 1997-2009
15. Նորայր Հոխոյան 215 «Արաքս» 1993-2000, 2003
16. Արթուր Պետրոսյան 214 «Շիրակ» 1992-2000
17. Արթուր Յուսպաշյան 214 «Փյունիկ» 2007-2016
18. Արսեն Ավետիսյան 208 «Փյունիկ» 1992-1998, 2006-2007
19. Ֆելիքս Խոջոյան 203 «Շիրակ» 1994-2000, 2007-2009
20. Գևորգ Պողոսյան 202 «Միկա» 2004, 2007-2015
21. Հակոբ Արտոյան 200 «Շիրակ» 1992-2000

Միացի՛ր հայկական ամենասպորտային Instagram-ին:


Արմեն Մելիքբեկյանը դիմել է ակումբների նախագահներին՝ ԲԽ-ում նոր փոփոխությունների առաջարկներով

Էլ ե՞րբ էր եղել, որ միանգամից 3 թիմեր առաջնության ավարտից 2 տուր առաջ հավակնեին Հայաստանի չեմպիոնի կոչմանը

4 ֆուտբոլիստներ հեռացել են «Ուրարտուից»

«Փյունիկից» հեռացել է ևս մեկ ֆուտբոլիստ

Առաջնության մասնակից ֆուտբոլիստներից 2-ն են ԲԽ-ում ավելի շատ գոլ խփել, քան Գեղամ Հարությունյանը

Արմեն Սանամյան․ «Փորձում ենք եղած ֆուտբոլիստներով ու այս ֆիզիկական վիճակով բարելավել թիմի խաղը և հաղթանակներ տոնել»

«21 գոլը ռեկորդ է նույնիսկ ինձ համար». Երեք տարի անընդմեջ լավագույն ռմբարկու ճանաչվող Մորի Կոնեն

Վադիմ Բորեց․ «Լավ է, որ բնավորություն դրսևորեցինք, բայց մեզ նաև խաղային որակ է պետք» (տեսանյութ)

Եղիշե Մելիքյան․ «Ժամանակ չկա․ պիտի շատ արագ հասկանամ իմ թիմի հնարավորությունները» (տեսանյութ)

«Արարատ-Արմենիան» չհաղթեց ԲԽ-ում 4-րդ անընդմեջ խաղում. VNews-ի ֆոտոշարքն «Ալաշկերտի» հետ հանդիպումից

Բարձրագույն խմբի 3 ակումբ ապահովել է իր տեղը եվրագավաթային խաղարկությունում

Գոլազուրկ ոչ-ոքի․ «Արարատ-Արմենիան» մնաց 2-րդ տեղում (տեսանյութ)

5 ֆուտբոլիստ հեռացավ «Փյունիկից»

Ազարովի ֆանտաստիկ գոլը հաղթանակ պարգևեց «Նոային» «Արարատի» դեմ խաղում (տեսանյութ)

Չեմպիոնը շանս է ստանում վերադառնալու. «Արարատ-Արմենիա» – «Ալաշկերտ». Մեկնարկային կազմեր, ուղիղ հեռարձակում

«Շիրակը» չի կարողանում պահել չեմպիոնական տեմպը. Գոլազուրկ ոչ-ոքի «Լոռիի» հետ