Մխիթարյան․ «Եթե ուզում ես լավ ֆուտբոլիստ դառնալ, ապա քեզ պետք է շատ բաներից զրկես» - VNews
Բաժիններ

Մխիթարյան․ «Եթե ուզում ես լավ ֆուտբոլիստ դառնալ, ապա քեզ պետք է շատ բաներից զրկես»

«Ռոմայի» կիսապաշտպան, Հայաստանի հավաքականի ավագ Հենրիխ Մխիթարյանը, ինստագրամյան ուղիղ եթերում պատասխանելով Հայաստանի մարզերը ներկայացնող երիտասարդների տարաբնույթ հարցերին, խոսել է այն մասին՝ ինչ է հարկավոր ֆուտբոլում հաջողությունների հասնելու համար, և թե որն է իր գլխավոր մոտիվացիան:

«11 տարեկանում արդեն ֆուտբոլով էի զբաղվում, մեծ ցանկություն ունեի դառնալու լավ ֆուտբոլիստ, խաղալու եվրոպական ակումբներում: Չնայած այդ տարիքում մի քիչ հեռու ես երազանքիցդ, որովհետև Հայաստանում ես խաղում, դժվար էր եվրոպական որևէ ակումբի աչքի առջև հայտնվել: Կարող եմ ասել, որ տարի առ տարի երազանքս իրականություն էր դառնում, և հետագայում վերջապես կյանքի կոչեցի այն:

Առաջին քայլերս կատարել եմ հորս շնորհիվ, մինչ այսօր էլ հայրս է իմ գլխավոր մոտիվացիան: Նրա շնորհիվ է, որ ֆուտբոլ եմ խաղում և հասել եմ հաջողությունների: Արդեն 24 տարի է՝ հեռացել է կյանքից, բայց, կարծում եմ, միշտ ինձ հետ է և հետևում է իմ խաղերին: Հորս եմ պարտական ամեն ինչի համար, և հենց նա միշտ կլինի իմ մոտիվացիան:

Լավ ֆուտբոլիստ դառնալու համար պետք է քեզ շատ բաներից զրկես, պետք է նպատակ ունենաս, աշխատես: Միայն տաղանդը հերիք չէ, պետք է կարողանաս առավելագույնն անել: Դա վերաբերում է բոլոր բնագավառներին: Եթե աշխատանքդ հենց այնպես ես անում, ապա կարծում եմ, որ պետք է գտնես քոնը, այն ցանկությունն ու նպատակը, որը քեզ կօգնի առաջ շարժվել: Միշտ ասել եմ, որ իմ նպատակը եղել է լավ ֆուտբոլիստ դառնալը, ոչ մի կասկած չեմ ունեցել, այո՛, եղել են դժվարություններ ու հիասթափություններ, բայց դրանք տևել են ընդամենը մի քանի րոպե, ժամ կամ առավելագույնը մեկ օր: Ինձ տրամադրել եմ, որ վաղվանից պետք է ավելի լավ աշխատեմ ու հասնեմ այն նպատակներին, որոնք իմ առջև դրել եմ:

Եղել են խոչընդոտներ, որոնք հաղթահարելը շատ դժվար է եղել: Չպետք է հիասթափվել, գցել տրամադրությունը, միայն հարկավոր է մտածել, որ կարող ես հաղթահարել ամեն ինչ: Ցանկացած փորձություն հաղթահարելի է: Եթե քեզ ինչ-որ փորձություն է բաժին հասել, ուրեմն դու դա կարող ես հաղթահարել:

Փորձություններ կան թե՛ ֆուտբոլի դաշտում, թե՛ կյանքում, թե՛ հաշվի առնելով այն, որ ֆուտբոլիստին շատ են քննադատում: Պետք է պատրաստ լինես քո ուղեղում, հասկանաս՝ կկարողանա՞ս հաղթահարել այդ ամենը, թե՞ ոչ: Երբ մեկ հանդիպում վատ ես անցկացնում, մարդիկ փորձում են քննադատել քեզ: Ֆուտբոլ խաղում ես քո հաճույքի, հետո նոր՝ երկրպագուների համար: Եթե դու հաճույք ստանաս, երկրպագուներն էլ կվայելեն քո խաղը»,- ասել է Մխիթարյանը:

Netflix-ի որ սերիալն է խորհուրդ տալիս դիտել Հենրիխ Մխիթարյանը

Միացի՛ր հայկական ամենասպորտային Instagram-ին:


«Նապոլին» ջախջախեց «Ռոմային», Մխիթարյանը մասնակցեց խաղին (տեսանյութ)

«Նապոլի» – «Ռոմա»․ Մեկնարկային կազմեր

Ֆոնսեկա. «Մխիթարյանն ու Պեդրոն կարծես ֆուտբոլային կարիերա սկսած երեխա լինեն»

«Ռոմայի» մարզաբազայում Երկրորդ համաշխարհայինից մնացած 20 արկ է հայտնաբերվել

«Մխիթարյանը 45 օր անցկացրեց ջրում՝ շատ տհաճ վնասվածքից վերականգնվելու համար»․ «Ռոմայի» նախկին մարզական տնօրեն

«Ռոմայի» հայտացուցակը «Նապոլիի» դեմ հանդիպման համար

«Ռոման» կակտիվացնի Մխիթարյանի պայմանագիրը երկարաձգելու հնարավորությունը

Մխիթարյանն այնքան, ինչքան «Արսենալի» ամբողջ կազմը․ Հենրիխի տպավորիչ ցուցանիշներն Ա սերիա 20/21-ում

Մեսի-Սուարես, Ռոնալդու-Բենզեմա, Մխիթարյան-Օբամեյանգ․ B/R-ն առանձնացրել է ֆուտբոլային արդյունավետ դուետների

«Կլուժի» մարզիչ. «Մխիթարյանը եկավ ու մեզ ասաց, որ 11 մետրանոց չկար»

ԵԼ. «Ռոման» հաղթեց, Մխիթարյանը մասնակցեց խաղին, մյուս արդյունքները (տեսանյութ)

«Ռոմայի» մեկնարկային կազմը «Կլուժի» դեմ խաղում

«Ռոմայի» հայտացուցակը «Կլուժի» դեմ հանդիպման համար

Բայրամյան. «Ինչպե՞ս կարող է հավաքականում հատուկ վերաբերմունք չլինել Մխիթարյանի նկատմամբ»

«Ռոմայի» ֆուտբոլիստները նախապատրաստվում են «Կլուժի» դեմ հանդիպմանը (լուսանկարներ)

Մխիթարյանը մոտ է «Ռոմայի» հետ նոր պայմանագիր կնքելուն