Կլոպ․ «Որևէ շանս չունեինք Կոուտինյոյին հեռու պահելու «Բարսելոնա» տեղափոխությունից»

«Լիվերպուլի» գլխավոր մարզիչ Յուրգեն Կլոպը պատմել է բրազիլացի կիսապաշտպան Ֆիլիպե Կոուտինյոյի՝ մերսիսայդյան ակումբից «Բարսելոնա» 2018 թվականի հունվարին ձևակերպված տեղափոխությունից իր հիշողությունների մասին:

«Ես առաջին վայրկյանից էլ հարգել եմ Ֆիլի որոշումը: Նա տեղափոխությունից մի քանի շաբաթ առաջ երկարաձգել էր մեզ հետ պայմանագրի ժամկետը, սակայն մենք որևէ շանս չունեինք «Բարսելոնայի» դեմ: Մեզ համար հեշտ չէր, քանի որ բավականին քիչ տարբերակներ կային: Լալանան շարքից դուրս էր մնացել վնասվածքի պատճառով, ուստի մենք կարճ ժամանակահատվածում 2 ֆուտբոլիստի կորցրինք: Մենք չկարողանանք խնդիրը լուծել տրանսֆերի միջոցով, քանի որ ձեռքբերում կատարելու համար ժամանակ չէր մնացել:

Կոուտինյոն մեզ փակուղու առջև չէր կանգնեցրել, ուստի մեր կողմից արդարացի քայլ էր նրան հեռանալու հնարավորություն տալը»,- գերմանացի մասնագետի խոսքերը մեջբերում է Mundo Deportivo-ն:

Հիշեցնենք՝ կատալոնական ակումբը տրանսֆերի դիմաց վճարել էր 120 մլն եվրո, ևս 40 մլն էլ նախատեսված էր հավելավճարների տեսքով: Կոուտինյոն ներկայումս վարձավճարով հանդես է գալիս «Բավարիայում»:

Կոուտինյոն արդեն բանակցում է անգլիական ակումբի հետ

Միացի՛ր հայկական ամենասպորտային Instagram-ին: